इजीकीएल 32:30 - Sunuwar Bible

³⁰ उत्तर रागी ङा सासन पाइब नु सीदोन ङा मुर नेल्‍ल मेकेर बाक्‍नीम। मेको आन सक्तिम मुर नेल्‍ल आन कली शुश हिंपाइक्‍तेक्‍म। मोपतीके मेकोपुकी तरवारम साइक्‍चा पुंइसीशो मुरपुकी नु मुने दोक्‍शा उइ लाम्‍तेक्‍म। मेकोपुकी ख्रोइक्‍तीक चि‍नु मख्रोइक्‍थु तरवारम साइक्‍चा पुंइसीशो नु मुने दोक्‍शा तुरसुम बाक्‍शो बाक्‍नीम। इजीकीएल २८:२१-२३

इजीकीएल 32:30 ပူးပေါင်းရင်းမြစ်များ

येरमीया 1:15

गो उत्तर ङा राज्‍य ङा जात जात ङा मुर आन कली ब्रेत्‍‍नुङ। मिनु मेको नेल्‍ल जाक्‍शा, यरूसलेम ङा ठेयब लाप्‍चो ओव़तीक लांमी, एर ओंथ ङा गारो नेल्‍ल नु यहूदा ङा सहर आ ङोंइती आन पिप आन नित्‍तीक वोइक्‍‍नीम। मेकोपुकी मेको आन पर्बम लडाइ पचा कली जाक्‍नीम।

येरमीया 25:22

टायर नु सीदोन ङा पिप नेल्‍ले, समुन्‍द्र आइक्‍ची हांबु ङा पिप नेल्‍ल आन कली,

येरमीया 25:26

मिनु उत्तर गे आ नेक्‍था नु ङोन बाक्‍ब पिप नेल्‍ल आन कली का का पा तूपाइक्‍तामी। मिनु नोले अर्को रागीम बाक्‍शो राज्‍य नेल्‍ल ङा मुर आन कली तूपाइक्‍तामी। मिनु मेको नेल्‍ल आन नोले शेशाक ङा पिपमी यो मेको तूचा माल्‍ब। शेशाक बेबीलोन आ अर्को नें बाक्‍ब। येरमीया ५१:४१

इजीकीएल 26:20

गे इ कली बेक्‍शा लशो मुर नु साइ ङोंइती बेक्‍शो मुर आन बाक्‍तीके उइ तोक्‍नन। गो इ कली उइ ङा रागीम साइ ने‍सी ब्रेश्‍शो खिं आन दातेमी बाक्‍पाइक्‍नुङ। गे नरक लाइब नु बाक्‍नेवे। मिनु गे ब्रोंइशा बाक्‍ब आन बाक्‍तीकेम बाक्‍चा मताइनेवे। यसैया १४:११,१५; एफिसी ४:९; १पत्रुस ३:१९

इजीकीएल 28:10

गे अर्को रागी ङा मुर आन गुइम ख्रोइक्‍तीक चिनु मख्रोइश्‍शो मुर खोदेंशो पा बेक्‍चा माल्‍नेवे’ दे गो, परमप्रभु, परमप्रभु यावेमी लोव़ पाता” देंत।

इजीकीएल 28:21

मार लोव़ पाप्‍तु देंशा हना “ए मुर, सीदोन गे कोव़ङो। मिनु मेको आ पर्बम आं लोव़ पावो। यसैया २३:२-४

इजीकीएल 28:23

गो मेको आ आगाम मुर बेक्‍तीक रोइ का सोइक्‍नुङ। मिनु मेको आ लां मेर हुश शाइक्‍पाइक्‍नुङ। मेको आन दाते ङा मुर तेइ तेइ तरवारम साइक्‍चा पुंइसीनीम। मिनु मेकोपुकीम ‘गोन परमप्रभु यावे नङ’ दे तुइक्‍नीम।

इजीकीएल 38:15

ङोन इ बाक्‍तीक उत्तर रागी रे ठेयब हुल, सक्ति पाइश्‍शो लडाइ पाइब नु शुश जात ङा मुर शारा ङोइश्‍शा, गो नु जाक्‍नीम।

इजीकीएल 38:6

गोमेर नु आ लडाइ पाइब नेल्‍ल, उत्तर ङा बेथ-तोगारमाह नु आ लडाइ पाइब नेल्‍ले शुश मुरपुकी गे नु बाक्‍शो बाक्‍नीम। इजीकीएल २७:१४

इजीकीएल 39:2

गो इ कली हिरशा, ग्‍येत्‍थ गे सोइक्‍नन। गो इ कली ङोन उत्तर रे इस्राएल ङा पहाड गे सोइक्‍नन।