इजीकीएल 3:15 - Sunuwar Bible

¹⁵ मिनु गो मेको केबार खोला आ नेक्‍था बाक्‍‍ब रागी रे ग्‍याइश्‍शा लाइक्‍चा पुंइसीशो आन बाक्‍तीक तेल-अबीब सहरम जाक्‍ती। मिनु गो ७ नाक्‍ती सम्‍म मेको आन दातेम ब्रिथ्री बाक्‍ती।

इजीकीएल 3:15 ပူးပေါင်းရင်းမြစ်များ

उत्पत्ती 50:10

मिनु मेकोपुकी आताद आ चेरब तुप्‍तीके यर्दन खोला आइक्‍ची हांबु जाक्‍दीश्‍शा, ठेयब रोंका पामे बाक्‍त। मिनु योसेफमी आ आफ कली ७ नाक्‍त सम्‍म रोंका पवा बाक्‍त।

अय्‍युब 2:13

मिनु मेकोपुकी ७ नाक्‍ती नु ७ नाक्‍दो मारेइ लोव़ मपथु, मेको आ नेक्‍था खपीम निस्‍समा बाक्‍त। मारदे हना मेकोपुकीम अय्‍युब कली शुश श्‍येत दुम्‍शो तामे बाक्‍त।

भजन संग्रह 137:1

गो बेबीलोन ङा खोला आ नेक्‍था बाक्‍शा, सियोन कली मिम्‍शा ङाक्‍तक।

येरमीया 23:9

परमप्रभु यावेम आ लोव़ पाइब आन पर्बम लोव़ पशो बाक्‍ब। मेको नेंशा आं थुं जिक्‍त। आं रुश नेल्‍ल ख्रिंख्रि पाइनीम। गो दुक्‍शो मुर खोदेंशो दुम्‍ती। गो अङगुर शांबु शुश तूशा दुक्‍शो खोदेंशो दुम्‍ती। गो परमप्रभु यावे आ पर्बम नु आ लोव़ आ पर्बम मोदेंशो दुम्‍ती।

इजीकीएल 1:1

मिनु ३० बर्स ङा ४ महिना ङा ५ नाक्‍ती ग्‍याइश्‍शा लाइक्‍चा पुंइसीशोपुकी नु गो केबार खोला आ नेक्‍था बाक्‍शो नङ। मिनु मेना सरीङ रोक्‍साक्‍व। मिनु गो परमप्रभु आ कोंइशो तातामी। इजीकीएल १:३; इजीकीएल ३:२३; इजीकीएल १०:१५,२०,२२; इजीकीएल ४३:३

इजीकीएल 1:3

मिनु परमप्रभु यावेमी बूजी आ तौ चढ़ेब इजीकीएल, आं कली लोव़ पाप्‍तु। मेना गो कल्‍दी आन रागी, केबार खोला आ नेक्‍थाम बाक्‍ती। मेना परमप्रभु यावेमी आं कली थिती। इजीकीएल ३:२२-२३; इजीकीएल ८:१; इजीकीएल ३३:२२; इजीकीएल ३७:१; इजीकीएल ४०:१

इजीकीएल 10:15

मिनु मेको करूबपुकी इर गे लाम्‍तेक्‍म। मेको ङोंइती ङा सोक्‍त पाइश्‍शोपुकी बाक्‍तेक्‍म। ङोंइती गो मेको आन कली केबार खोला आ नेक्‍था तशो नङमी। इजीकीएल १:१

इजीकीएल 3:23

मोपतीके गो बोक्‍शा बेंसीम लती। मिनु गो केबार खोला आ नेक्‍थाम तशो परमप्रभु यावे आ छेङछेङ मेकेर यो बाक्‍त। मिनु गो खुम्‍की पा बाप्‍ती। इजीकीएल १:२८

इजीकीएल 43:3

मेको आं ङोंइती तशो परमप्रभु यावेमी सहर कली खतम सेल्‍ची ना जाक्‍मेनु, कोंइतीक खोदेंशो बाक्‍त। मेको केबार खोला आ नेक्‍थाम तशो कोंइतीके खोदेंशो बाक्‍त। मिनु गो खुम्‍की पा बाप्‍ती। इजीकीएल ८:-११:-; इजीकीएल १:-

हबकुक 3:16

गो इन सेंदा नेंनुनु, ख्रिंख्रि पाता। आं शोव़ यो ख्रिंख्रि पाप्‍तु। आं रुश आगा नेल्‍ल मुक्‍ताक्‍मे। खोइल ख्रिंख्रि पाप्‍तु। मो हना यो आंइ कली मरिम्‍शो पाइब मुर आन कली श्‍येत दुम नाक्‍ती कली रिम्‍शा बाक्‍ती।