इजीकीएल 27:30 - Sunuwar Bible

³⁰ मिनु मेकोपुकी इ पर्बम ठेयब सेंदा पा रोंका पा ङाक्‍नीम। आन पियाम फुरक फुंइसीनीम। मिनु पुलुम लोक्‍सीनीम।

इजीकीएल 27:30 ပူးပေါင်းရင်းမြစ်များ

२ सामुएल 1:2

मिनु आ नित्‍थ नाक्‍ती, आ वा खाक्‍शो नु पियाम खप फुंइसीशो मुर का सावल आ बाक्‍तीक रे जाक्‍माक्‍त। मिनु मेको दाऊद आ बाक्‍तीक जाक्‍शा, मेको आ ङोंइती खुम्‍की पा बाम्‍‍माक्‍त।

अय्‍युब 2:12

मिनु मेकोपुकीम अय्‍युब कली ङोन रे तशा, अय्‍युब कली मतुइक्‍तमे बाक्‍त। मिनु मेकोपुकीम अय्‍युब कली तुइक्‍तमे नोले वाइ ब्रेश्‍शा ङाक्‍शा, श्‍येत लाक्‍शा आन वा खाक्‍शा, आन पियाम फुरक फुंइस‍मा बाक्‍त।

अय्‍युब 2:8

मिनु अय्‍युबम ब्‍वाम्‍सीचा कली गर आ गम्‍टे का शेशा पुलु तार निस्‍से बाक्‍त।

अय्‍युब 42:6

मोपतीके गो आं कली आइक्‍च मिम्‍ताक्‍ङ। मिनु गो फुरक नु पुलुम बाक्‍शा, माफ पुंइनुङ” दे अय्‍युबमी देंमाक्‍त।

येरमीया 25:34

गे गोठलापुकी रोंका पने। मिनु वाइ ब्रेश्‍शा ङाक्‍कीन। गे मेको बगाल ङा लां कोंइबपुकी पुलुम दिङ दाङ गोलीन। मारदे हना इन कली क्‍योरशा साइक्‍तीक नाक्‍त जाक्‍शो बाक्‍ब। गेपुकी गोल्‍नीनी। मिनु शुश क्‍येट लाइब ग्‍योंब खोदेंशो पा प्रोल्‍चा पुंइसीनीनी। येरमीया २३:१

येरमीया 6:26

मिनु “आं श्‍येत जाइब मुरपुकी अरन्‍डी फेक्‍सीन। मिनु इन पिया तारी पुलु फुंइसीन। का ला बाक्‍शो आल बेक्‍शो आ पर्बम खोदेंशो पा रोंका पने। मारदे हना आंइ कली साइक्‍ब याम काम जाक्‍ब” देंत। येरमीया ४:८; आमोस ८:१०

बिलाप 2:10

सियोन ङा खाल्‍पा खपीम निश्‍शा, सिक्‍सी पा बाक्‍नीम। मेकोपुकीमी आन पियामी फुरक फुंइसीनीम। मिनु भाङग्रा फेक्‍शा बाक्‍नीम। यरूसलेम ङा मीश आलपुकीमी आन पिया खप सम्‍म बाप्‍पाइश्‍शो बाक्‍नीम।

इजीकीएल 26:17

मिनु मेकोपुकीम सहर आ पर्बम रोंका पाइनीम। मिनु सहर कली ‘गे समुन्‍द्र रे क्‍याम्‍चा पुंइसाक्‍वे। ए दारशो सहर, गे नु इ मुरपुकी समुन्‍द्र ङा सक्ति पाइश्‍शो बाक्‍तीनी। मेकेर बाक्‍ब नेल्‍ल आन कली गे हिंपाइश्‍शा थिर थिर पपाइश्‍शो बाक्‍ते।

योना 3:6

मिनु निनवे ङा पिपमी यो मेको लोव़ नेना बाक्‍त। मेको आ ठेयब नित्‍तीके रे बोक्‍शा, पिप आ फेक्‍तीके वा प्रुइश्‍शा, अरन्‍डी फेक्‍शा, पुलु तारी निस्‍से बाक्‍त।

मीका 1:10

एको लोव़ गाथ सहरम मनेंपतीन। मिनु ङाक्‍सीन मङाक्‍कीन। बेथ-लेआफ्रामी इन पियाम फुरक फुंइसीन। २सामुएल १:२०

१ सामुएल 4:12

मिनु मेको नाक्‍ती बेन्‍यामीन आ थर ङा मुर का लडाइ पतीक रे प्रोक्‍शा, खाक्‍शो वा फेक्‍सीशा, आ पियाम फुरक फुंइसीशा, दोरशा शिलोम जाक्‍माक्‍त।