इजीकीएल 27:12 - Sunuwar Bible

¹² गे नु शुश शोंप नु शुश मार मार बाक्‍तीके टारशीश ङा मुरपुकीम गे नु ग्‍याप्‍तीक लेयतीक गेय पा चांदी, फलाम, टिन नु सिसा चाक्‍शा फाइक्‍तेक्‍म।

इजीकीएल 27:12 ပူးပေါင်းရင်းမြစ်များ

उत्पत्ती 10:4

यावान आ तौपुकी एलीशाह, कित्तीम, टारशीश नु दोदानीम बाक्‍मा बाक्‍त।

१ राजा 10:22

मिनु पिप नु हीराम आस जहाजपुकी टारसीस गे लाइबाक्‍मा बाक्‍त। मिनु बर्स सां सांमी मेको जहाजम काले टारसीस रे सुन, चांदी, हात्ती आन ख्रुइ, बुदी नु मजुर चाक्‍शा, जाक्‍बाक्‍मा बाक्‍त।

१ राजा 22:48

येहो-शाफातम ओफीर रे सुन चाक्‍चा कली टारसीस ङा खोदेंशो पा जहाजपुकी सेल्‍पदा बाक्‍त। तन्‍न मेकोपुकी एस्‍योन-गेबेरम बिग्रेतीके समुन्‍द्रम लने मचाप्‍‍मे बाक्‍त।

२ इतिहास 9:21

हुराम आ गेय पाइबपुकी पिप सोलोमन आ जहाजपुकी नु टारसीस ङा बाक्‍त। मिनु बर्स सां सांमी मेको पिप आ जहाजपुकीम सुन, चांदी, हात्ती आ दारा, मोरपुकी नु मजुरपुकी चाक्‍बाक्‍मा बाक्‍त।

भजन संग्रह 72:10

टारशीश नु ङोन ङा टापु ङा पिपपुकीमी मेको कली तिरो थाप्‍तमेक्‍ल। शेबा नु सेबा ङा पिपपुकीमी मेको कली कोसेली चाक्‍गमेक्‍ल। यसैया ६०:९; भजन संग्रह ६८:३०; १राजा १०:१-२

यसैया 2:16

टारसीस ङा जहाज नेल्‍ल, रिम्‍शो नु शुश क्‍येट लाइब सेल्‍शो थोव़कपुकी

यसैया 23:10

टारशीश ङा जहाजपुकी इन रागी लने। मुल रे मेकेर जहाज नाइक्‍तीके मबाक्‍ब। इजीकीएल २७:१२

यसैया 23:14

टारशीश ङा जहाजपुकी रोंका पने। मारदे हना इन बोल्‍यो दुम्‍तीके प्रेत्‍‍तेक्‍म।

यसैया 23:6

गेपुकी टारशीश शोक्‍शा, लने। समुन्‍द्र आ नेक्‍था बाक्‍ब मुरपुकी रोंका पने।

यसैया 60:9

समुन्‍द्र आ नेक्‍था ङा मुरपुकीम आं लां कोव़नीम। ङोंइती टारसीस ङा जहाजम इ आल आन कली ङोन रागी रे चाक्‍नीम। मेको आन सुन चांदी यो मेकोपुकी नु बाक्‍ब। मेको परमप्रभु यावे, इ परमप्रभु आ नेंमी जाक्‍नीम। इस्राएली आन का ला बाक्‍शो परमप्रभु आ पर्बम चाक्‍ब। मारदे हना मेकोमी इन कली दारशो सेल्‍शो बाक्‍ब। यसैया ४२:४; यसैया ५५:५

येरमीया 10:9

टारशीश रे तुप्‍शो चांदी चाक्‍नीम। मिनु उफाज रागी रे सुन चाक्‍नीम। मेको मार मार सेल्‍स जोक्‍ब नु सुन चेम्‍बपुकी आन गेय बाक्‍ब। मिनु मेको आन कली नीलो नु प्‍याजी रङ ङा वा फेक्‍पाइक्‍नीम। मेको नेल्‍ल मार मार सेल्‍स जोक्‍ब मुर आन गेय बाक्‍नीम।

