इजीकीएल 27:31 - Sunuwar Bible

³¹ गे इ पतीके मेकोपुकीम आन पिया ङा चां प्रेक्‍नीम। मिनु अरन्‍डी फेक्‍सीनीम। मिनु इ पर्बम आन थुं कशो दुम्‍शा ङाक्‍‍नीम। शुश रोंका पाइनीम।

इजीकीएल 27:31 ပူးပေါင်းရင်းမြစ်များ

यसैया 15:2

दीबोन ङा मुर देवी देवता आन थान लाम्‍तेक्‍म। डांडा ङा थानमी ङाक्‍थ लाम्‍तेक्‍म। मोआबीपुकीमी नेबो नु मेदेबा सहर आस पर्बम रोंका पाइनीम। मेको नेल्‍लेम आन चां नु आन गाल शोक्रे प्रेक्‍शो बाक्‍नीम।

यसैया 16:9

मोपतीके गो सिब्‍मा ङा अङगुर बोट आ पर्बम याजेर खोदेंब पा ङाक्‍नुङ। गो इस कली आं प्रेक्‍कुम जिप्‍पाइक्‍नुङ। मारदे हना हेश्‍‍बोन नु एलेआले, इस अङगुर नु अन्‍न ओंइची नाक्‍त मजाक्‍ब। यसैया १५:४-९

यसैया 22:12

मेको नाक्‍ती परमप्रभु, मुर नेल्‍ल आन परमप्रभु यावेमी ङाक्‍चा, रोंका पचा, चां ख्रोइक्‍चा नु अरन्‍डी फेक्‍पाइक्‍चा कली इन कली ब्रेत्‍ताक्‍व। आमोस ८:१०

यसैया 22:4

मोपतीके गो आं कली मकोव़यीनी। गो हुइ हुइ पा ङाक्‍नुङ। आं कली लेम्‍चा थुं मपने। मारदे हना आं दाक्‍शो मुर खतम दुम्‍तेक्‍म” देंत। येरमीया ८:२३

यसैया 3:24

मिनु “नोले ब्रोव़शो रिना पाइश्‍शो, ग्रांग्रा दिशो रिना पाइश्‍शो दुम्‍ब। काम्‍बरी किप्‍तीकेमी, डोरी किप्‍चा माल्‍नीम। मेको आन रिम्‍शो सेल्‍शो चां, श्‍येत्‍थ पिया दुम्‍नीम। आन दारशो शुश क्‍येट लाइब फेक्‍तीकेमी, रां सुम्‍चा कली अरन्‍डी फेक्‍चा माल्‍नीम। मेको आन दारस नेल्‍ले लशा, मीम ग्रोइश्‍शो खोदेंशो दुम्‍शा मुने दोक्‍नीम।

येरमीया 16:6

एको रागीम आइक्‍च नु ठेयब नेल्‍ल बेक्‍नीम। मेको आन कली सुइम मथिम्‍नीम। मेको आन पर्बम सुइम रोंका मपाइनीम। आंम रां रिक्‍सीब नु चां प्रेक्‍ब सुइ मबाक्‍नीम। येरमीया ४१:५; येरमीया ४७:५; येरमीया ४८:३७८; लेवी १९:२७-२८; ब्‍यवस्‍था १४:१

येरमीया 47:5

गाजाम रोंका पचा कली आ चां प्रेक्‍शो बाक्‍ब। अश्‍कलोन खतम दुम्‍शा, सिक्‍सी पाइब। गे लीशो अनाकीमपुकी गेना सम्‍म इन रां चेंइसीनीनी?” देंशो बाक्‍ब।

येरमीया 48:37

मेको नेल्‍लेम आन चां प्रेक्‍शो बाक्‍नीम। मिनु आन गल शोक्रे यो ख्रोइश्‍शो बाक्‍नीम। मेको नेल्‍ल आन गुइ चेश्‍शो बाक्‍नीम। मिनु आन क्रातो भाङग्रामी गिल्‍सीशो बाक्‍नीम। येरमीया १६:६

