इजीकीएल 27:26 - Sunuwar Bible

²⁶ मिनु इ कली शाक्‍बपुकीमी इ कली समुन्‍द्र आ दातेम लाइक्‍तेक्‍म। तन्‍न पूर्ब ङा फशेम इ कली समुन्‍द्र आ दातेमीन खतम पोक्‍तु।

इजीकीएल 27:26 ပူးပေါင်းရင်းမြစ်များ

भजन संग्रह 48:7

गे टारसीस ङा जहाज आन कली पूर्ब ङा फश पतीकेमी खतम सेल्‍तीनी।

भजन संग्रह 48:8

आंइ ङोंइती नेंशो लोव़, मुर नेल्‍ल आन परमप्रभु यावे आ सहरम ताइतक। मार ताइतक देंशा हना, आंइ परमप्रभुमी आ सहर गेना हना यो लीपाइक्‍चा कली बोल्‍यो सेल्‍तु। ठेयब सेंदा पा।

यसैया 23:14

टारशीश ङा जहाजपुकी रोंका पने। मारदे हना इन बोल्‍यो दुम्‍तीके प्रेत्‍‍तेक्‍म।

यसैया 33:23

गे इन जहाज ङा डोरी शुंइसीशो बाक्‍नीम। मुरपुकीम मेको डोंगा आ दातेम बाक्‍शो थाम बोल्‍यो पा राप्‍पाइश्‍शा सेल्‍ने मचबेम। मेकोपुकीम मेको आ वा क्‍युक्‍ने मचबेम। मेना रोइश्‍शो मार मार शुश योक्‍सीनीम। खोइल मदुक्‍बपुकीम यो रोइश्‍शो मार मार रे आन भाग ताक्‍नीम।

येरमीया 18:17

गो मेको आन कली पूर्ब ङा फशेम खोदेंशो पा आन जोरी सत्रु आन ङोंइती एर ओंथ ब्रपाइक्‍नुङमी। मेको आन हिंचा ङा नाक्‍ती गो मेको आन कली आं ची कोंइनुङमी। आं कुल मकोंइनुङमी” देंत। येरमीया २:२७

इजीकीएल 26:19

मिनु परमप्रभु, परमप्रभु यावेमी “गो इ कली श्‍येत्‍थ सहर का सेल्‍नुङ। गो इ कली मुर मबाक्‍शो सहर खोदेंशो दुम्‍पाइक्‍नुङ। मिनु गो इ कली समुन्‍द्र ङा ब्‍वाक्‍कुम सुम्‍पाइक्‍नुङ।

इजीकीएल 27:27

मिनु इ खतम दुम्‍तीक नाक्‍ती इ शोंप, इ ग्‍याप्‍तीक लेयतीक मार मार, इ गेय पाइब, इ कली चलेब, इ जहाज कली सेल्‍ब, इ ग्‍याप्‍ब लेयब, इ लडाइ पाइब नु गे नु बाक्‍ब मुर नेल्‍ले समुन्‍द्र आ दातेमी ग्रुम्‍शा खतम दुम्‍नीम।

इजीकीएल 27:34

मुल समुन्‍द्रम ख्रुम्‍चा पुंइसाक्‍वे। इ ग्‍याप्‍तीक लेयतीक मार मार नु इ मुर नेल्‍ल गे नु ग्रुम्‍तेक्‍म।

इजीकीएल 28:8

मेकोपुकीम इ कली तुरसुम चाक्‍दीत्‍नीम। मिनु गे समुन्‍द्र आ दातेम हिंचा ङा दुम्‍शा बेक्‍नेवे। इजीकीएल २६:२०

प्रेरित 27:14

मिनु में चोटीन टापु रे फश गिवार यिशा सुम्‍तु। मोदेंशो फश गिवार कली उत्तर पूर्ब ङा फश, दे नें वोइश्‍शो बाक्‍ब।

प्रेरित 27:41

मो पामेनु, जहाज बाल्‍वामी ओव़दीश्‍शा, आ शोव़ ग्रुक्‍साक्‍व। आ मीलु चहिं ब्‍वाक्‍कुम आप्‍शा जिक्‍त।

प्रकाश 17:15

मिनु मेको परमप्रभु यावे आ स्‍वर्ग ङा गेय पाइबमी लेंशा “तेल्‍लेम आ नेक्‍था ङा शुश ब्‍वाक्‍कु, मार बाक्‍ब देंशा हना, मेको मुरपुकी नम। मिनु मेको शुश मुर आन हुल, रागी रागी ङा मुर नु शुश लोव़ ब्‍वाक्‍ब मुर बाक्‍नीम। यसैया ८:७; येरमीया ४७:२