इजीकीएल 32:27 - Sunuwar Bible

²⁷ मेकोपुकी साइ ङोंइती साइश्‍शो अरु लडाइ पाइब नु मबाक्‍नीम। मिनु मेको आन या सुन्‍दा बेक्‍शो मुर आन बाक्‍तीकेम लशो बाक्‍नीम। मेको आन तरवार आन पिया आगाम वोइश्‍शो बाक्‍ब। मिनु आन तेक्‍तीके आन रुश तार वोइश्‍शो बाक्‍नीम। मारदे हना मेको लडाइ पाइबम ब्रोंइशा बाक्‍ब आन रागी ङा मुर आन कली शुश हिंपाइक्‍तेक्‍म।

इजीकीएल 32:27 ပူးပေါင်းရင်းမြစ်များ

इजीकीएल 32:21

मिनु ठेयब सक्ति पाइश्‍शोपुकी नु आन वारच पाइबपुकीमी बेक्‍शो मुर आन बाक्‍तीकेम ‘मेकोपुकी उइ यिशो बाक्‍नीम। मेको गोल्‍शो बाक्‍नीम। ख्रोइक्‍तीक चि‍नु मख्रोइश्‍शोपुकी तरवारम साइक्‍चा पुंइसीशो बाक्‍नीम’ देंनीम।

भजन संग्रह 109:18

मेकोमी सराप चीले वा फेक्‍सीशो खोदेंशो पा फेक्‍साक्‍व। सराप आ रांम ब्‍वाक्‍कु खोदेंशो पा बाक्‍ल। तेल खोदेंशो पा मेको आ रुशेम ब्रील। गन्‍ती ५:२४

अय्‍युब 20:11

मेकोपुकी ठिटा दुम्‍शा, सक्ति पाइश्‍शो बाक्‍तेक्‍म हना यो, बेक्‍शा, तुरस ङा फुरकुम वोइक्‍चा पुंइसीनीम।

२ कोरिन्‍थी 10:4

आंइ लडाइ पतीक या रागी ङा खोदेंशो मबाक्‍नीम। तन्‍न मेको परमप्रभु यावे आ सक्ति पाइश्‍शो बाक्‍नीम। मेकोमी मारेइ मारेइ खतम सेल्‍ने चाप्‍नीम। एफिसी ६:१३-१७

यूहन्‍ना 8:24

मोपतीके गो इन कली ‘गे इन मरिम्‍शो पतीकेमी ग्रुम्‍शा बेक्‍नीनी’ देंती। गेपुकीमी ‘गो मरिम्‍शो गेय रे प्रोंइब ननी’ दे आं कली थमा मसुइक्‍तीनी हना, इन मरिम्‍शो पतीकेमी ग्रुम्‍शा बेक्‍नीनी” देंत। यसैया ४३:१०

इजीकीएल 18:20

सुम पाप पाइबा, मेको ला बेक्‍ब। आलमी आ आम आफ आस मरिम्‍शो पशो आ पर्बम श्‍येत जचा ममाल्‍ब। आ आम आफोम यो आस आल आन मरिम्‍शो पशो आ पर्बम श्‍येत जचा ममाल्‍नीस। ठीक पाइब आ ठीक पशो आ कली दुम्‍ब। मिनु परमप्रभु यावे आ अरेशो मटीबमी आ मटिशो आ कलीन दुम्‍ब। २राजा १४:६

यसैया 54:17

गे नु लडाइ पचा कली सेल्‍शो यामी मग्रानीम। इ कली सुमी निसाफ पची ना दोस गेबा, मेको नेल्‍ल फ्रुचा पुंइसीनीम। मोपा ग्रातीके परमप्रभु यावे आं गेय पाइब आन अङस बाक्‍ब। मेको आं गेशो ठीक पतीके बाक्‍ब” दे परमप्रभु यावेमी देंत।

हितोपदेस 14:32

परमप्रभु यावे आ अरेशो मटीबपुकी मरिम्‍शो पतीकेमी जाम्‍शा लाइनीम। तन्‍न ठीक पाइब मुर आंम आन गेना हना यो रिम्‍शो पतीकेमी ब्रोंइशा बाक्‍चा ताइनीम।

भजन संग्रह 92:9

परमप्रभु यावे, इन जोरी सत्रु क्‍याम्‍चा पुंइसीनीम। मरिम्‍शो पाइब नेल्‍ल एर ओंथ ब्राइनीम।

भजन संग्रह 92:7

मिनु परमप्रभु आ अरेशो मटीबपुकी घांस खोदेंशो पा बारनीम। मरिम्‍शो पाइबपुकी फू खोदेंशो पा बोइक्‍नीम। नोले मेकोपुकी गेनायो मलीचा ङा पा क्‍याम्‍चा पुंइसीनीम।

भजन संग्रह 49:14

मेकोपुकी भेडा खोदेंशो पा बेक्‍चा कली बाक्‍नीम। बेक्‍पाइक्‍बमी मेको आन कली दाक्‍ब। सुनी कना रिम्‍शो थुं पाइश्‍शो मुरपुकीमी मेको आन कली हुकुम पाइनीम। मेको आन बाक्‍तीके रे ङोन दुम्‍शा, आन रां तुरसुम राक्‍शा लाइनीम।

इजीकीएल 32:28

इजीप्‍त गे यो खतम दुम्‍शा ख्रोइक्‍तीक चि‍नु मख्रोइक्‍थु तरवारम साइक्‍चा पुंइसीशा गोल्‍चा माल्‍नेवे।

यसैया 14:16

इ कली ताइबपुकीमी “मार, मेरे मुरुम रागी हिम्‍पाइश्‍शा, राज्‍यपुकी ख्रिंख्रि पपदा?

इजीकीएल 26:17

मिनु मेकोपुकीम सहर आ पर्बम रोंका पाइनीम। मिनु सहर कली ‘गे समुन्‍द्र रे क्‍याम्‍चा पुंइसाक्‍वे। ए दारशो सहर, गे नु इ मुरपुकी समुन्‍द्र ङा सक्ति पाइश्‍शो बाक्‍तीनी। मेकेर बाक्‍ब नेल्‍ल आन कली गे हिंपाइश्‍शा थिर थिर पपाइश्‍शो बाक्‍ते।