इजीकीएल 32:22 - Sunuwar Bible

²² अस्‍सुर नु आ मुर नेल्‍ल मेकेर बाक्‍नीम। आ लडाइ पाइब नेल्‍ल आ तुरस आ एर ओंथ बाक्‍नीम। मेको नेल्‍ल तरवारम साइक्‍चा पुंइसीशो बाक्‍नीम।

इजीकीएल 32:22 ပူးပေါင်းရင်းမြစ်များ

यसैया 14:25

गो अस्‍सुर ङा मुर आन कली आं रागीम साइश्‍शा, आं डांडा दिम्‍पाइक्‍नुङमी। मोपा आं जुवा ग्रुंइनुङ। मिनु आन श्‍येत आन बला रे फेत्‍नुङ।

यसैया 30:33

मारदे हना ङोंइती रे ठेयब चोतीके का सेल्‍शो बाक्‍त। मेको थमा पा पिप कली सेल्‍शो बाक्‍त। मेको शुश लुक्‍च लशो नु ब्रेम्‍शो बाक्‍त। मेकेर मी नु शुश शी बाक्‍त। परमप्रभु यावे आ मुइश्‍शो गन्‍धक खोदेंशो पा मेको मी ब्राइ‍ब।

इजीकीएल 27:23

हारान, कन्‍नेह, एदेन, शेबा, अश्‍शुर नु किल्‍मद ङा ग्‍याप्‍ब लेयबपुकीम गे नु ग्‍याप्‍तीक लेयतीक गेय पाम्‍तेक्‍म।

इजीकीएल 32:24

एलाम मेकेर बाक्‍ब। आ लडाइ पाइब नेल्‍ल आ तुरस आ एर ओंथ बाक्‍नीम। मेको नेल्‍ल तरवारम क्‍योरशा साइक्‍चा पुंइसीशो बाक्‍नीम। मेकोपुकी ख्रोइक्‍तीक चिनु मख्रोइक्‍थु, उइ बेक्‍शो मुर आन बाक्‍तीक लाम्‍तेक्‍म। मेकोम ब्रोंइशा बाक्‍ब आन रागीम मुर आन कली शुश हिंपाइश्‍शो बाक्‍‍तेक्‍म। मेकोपुकी बेक्‍शो मुर आन बाक्‍तीकेम लशो खोदेंशो पा मुने दोक्‍नीम। येरमीया ४९:३७

इजीकीएल 32:26

मेशेक, तूबल नु आस शुश मुर मेकेर बाक्‍नीम। आस मुर आस तुरस आस एर ओंथ बाक्‍नीम। मेको नेल्‍ल ख्रोइक्‍तीक चिनु मख्रोइक्‍थु तरवारम साइक्‍चा पुंइसीशो बाक्‍नीम। मारदे हना मेकोम ब्रोंइशा बाक्‍ब आन रागीम मुर आन कली शुश हिंपाइश्‍शो बाक्‍‍तेक्‍म। इजीकीएल २७:१३; इजीकीएल ३८:२

नहुम 1:14

निनवे, परमप्रभु यावेमी इ पर्बम लोव़ का अरेशो बाक्‍ब। मेकोमी मार अरेशो बाक्‍ब देंशा हना “मुल रे इ नें वोइक्‍ब मुर सुइ मलीनीम। गो इ परमप्रभु आ खिं रे इ मुशा सेल्‍शो मूर्ति नु चेम्‍शा सेल्‍शो मूर्ति ग्रुंइनुङ। गो इ कली तुरस ठीक सेल्‍नुङ। मारदे हना गे काइ मरिम्‍शो पाइब बाक्‍नेवे” दे अरेशो बाक्‍ब।

गन्‍ती 24:24

कित्तीम रे जहाजपुकी जाक्‍नीम। मिनु मेकोपुकीम अश्‍शुर नु एबेर कली श्‍येत गे‍नीम। मिनु मेकोपुकी यो खतम दुम्‍नीम” देंत। उत्‍पत्ती १०:-४; उत्‍पत्ती १०:२१-२२