इजीकीएल 30:12 - Sunuwar Bible

¹² गो नील खोला ङा ब्राशो ब्‍वाक्‍कु सोव़पाइक्‍नुङ। मेको रागी कली मरिम्‍शो पाइब आन गुइम लेयनुङ। गो मेको रागी नु मेकेर बाक्‍शो मारेइ मारेइ आन कली अर्को रागी ङा मुर आन गुइ रे खतम पोक्‍नुङ। गो, परमप्रभु यावेमी एको लोव़ पाता” देंत। यसैया १९:५

इजीकीएल 30:12 ပူးပေါင်းရင်းမြစ်များ

इजीकीएल 29:3

मिनु परमप्रभु, परमप्रभु यावेमी मेको कली ‘ए इजीप्‍त ङा पिप फाराओ, गो इ कली सजाइ गे‍नुङ। गे खोला आन दातेम बाक्‍ब समुन्‍द्र ङा ठेयब जन्‍तु खोदेंशो बाक्‍नेवे। मिनु नील खोला आं केन बाक्‍ब। मेको आं सेल्‍शो बाक्‍ब’ देंते। इजीकीएल ३२:२

प्रकाश 16:12

मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का युफ्रेटीस माइश्‍शो ठेयब खोलामी मोइक्‍तु। मिनु मेकोमी मोदानु, खोला ङा ब्‍वाक्‍कु सोव़त। मारदे सोव़त देंशा हना, नां दाप्‍तीके रे पीब पिप आन लां ठीक पचा कली सोव़त। यसैया ११:१५-१६

१ कोरिन्‍थी 10:26

रागी नु रागीमी मार मार बाक्‍मा, मेको नेल्‍ल प्रभु के बाक्‍ब दे रुपीने। भजन संग्रह २४:१

नहुम 1:4

मेकोमी ठेयब समुन्‍द्र कली हुइक्‍तानु, सोव़ब। मेकोमी खोला नेल्‍ल आन कली सोव़पाइक्‍ब। बाशान ङा बी ब्‍यफ योव़तीके नु कारमेल पहाड ङा मारेइ मारेइ सोल सुल बेक्‍नीम। लेबानोन ङा फू यो सोल सुल बेक्‍नीम।

इजीकीएल 31:12

मिनु अर्को रागी ङा थम मरिम्‍शो मुरपुकीम मेको कली तिम्‍शा प्रोंइतेक्‍म। मेको आ राशीपुकी बेंसी नेल्‍ल नु पहाड मेर गोल्‍शा बाक्‍तेक्‍म। मिनु मेको आ ठेयब राशी रागी ङा खोला नेल्‍लेम जिक्‍शा लीतेक्‍म। मिनु रागी ङा मुर नेल्‍ले मेको आ वांकु रे ग्रूशा मेको कली प्रोंइतेक्‍म।

इजीकीएल 28:10

गे अर्को रागी ङा मुर आन गुइम ख्रोइक्‍तीक चिनु मख्रोइश्‍शो मुर खोदेंशो पा बेक्‍चा माल्‍नेवे’ दे गो, परमप्रभु, परमप्रभु यावेमी लोव़ पाता” देंत।

येरमीया 51:36

मोपतीके परमप्रभु यावेमी “गो इ पोन बोक्‍नुङ। गो इ कली गेशो श्‍येत आ क्‍येक्‍क लेत्‍‍नुङ। गो मेको आ समुन्‍द्र सोव़पाइक्‍नुङ। आ ब्‍वाक्‍कु बुक्‍तीके यो सोव़पाइक्‍नुङ।

येरमीया 50:38

मेको आ ब्‍वाक्‍कु सोव़चा कली काइ रेउ मयी। मारदे हना मेको शुश मूर्ति आन रागी बाक्‍ब। मिनु मेको आ देवी देवता आन पर्बम निप्‍स ग्राइश्‍शो खोदेंशो दुम्‍‍ब।

यसैया 44:27

गो शुश लुक्‍च लशो ब्‍वाक्‍कु सोव़पाइक्‍नुङ। गो इ खोला आन कली सोव़पाइक्‍नुङ। यहोसु ४:२३

न्‍यायाधीस 2:14

मिनु परमप्रभु यावेमी इस्राएली आन पर्बम गाइश्‍शा, मेको आन कली रोइक्‍ब आन गुइमी गेमी बाक्‍त। मिनु मेकोपुकीमी मेको आन मारेइ मारेइ रोइक्‍तमे बाक्‍त। मिनु मेकोमी मेको आन कली आन नेक्‍था बाक्‍ब जोरी सत्रु आन हुकुममी बाक्‍चा गेमे बाक्‍त।। मोपा इस्राएलीपुकीमी आन जोरी सत्रु आन कली ग्राने मचाप्‍बमे बाक्‍त।