इजीकीएल 27:9 - Sunuwar Bible

⁹ गेबाल ङा खाल्‍पा नु दारशो थोव़क सेल्‍स जोक्‍ब तुइक्‍ब इ आगाम बाक्‍तेक्‍म। मेकोपुकी जहाज ङा बिग्रेशो मार मार सेल्‍ब बाक्‍तेक्‍म। जहाज नु आ गेय पाइब नेल्‍ल इ आगाम बाक्‍तेक्‍म। मेकोपुकीमी लेयतीक नु ग्‍याप्‍तीक गेय यो पाम्‍तेक्‍म। यहोसु १३:५; १राजा ५:३२

इजीकीएल 27:9 ပူးပေါင်းရင်းမြစ်များ

१ राजा 5:18

मोपा सोलोमन नु हीराम आस मुरपुकी नु गेबाल ङा मुरपुकीम खिं सेल्‍चा कली फुल्‍लु ख्रोइश्‍शा शी ठीक सेल्‍मे बाक्‍त। यहोसु १३:५; इजीकीएल २७:९

भजन संग्रह 104:26

मेकेर रे जहाजपुकी यो गाक्‍नीम। मिनु गे मेकेर ग्‍यारचा कली लेव्‍याथन यो सेल्‍तीनी।

भजन संग्रह 83:7

गेबाल, अम्‍मोन, अमालेक, पलिस्‍ती नु टायर ङा मुरपुकी बाक्‍नीम।

भजन संग्रह 83:8

अस्‍सुर यो मेकोपुकी नु गारशो बाक्‍ब। मेको नेल्‍ल लोत आ खिं ङा सक्ति पाइश्‍शो मुर बाक्‍नीम। ठेयब सेंदा पा।

यहोसु 13:5

गेबाली आन रागी, लेबानोन नेल्‍ल नु पूर्ब गे ङा हेरमोन डांडा दी ङा बाल-गाद रे लाइश्‍शा, लेबो-हमाथ सम्‍म लीशो बाक्‍नी‍म।

प्रकाश 18:11

मिनु रागी रागी ङा ग्‍याप्‍ब लेयबपुकी मेको सहर तशा, ङाक्‍शा रोंका पाइनीम। मारदे ङाक्‍शा रोंका पाइनीम देंशा हना, मेको आन लेयचा ङा थोव़क सुइमी मग्‍याप्‍नीम।

प्रकाश 18:3

मारदे मेको सहर मोदेंशो दुम्‍त देंशा हना, रागी रागी ङा मुर नेल्‍लेमी आ ग्रांग्रा दिचा ङा गेय शेंसीशा मोदेंशो पाम्‍तेक्‍म। मिनु रागी रागी ङा पिपपुकीमी यो मोदेंशो पाम्‍तेक्‍म। मिनु रागी रागी ङा ग्‍याप्‍ब लेयबपुकी मेको सहर ङा शुश थोव़क रे शोंप पाइश्‍शो दुम्‍तेक्‍म” देंत। यसैया ५१:७; नाहुम ३:४