इजीकीएल 29:18

मार लोव़ पाप्‍तु देंशा हना “ए मुर, बेबीलोन ङा पिप नेबुकदरेसरम टायर कली लडाइ पाइब आन कली शुश श्‍येत पपाइक्‍तु। मिनु मुर नेल्‍ल आन पिया ङा चां दुल्‍त। आन बला खोरसीशा, गार दुम्‍त। मो हना यो टायर आ पर्बम पशो गेय आ पर्बम मेको नु मेको आ लडाइ पाइबम मारेइ मतामे।

इजीकीएल 7:18

मेकोपुकीम अरन्‍डी फेक्‍चा माल्‍नीम। शुश हिंतीकेमी मेको आन कली सुम्‍ब। मेको नेल्‍ल आन कुल मुनेम सुम्‍सीचा माल्‍नीम। मेको नेल्‍ल आन पिया प्रेक्‍सीचा माल्‍नीम। येरमीया ४८:३७

योएल 1:13

चढ़ेबपुकी, सुर्ता पा अरन्‍डी फेक्‍शा रोंका पने। चढ़ेतीकेमी गेय पाइबपुकी रोंका पने। आं परमप्रभु आ गेय पाइबपुकी, नाक्‍दो यो सुर्ता पा अरन्‍डी फेक्‍शा बाक्‍कीन। मारदे हना इन परमप्रभु आ खिंमी अन्‍न चढ़ेतीके नु तूचा थोव़क चढ़ेतीके देक्‍शो बाक्‍ब।

लेवी 21:5

गे चढ़ेबपुकीमी रोंका पा, इन चां प्रेक्‍चा, इन गाल शोक्रे आ सुर ख्रोइक्‍चा नु इन रां क्‍योरशा गार सेल्‍चा मदुम्‍नीनी। लेवी १९:२७-२८

आमोस 8:10

गो इन चाड कली रोंका पतीक सेल्‍नुङ। इन कुम्‍सो नेल्‍ल आन कली ङाक्‍तीक सेल्‍नुङ। गो नेल्‍ल इन कली अरन्‍डी फेक्‍पाइश्‍शा चां प्रेक्‍पाइक्‍नुङ। गो आंम का ला बाक्‍शो तौ आ पर्बम रोंका पशो खोदेंशो दुम्‍पाइक्‍नुङ। मेको चाड नुप्‍पतीक नाक्‍त कशो नाक्‍त दुम्‍ब” देंशो बाक्‍ब। येरमीया ६:२६

योना 3:6

मिनु निनवे ङा पिपमी यो मेको लोव़ नेना बाक्‍त। मेको आ ठेयब नित्‍तीके रे बोक्‍शा, पिप आ फेक्‍तीके वा प्रुइश्‍शा, अरन्‍डी फेक्‍शा, पुलु तारी निस्‍से बाक्‍त।

मीका 1:16

मिनु इन दाक्‍शो आल आन पर्बम इन चां प्रेक्‍कीन। चां नेल्‍ल प्रेक्‍शा, गिदद खोदेंशो दुमीन। मारदे हना इन आल नेल्‍ल ग्‍याइश्‍शा, मुर आन रागीम लाइक्‍चा पुंइसाक्‍म।

मीका 1:8

मिनु गो मेको आ पर्बम रोंका पा ङाक्‍ना ङाक्‍न बाक्‍नुङ। श्‍येत्‍थ खोइल नु भेत्रे गाक्‍नुङ। गो सिवार खोदेंशो पा ग्रीनुङ। मिनु बुक्‍स खोदेंशो पा ग्रीनुङ।

ब्‍यवस्‍था 14:1

मिनु मोसामी “गेपुकी परमप्रभु यावे, इन परमप्रभु आ तमी तौ ननी। बेक्‍शो मुर आ पर्बम इन कुशुल प्रेक्‍चा मदुम्‍ब। इन चां प्रेक्‍चा मदुम्‍ब। लेवी १९:२७-२८; येरमीया ४७:५; इजीकीएल ७:१८