इजीकीएल 36:3 - Sunuwar Bible

³ मोपतीके आं लोव़ पावो, परमप्रभु, परमप्रभु यावेमी ‘मारदे हना मेकोपुकीम इन कली नेल्‍ल मुर मबाक्‍तीके सेल्‍शा, एर ओंथ रे श्‍येत गेम्‍तेक्‍म। मिनु गे रागी रागी ङा लीशो मुर आन रागी दुम्‍तीनी। मिनु गे मुर आन दातेम शुक्‍शी पाइक्‍तीक दुम्‍शो बाक्‍तीनी।

इजीकीएल 36:3 ပူးပေါင်းရင်းမြစ်များ

भजन संग्रह 35:25

मेकोपुकीमी आन थुंमी “आहा, आंइ मिम्‍शो दुम्‍त” देंचा मतामेक्‍ल। मेकोपुकीमी “गो मेको कली खतम पोक्‍तक” देंचा मतामेक्‍ल।

भजन संग्रह 61:1

परमप्रभु, आं ब्रेश्‍‍शो नेनीन। आं पुंइशो लोव़ नेनीन।

भजन संग्रह 69:12

ठेयब लाप्‍चोम बाक्‍बपुकीमी आं कली शुक्‍शी पाइनीम। दुक्‍शो मुरपुकीमी आं पर्बम कुम्‍सो पाइनीम। अय्‍युब ३०:९

भजन संग्रह 79:10

मारदे रागी रागी ङा मुरपुकीमी “मेको आन परमप्रभु ते बाक्‍म?” दे हिल्‍लो पाइनीमी। रागी रागी ङा मुरपुकीमी इन मुर आन कली आन ङोंइती साइश्‍शो आ क्‍येक्‍क लेप्‍ब, दे तुइक्‍तमेक्‍ल। भजन संग्रह ११५:२; योएल २:१७

भजन संग्रह 79:4

आंइ नेक्‍था बाक्‍ब मुरपुकीमी आंइ कली शुक्‍शी पाइक्‍नीम। मिनु आंइ एर ओंथ ङा मुरपुकीमी आंइ कली रिश्‍शा तोक्‍शा लोव़ पाइनीम। भजन संग्रह ४४:१४

हितोपदेस 1:12

मेको कली बेक्‍शो मुर आन बाक्‍तीकेम सोइक्‍तय। गो मेको कली सेसीन तुरसुम सोइक्‍तय।

येरमीया 18:16

मेकोपुकीम आन रागी हिंचा ङा सेल्‍तेक्‍म। मिनु मेको रागी गेना हना यो शुक्‍शी पतीक दुम्‍त। मेकेर रे सु सु गाक्‍मा मेको ग्रीचोक पा हिंनीम। मिनु ‘आबी, आबी’ देंनीम। येरमीया १९:८

येरमीया 2:15

गुप्‍सपुकी मेको कली तशा ग्रीनीम। ठेयब सेंदा पा ग्रीनीम। मेकोपुकीमी आ रागी कली मुर मबाक्‍तीके सेल्‍तेक्‍म। मेको आ सहर नेल्‍ल ब्रेत्‍तेक्‍म। मिनु मेकेर मुर मबाक्‍नीम। येरमीया ४:७

येरमीया 24:9

गो मेको आन कली रागी ङा राज्‍य नेल्‍लेमी शुश हिंचा ङा नु काइ मरिम्‍शो सेल्‍नुङ। मेको आन कली शिशी मताइब, शुक्‍शी लोव़ नु सराप पाइक्‍चा पुंइसीब सेल्‍नुङमी। मेको आन कली खेरशो रागी नेल्‍लेम मोदेंशो पाइनुङमी। १राजा ९:७

येरमीया 33:24

मार लोव़ पाप्‍तु देंशा हना “मेको मुरपुकी मार, देंना देंन बाक्‍मा, मार, गे मनेंनी? मेकोपुकीमी ‘परमप्रभु यावे आ योव़शो खिं निक्‍शी ङा मुर आन कली प्रोंइशा तिल्‍शो बाक्‍ब’ देंतेक्‍म। मो देंतीके मेको मुरपुकीमी आं मुर आन कली आइक्‍च सेल्‍शा, मुल रे रागी का यो मनम, दे मिम्‍नीम” देंत।

येरमीया 51:34

सियोनमी “बेबीलोन ङा पिप नेबुकदरेसरमी आं कली दाक्‍ती। आं कली खतम सेल्‍ती। आं कली श्‍येत्‍थ गर खोदेंशो सेल्‍ती। आं कली अजीङगरम खोदेंशो पा दाक्‍ती। मिनु ब्रोव़शो जचा थोव़कम खोदेंशो पा आ कोव़ज प्रिंताक्‍व। मिनु नोले आं कली ताइक्‍ताक्‍यी।

येरमीया 52:1

सिदकीयाह पिप दुम्‍मेनु, २१ बर्स दुम्‍शो बाक्‍त। मिनु मेकोम यरूसलेममी ११ बर्स सासन पाप्‍तु। मेको आ ममा आ नें हामुतल बाक्‍त। मेको लिब्‍ना ङा येरमीया आ तमी बाक्‍त।

