इजीकीएल 27:20 - Sunuwar Bible

²⁰ देदान ङा मुरपुकीम शारा आ लगम कली जीन वा चाक्‍शा इ मार मार नु फाइक्‍तेक्‍म।

इजीकीएल 27:20 ပူးပေါင်းရင်းမြစ်များ

उत्पत्ती 10:7

कूश आ तौपुकी शेबा, हवीलाह, साब्‍ताह, रामाह नु साब्‍तेका बाक्‍मा बाक्‍त। रामाह आ तौ निक्‍शी शेबा नु देदान बाक्‍सा बाक्‍त।

उत्पत्ती 25:3

मिनु योकशानमी शेबा नु देदान थिम्‍सी बाक्‍त। देदान आ तौपुकी अश्‍शुरीम, लेतुशीम नु ले-उम्‍मीम बाक्‍मा बाक्‍त।

इजीकीएल 25:13

गो आं गुइ एदोम आ पर्बम क्‍युक्‍नुङ। मिनु मेकेर ङा मुर नु बी ब्‍यफ, क्‍यारश भेडा नेल्‍ल आन कली साइक्‍नुङमी। मिनु गो मेको कली मुर मबाक्‍तीके सेल्‍नुङ। मिनु तेमान रे देदान सम्‍म ङा मुर नेल्‍ल तरवारम साइक्‍चा पुंइसीनीम।

इजीकीएल 27:15

रोडोस ङा मुरपुकीम गे नु ग्‍याप्‍तीक लेयतीक गेय पाम्‍तेक्‍म। मिनु समुन्‍द्र आ नेक्‍था ङा शुश रागी इ मार मार ग्‍याप्‍ब लेयब दुम्‍तेक्‍म। मेकोपुकीम इ कली हात्ती आ दारा नु शुश क्‍येट लाइब क्‍येर शी चाक्‍शा इ मार मार नु फाइक्‍तेक्‍म।

इजीकीएल 27:19

उजाल ङा वेदान नु यावान ङा मुरपुकीम गे नु ग्‍याप्‍तीक लेयतीक गेय पाम्‍तेक्‍म। मेकोपुकीम चेम्‍शो फलाम, सिन्‍कौली नु बच चाक्‍शा इ मार मार नु फाइक्‍तेक्‍म।

इजीकीएल 38:13

शेबा नु देदान, टारशीश ङा ग्‍याप्‍ब लेयबपुकी नु मेको आन ठिटा लडाइ पाइब नेल्‍लेम इ कली ‘मार, गे रोइक्‍थ जाक्‍शो नवे? मार गे रोइश्‍शो मार मार तचा कली, सुन चांदी लाइक्‍चा कली, बी ब्‍यफ, क्‍यारश भेडा नु शुश मार मार रोइक्‍चा कली, जाक्‍नी?’ ” देंशो बाक्‍नीम।