इजीकीएल 37:9 - Sunuwar Bible

⁹ मिनु मेकोमी आं कली “ए मुर, सोक्‍त कली आं लोव़ पावो। गे मुर, आं लोव़ पावो। मेको आन कली परमप्रभु, परमप्रभु यावेमी ‘ए सोक्‍त, पूर्ब, पच्‍छिम, उत्तर दक्‍खिन रे जाक्‍कीन। मिनु एको बेक्‍शो आन कली मुइक्‍तीन। मिनु ब्रोंइम‍ल’ देनो” देंत।

इजीकीएल 37:9 ပူးပေါင်းရင်းမြစ်များ

भजन संग्रह 104:30

मिनु इन सोक्‍त सोइश्‍शा, मेको आन कली सेल्‍नीनी। मिनु गे रू आन कली लेंशा सेल्‍नीनी।

ठेयब कुम्सो 4:16

उत्तर ङा फश, बोक्‍को। ए दक्‍खिन ङा फश, कुवो। आं रूमी फश पावो। मेको आ ब्रोव़शो रिना ङोन सम्‍म जाक्‍दील्‍ल। आं दाक्‍शो वोंइश मुर आ रूमी जाक्‍ल। मिनु मेकेर ङा नेल्‍ल क्‍येङा ब्रोव़शो फल जवल।

इजीकीएल 37:14

गो आं सोक्‍त इन कली कुर पाइक्‍नन्‍नी। मिनु गे ब्रोंइनीनी। मिनु गो इन कली आंम इन रूम बाक्‍पाइक्‍नुङ। मिनु गेपुकीम गो परमप्रभु यावेमीन एको लोव़ पाता। मिनु मेको पाइनुङ, दे तुइक्‍नीनी’ देनो” दे परमप्रभु, यावेमी देंत।

इजीकीएल 37:4

मिनु मेकोम आं कली “एको रुश आन कली आं लोव़ पा ‘ए सोव़शो रुश परमप्रभु यावे आ लोव़ नेनीन’ देनो” देंत।

इजीकीएल 37:5

मिनु परमप्रभु, परमप्रभु यावेमी “मेको रुश आन कली ‘गो इन आगाम सोक्‍त ओव़पाइक्‍नुङ। मिनु गे ब्रोंइनीनी। भजन संग्रह १०४:३०

इजीकीएल 37:8

मिनु गो आं कोव़न कोव़ना मेको आन नारी बोंइसी‍शा, श्‍ये ग्रूत। मिनु मेको कुशुलम गिल्‍साक्‍म। तन्‍न मेकोपुकी नु सोक्‍त मबा।

दानीएल 11:4

मिनु आ सक्ति बारना बारन लमेनु, आ राज्‍य पूर्ब पच्‍छिम, उत्तर दक्‍खिन गे योक्‍सीब। मोपा योक्‍सीशा, आ तौ चचपुकीम मारेइ मताइनीम। मिनु मेको खोदेंशो पा सुइमी लेंशा सासन मपाइनीम। मारदे हना मेको आ राज्‍य नेल्‍ल खतम दुम्‍मेनु, अरु आन कली दुम्‍ब। दानीएल ८:८,२२

होसे 13:14

गो मेको आन कली तुरस रे प्रोंइनुङा ङा? गो मेको आन कली बेक्‍चा रे पा प्रोंइनुङा ङा? साइक्‍ब, इ साइक्‍तीक ते बाक्‍बा? तुरस, इ खतम सेल्‍तीक ते बाक्‍बा? गो शिशी मपाइनुङ। २तिमोथी १:१०; प्रकाश २०:१४; १कोरिन्‍थी १५:५४-५५

जकरिया 6:5

मिनु मेको परमप्रभु यावे आ स्‍वर्ग ङा गेय पाइबमी आं कली “एको स्‍वर्ग ङा ४ ओटा फश नम। एको ग्रूशा लचा कली रागी नेल्‍ल ङा परमप्रभु यावे आ ङोंइती जाक्‍‍तेक्‍म। जकरिया ४:१४

यूहन्‍ना 3:8

फश ते रे जाक्‍ब, ते लाइबा मतुंइ‍सीब। आ रेयके नेंशा यो ते रे ग्रूबा, ते ते लाइबा, मतुंइ‍सीब। परमप्रभु यावे आ सोक्‍त रे जरमेशो मुर मेको खोदेंशो बाक्‍नीम” देंत।

प्रकाश 10:11

मिनु लोव़ पाइब कामी आं कली “गे लेंशा शुश मुरपुकी, शुश रागी, शुश लोव़ ङा मुर नु शुश पिप आन ङोंइती परमप्रभु यावे आ लोव़ नेंपाइक्‍चा माल्‍नेवे” देंशो नेंता। येरमीया १:९-१०

प्रकाश 11:11

मिनु नाक्‍त सां नु आधा नोले परमप्रभु यावे आ ब्रोंइचा गेब सोक्‍त मेको आस बेक्‍शो रांमी ओव़त। मिनु मेको निक्‍शी छुल छाल बोक्‍शा राप्‍ताक्‍स। मिनु रागी रागी ङा मुरपुकीमी मेको आस कली तशा थाम्‍पा हिंतेक्‍म।