बिलाप 2:2

परमप्रभुमी शिशी मपथु याकूब आ बाक्‍तीक नेल्‍ल खतम सेल्‍तु। मोपा चुरशा यहूदा आ तमी आ गारो हिरशो सहर नेल्‍ल खतम सेल्‍तु। मेकोमी मेको राज्‍य नु आ सासन पाइब आन कली मान मताइब, आइक्‍च सेल्‍तु।

बिलाप 2:5

मुल परमप्रभु सियोन आ जोरी सत्रु खोदेंशो दुम्‍त। मेकोमी इस्राएल कली खतम सेल्‍तु। आ दरवार नेल्‍ल आन कली खतम पोक्‍तु। आ गारो ङा लाइश्‍शो खिं नेल्‍ल प्रेत्‍तु। मिनु यहूदा आ तमी कली शुश रोंका नु हिशेक पपाइक्‍तु।

बिलाप 3:62

मेकोपुकी नेल्‍ल नाक्‍त आं पर्बम ख्रुइश्‍शो लोव़ पा, नोफा मुइक्‍मुम्‍तेक्‍मे।

इजीकीएल 12:20

मुर बाक्‍शो सहर नेल्‍ल श्‍येत्‍थ दुम्‍नीम। मिनु रागी नुप्‍ब। मिनु गेपुकीम गो परमप्रभु यावे नङ, दे तुइक्‍नीनी’ देंशो बाक्‍ब” देंत।

इजीकीएल 13:10

थमा पा, मेकोपुकीम आं मुर आन कली दूली लां खोइक्‍पाइश्‍शा, थुं नाइक्‍तीके मबाक्‍थु, यो “थुं नाइश्‍शा बाक्‍कीन” देंनीम। मिनु मुरपुकीम ब्रेत्‍चा चिक्‍शो गारो प्रोव़नीमी, मेको जोल पा लोव़ पाइबम बुलु ब्रुइश्‍शा सुम्‍नीम। येरमीया ६:१४

इजीकीएल 35:13

गे आं कली ठेयब लेश्‍शा कोंइताक्‍यी। मिनु गे आं पर्बम शुश मरिम्‍शो लोव़ पाप्‍तीवी। गो मेको नेल्‍ल नेंता।

इजीकीएल 36:5

मोपतीके परमप्रभु, परमप्रभु यावे आं लोव़ नेनीन। गो थाम्‍पा रुश पा, अर्को रागी नु एदोम रागी नेल्‍ल आन कली लोव़ पाइनुङ। मारदे हना मेकोपुकीम आन थुं नेल्‍लेम ग्‍येरसीशा आं रागी आन के सेल्‍तेक्‍म। मारदे हना रिम्‍शो योव़तीक जोतीक बाक्‍शा, मेको आंम कली रोंइसाक्‍म’ देंत। इजीकीएल ३५:१५

दानीएल 9:16

परमप्रभु, इन ठीक पतीकेमी इन सहर यरूसलेम नु इन योव़शो डांडा आ पर्बम मगाइक्‍तीन, मचुरीन। आंइ पशो पाप नु आंइ किकी पिप आन मरिम्‍शो पशो आ पर्बम यरूसलेम नु इन योव़शो मुर आन नेक्‍था बाक्‍ब मुर रे पा शुक्‍शी पाइक्‍चा पुंइसीब दुम्‍तेक्‍म।

लेवी 26:43

मारदे हना मेको रागी श्‍येत्‍थ दुम्‍शा, आ नाइक्‍तीक बर्सपुकी मुर मबाक्‍तीके मानेना मानेन बाक्‍ब। मिनु मेकोपुकीमी आन मरिम्‍शो पशो आ पर्बम सजाइ ताइनीम। मारदे हना मेकोपुकीमी आं पावो, दे अरेतीक लोव़ नु आं फुल्‍लुम मुशा ब्रेक्‍शो लोव़ काइ मपाम।

ओबदिया 1:13

आं मुर हिंचा ङा श्‍येत जामे नाक्‍त, गे मेको आन लाप्‍चो रे मओव़चा माल्‍शो नवे। यहूदा ङा मुर खतम दुम्‍मा नाक्‍ती, गे मेको मरिम्‍शो पाइबपुकी नु मगारचा माल्‍शो नवे। मेको हिंचा ङा श्‍येत जामे नाक्‍ती गे मेको आन शोंप रोइश्‍शा मलाइक्‍चा माल्‍शो नवे।

१ कोरिन्‍थी 4:13

जिचा पोक्‍शा, गाइश्‍शा मरिम्‍शो पामेनु, गो मेको आन कली रिम्‍शो लोव़ पा, गारपाइक्‍नीकी। गोपुकी रागी ङा ग्रांग्रा दिचा ङा थोव़क खोदेंशो दुम्‍शा, नेल्‍ल क्‍येङा आइक्‍च महिक्‍सीशो मुर दुम्‍तक।

ब्‍यवस्‍था 28:37

मिनु परमप्रभु यावेमी इन कली खेरशा जात जात ङा मुर आन दातेमी इन पर्बम शुक्‍शी पा, देंतीके सेल्‍शा, शुक्‍शी पचा पुंइसीनीनी। १राजा ९:७; येरमीया २४:९