इजीकीएल 27:32 - Sunuwar Bible

³² मेकोपुकीम इ पर्बम रोंका पा बिलाना पतीक कुम्‍सो पाइनीम ‘समुन्‍द्र आ दातेमी टायर खोदेंशो पा अर्को तेको सहर खतम दुम्‍‍शो बाक्‍मे’ दे रोंका पाइनीम।

इजीकीएल 27:32 ပူးပေါင်းရင်းမြစ်များ

बिलाप 1:12

गे एको लां रे पा लाइब तशा, आन पर्बम मारेइ ममिम्‍नीनी? एर ओंथ नेल्‍ल कोव़ङीन। आं श्‍येत क्‍येङा यो अरु हिंचा ङा श्‍येत बाक्‍बा? परमप्रभु यावेमी आ शुश गाइक्‍तीकेमी आं कली मेको श्‍येत गेती।

बिलाप 2:13

ए यरूसलेम आ तमी, गो इ पर्बम मार देंङा? गो इ कली मार नु थाप्‍तु? ए सियोन आ कन्‍ने तमी इ थुं बार‍पाइक्‍चा कली इ कली मार नु थाप्‍तु? इ श्‍येत समुन्‍द्र खोदेंशो पा ठेयब बाक्‍ब। सुइम इ कली सापाइक्‍ने मच‍ब।

इजीकीएल 26:12

मेकोपुकीम इ शोंप रोइश्‍शा योल्‍नीम। इ लेयचा कली वोइश्‍शो थोव़क रोइश्‍शा लाइक्‍‍नीम। मेकोपुकीम इ गारो नु इ दारदारशो खिं प्रेश्‍शा खतम पोक्‍नीम। मिनु इ फुल्‍लु, खिं सेल्‍तीक शी नु खप समुन्‍द्रम ताइक्‍नीम।

इजीकीएल 26:17

मिनु मेकोपुकीम सहर आ पर्बम रोंका पाइनीम। मिनु सहर कली ‘गे समुन्‍द्र रे क्‍याम्‍चा पुंइसाक्‍वे। ए दारशो सहर, गे नु इ मुरपुकी समुन्‍द्र ङा सक्ति पाइश्‍शो बाक्‍तीनी। मेकेर बाक्‍ब नेल्‍ल आन कली गे हिंपाइश्‍शा थिर थिर पपाइश्‍शो बाक्‍ते।

इजीकीएल 27:2

मार लोव़ पाप्‍तु देंशा हना “ए मुर, टायर सहर आ पर्बम रोंका पावो।

इजीकीएल 27:26

मिनु इ कली शाक्‍बपुकीमी इ कली समुन्‍द्र आ दातेम लाइक्‍तेक्‍म। तन्‍न पूर्ब ङा फशेम इ कली समुन्‍द्र आ दातेमीन खतम पोक्‍तु।

इजीकीएल 28:12

मार लोव़ पाप्‍तु देंशा हना “ए मुर, टायर ङा पिप आ पर्बम रोंका पावो। मिनु मेको कली परमप्रभु, परमप्रभु यावेमी इ कली ‘गे रिम्‍शो पा थोक्‍शो छाप खोदेंशो बाक्‍ते। मिनु रुप्‍तीक थुंम ब्रीशो नु थम दारशो बाक्‍ते। इजीकीएल २७:२

प्रकाश 18:18

सहर दुप्‍शो कुन तशा “मेरे सहर खोदेंब ठेयब अर्को मबा” दे ग्रीतेक्‍म।