इजीकीएल 32:23 - Sunuwar Bible

²³ मेको आन तुरस बेक्‍शो मुर आन बाक्‍तीके क्‍येङा दी गे वोइश्‍शो बाक्‍ब। मेको आ लडाइ पाइबपुकी मेको आ तुरस आ एर ओंथ बाक्‍नीम। मेको नेल्‍ल तरवारम साइक्‍चा पुंइसीशो बाक्‍नीम। मेकोम ब्रोंइशा बाक्‍ब आन रागीम मुर आन कली शुश हिंपाइश्‍शो बाक्‍‍तेक्‍म।

इजीकीएल 32:23 ပူးပေါင်းရင်းမြစ်များ

अय्‍युब 28:13

बेक्‍शा लाइब मुरपुकीम मेको आ लां मतुइक्‍नीम। ब्रोंइशा बाक्‍ब मुर आन रागीम मेको मथिंसीब।

भजन संग्रह 116:9

गो ब्रोंइशो मुर आन बाक्‍तीक रागीमी परमप्रभु यावे आ ङोंइती गाक्‍नुङ। भजन संग्रह १४२:६

भजन संग्रह 142:5

परमप्रभु यावे गो इन कली ब्रेत्‍ताक्‍ङ। गो “गे आं ख्रुइक्‍तीके बाक्‍नीनी। ब्रोंइशा बाक्‍ब आन रागीमी गे आं भाग बाक्‍नीनी” देंती। भजन संग्रह २७:१३

भजन संग्रह 27:13

गो ब्रोंइशा बाक्‍ब आन बाक्‍तीकेमी, परमप्रभु यावे आ रिम्‍शो पतीके ताइनुङ, दे थमा सुइक्‍नुङ” दे लोव़ पाता। यसैया ३८:११

यसैया 14:17

मेरेम रागी नेल्‍ल गोरशो रागी सेल्‍शा, सहर नेल्‍ल खतम पोक्‍गा? चोक्‍सीशो मुर आन कली आन खिं लेत्‍चा मगेब मुर मेरेन बाक्‍बा?” देंनीम।

यसैया 38:11

मिनु गो परमप्रभु यावे कली “गो परमप्रभु यावे, इन कली ब्रोंइशो मुर आन रागी मताइनुङ। गो मुल मुर आन कली मताइनुङ। रागीम बाक्‍ब आन कली मताइनुङमी। भजन संग्रह २७:१३

येरमीया 11:19

गो साइक्‍चा कली लाइश्‍शो मारेइ पने मचाप्‍ब पाठा का खोदेंशो बाक्‍ती। मेकोपुकीमी आं पर्बम “एको रवा कली आ फल सुन्‍दा तिम्‍य। एको कली ब्रोंइशा बाक्‍ब आन रागी रे क्‍योरशा ताइक्‍तय। मिनु एको आ नें गेनायो ममिम्‍सेक्‍ल” देंशा मरिम्‍शो पशो गो मतुइक्‍तु। यसैया ५३:७

इजीकीएल 26:17

मिनु मेकोपुकीम सहर आ पर्बम रोंका पाइनीम। मिनु सहर कली ‘गे समुन्‍द्र रे क्‍याम्‍चा पुंइसाक्‍वे। ए दारशो सहर, गे नु इ मुरपुकी समुन्‍द्र ङा सक्ति पाइश्‍शो बाक्‍तीनी। मेकेर बाक्‍ब नेल्‍ल आन कली गे हिंपाइश्‍शा थिर थिर पपाइश्‍शो बाक्‍ते।

इजीकीएल 26:20

गे इ कली बेक्‍शा लशो मुर नु साइ ङोंइती बेक्‍शो मुर आन बाक्‍तीके उइ तोक्‍नन। गो इ कली उइ ङा रागीम साइ ने‍सी ब्रेश्‍शो खिं आन दातेमी बाक्‍पाइक्‍नुङ। गे नरक लाइब नु बाक्‍नेवे। मिनु गे ब्रोंइशा बाक्‍ब आन बाक्‍तीकेम बाक्‍चा मताइनेवे। यसैया १४:११,१५; एफिसी ४:९; १पत्रुस ३:१९

इजीकीएल 32:32

मारदे हना मेकोमी ब्रोंइशा बाक्‍ब आन रागी ङा मुर आन कली शुश हिंपाइक्‍तु। मोपतीके फाराओ ख्रोइक्‍तीक चिनु मख्रोइक्‍थु तरवारम साइश्‍शो मुर आन दातेमी बाक्‍ब” दे परमप्रभु, परमप्रभु यावेमी देंत।

नहुम 1:14

निनवे, परमप्रभु यावेमी इ पर्बम लोव़ का अरेशो बाक्‍ब। मेकोमी मार अरेशो बाक्‍ब देंशा हना “मुल रे इ नें वोइक्‍ब मुर सुइ मलीनीम। गो इ परमप्रभु आ खिं रे इ मुशा सेल्‍शो मूर्ति नु चेम्‍शा सेल्‍शो मूर्ति ग्रुंइनुङ। गो इ कली तुरस ठीक सेल्‍नुङ। मारदे हना गे काइ मरिम्‍शो पाइब बाक्‍नेवे” दे अरेशो बाक्‍ब।