इजीकीएल 32:10 - Sunuwar Bible

¹⁰ गो शुश मुर आन कली इ कली तशा हिंब सेल्‍नुङमी। मेको आन पिप इ कली तशा शुश हिंनीम। गो आं तरवार मेको आन ङोंइती हिरदुनु, मेको पिपपुकी बेक्‍चा कली हिंशा ख्रिंख्रि पस ङा पस बाक्‍नीम। इ बेक्‍तीक नाक्‍ती मेको नेल्‍ल बेक्‍चा कली ख्रिंख्रि पना पन बाक्‍नीम” देंत।

इजीकीएल 32:10 ပူးပေါင်းရင်းမြစ်များ

१ राजा 9:8

एको खिं ब्रेश्‍शा, फुल्‍लु देल्‍शो दुम्‍ब। मिनु नोले एकेर गाक्‍ब मुर नेल्‍ल छक लाक्‍नीम। मिनु मुरपुकीमी मेको तशा ‘मारदे परमप्रभु यावेमी एको खिं नु एको रागी कली ओं पवा, माइ?’ दे शुक्‍शी पाइनीम।

यसैया 30:32

मिनु परमप्रभु यावेमी गिश खेयप तुप्‍बा, मीश खेयप खैजडी नु बीना ताप्‍शो नेंसीब। परमप्रभु आंमा अस्‍सुर ङा मुरपुकी नु लडाइ पाइब।

येरमीया 51:9

गोपुकीम बेबीलोन कली सापाइय्य वा। तन्‍न मेको मसाब। गो मेको कली प्रोंइतक। मिनु आंम आंम रागी लेत्‍तक। मारदे हना मेको आ निसाफ पशो सजाइ स्‍वर्ग सम्‍म जाक्‍दीश्‍शो बाक्‍ब। मेको सरीङ सम्‍म बोक्‍शो बाक्‍ब।

इजीकीएल 26:16

मेना समुन्‍द्र आ नेक्‍था ङा सहर आन कली सासन पाइब आन ठेयब नित्‍तीक रे बोक्‍शा तोइश्‍शा, बुटा आप्‍शो वा प्रुइक्‍नीम। मेकोपुकी हिंशा ख्रिंख्रि पशा, खपीम निश्‍शा, हिम्‍‍सी‍नीम। मिनु इ कली तशा हिंनीम।

इजीकीएल 27:35

मिनु समुन्‍द्र आ नेक्‍थाम बाक्‍ब नेल्‍ल इ कली तशा हिंशो बाक्‍नीम। मेको आन पिप थाम्‍पा हिंशा ख्रिंख्रि पाइनीम। मेको आन कुल हिंशा किक्‍पाइश्‍शो बाक्‍नीम।

इजीकीएल 30:9

मेको नाक्‍ती लोव़ कुरब मुर जहाजम ङोइक्‍पा सोइक्‍नुङ। मेको आन थुं नाइश्‍शा बाक्‍शो एथीयोपीया ङा मुर आन कली हिंच कोंइचा कली लोव़ सोइक्‍नुङ। इजीप्‍त रागी आ नुप्‍ची नाक्‍ती मेकोपुकी शुश हिंनीम। मेको नाक्‍त थमा पा जाक्‍ब” देंत। यसैया २०:३-४

जकरिया 11:2

तोव़शी रवा रोंका पने। मारदे हना लेबानोन ङा लाइश्‍शो रवा गोल्‍तेक्‍म। मेको दारशो रवा खतम दुम्‍तेक्‍म। बाशान ङा बोल्‍यो शी के रवा रोंका पने। मारदे हना ठेयब ब्‍वाकी नेल्‍ल क्‍योव़शो बाक्‍ब।

ब्‍यवस्‍था 29:24

मिनु रागी रागी ङा मुर नेल्‍लेमी ‘परमप्रभु यावेमी एको रागी कली मारदे ओदेंशो सेला? एको आ पर्बम मारदे मोदेंशो शुश चुरशा गाइक्‍ता?’ दे हिल्‍लो पाइनीम।

ब्‍यवस्‍था 32:41

गो आं टल्‍केशो या शेप्‍ता हना, आं गुइमी निसाफ पचा कली ग्‍याइक्‍ताक्‍ङ हना, आं जोरी सत्रु आन कली क्‍येक्‍क लेत्‍नुङ। आं कली काइ मदाक्‍ब आन कली क्‍येक्‍क लेत्‍नुङ। येरमीया ४६:१०

प्रकाश 18:10

मिनु मेको आ श्‍येत तशा हिंशा, ङोन रे कोव़बपुकीमी “आबी, आबी, मेको ठेयब बेबीलोन माइश्‍शो सहर गिश दारशो सेल्‍शो बाक्‍त। मुल चहिं घन्‍टा कामी इ निसाफ दुम्‍त” देंनीम। येरमीया ५१:८