इजीकीएल 27:11

अरवाद नु हेलेक ङा मुरपुकी इ गारो आ एर ओंथ खाल पाइब बाक्‍तेक्‍म। गमाद ङा मुरपुकी इ लाइश्‍शो खिं खाल पाइब बाक्‍तेक्‍म। मेकोपुकीम आन तेक्‍तीक नु ब्रा कुरतीक इ एर ओंथ ङा गारोम क्‍युक्‍बाक्‍तेक्‍म। मिनु मोपा इ दारस बारपाइक्‍तेक्‍म।

इजीकीएल 27:13

यावान तूबल नु मेशेक ङा मुरपुकीम गे नु ग्‍याप्‍तीक लेयतीक गेय पाम्‍तेक्‍म। मेकोपुकीम वाइलीम वाइल नु कांसा के ग्‍योंब चाक्‍शा इ मार मार नु फाइक्‍तेक्‍म। इजीकीएल ३८:२

इजीकीएल 27:16

इ शुश मार मार बाक्‍तीके एदोम ङा मुरपुकीमी गे नु ग्‍याप्‍तीक लेयतीक गेय पाम्‍तेक्‍म। मेकोपुकीम फिरोजा माइश्‍शो हीरा, प्‍याजी रङ नुप्‍शा प्रोव़शो वा, बुटा आप्‍शो वा, रिम्‍शो किरशो सुती वा, लल मूगा नु हीरा चाक्‍शा इ मार मार नु फाइक्‍तेक्‍म।

इजीकीएल 27:18

मिनु इ शुश मार मार बाक्‍तीके नु इ शुश शोंप बाक्‍तीके दमस्‍कस ङा मुरपुकीम गे नु मार मार ग्‍याप्‍तीक लेयतीक गेय पाम्‍तेक्‍म। मेकोपुकीम हेल्‍बोन ङा अङगुर शांबु नु बुश ऊन चाक्‍शा इ मार मार नु फाइक्‍तेक्‍म।

इजीकीएल 27:33

समुन्‍द्रम इ ग्‍याप्‍तीक लेयतीक मार मार चाक्‍गमेनु, गे शुश मुर आन कली आन थुं ग्‍येरपाइक्‍तीवी। गे इ शुश शोंप नु इ ग्‍याप्‍तीक लेयतीक मार मारम रागी ङा पिप आन कली शोंप पाइश्‍शो सेल्‍तीवी।

इजीकीएल 28:16

मिनु इ एर ओंथ नेल्‍ल ङा ग्‍याप्‍तीक लेयतीक आ पर्बम हुश ख्राक्‍श पोक्‍शा, पाप पाप्‍तीवी। मोपतीके गो इ कली ताइक्‍तीक थोव़क खोदेंशो पा आं डांडा रे ताइक्‍ताक्‍ङ। मिनु इ कली खाल पाइब करूबम इ कली मी ब्रशो फुल्‍लु आन दाते रे खेरते।

इजीकीएल 28:5

गे इ रुप्‍तीक थुंम ग्‍याप्‍तीक लेयतीक गेय पा इ शोंप बारपाइश्‍शो बाक्‍नेवे। मिनु इ शोंपोम पतीके गे बोरशा ठेयब लेश्‍शो बाक्‍नेवे, देंशो बाक्‍ब” देंत।

इजीकीएल 38:13

शेबा नु देदान, टारशीश ङा ग्‍याप्‍ब लेयबपुकी नु मेको आन ठिटा लडाइ पाइब नेल्‍लेम इ कली ‘मार, गे रोइक्‍थ जाक्‍शो नवे? मार गे रोइश्‍शो मार मार तचा कली, सुन चांदी लाइक्‍चा कली, बी ब्‍यफ, क्‍यारश भेडा नु शुश मार मार रोइक्‍चा कली, जाक्‍नी?’ ” देंशो बाक्‍नीम।

योना 1:3

तन्‍न योना परमप्रभु यावे आ ङोंइती रे लशा, निनवे मलथु, टारशीश गे प्रोक्‍चा गोवा बाक्‍त। मिनु योप्‍पा सहरम यिशा, टारशीश लाइब डोंगा का थिश्‍शा, क्‍येट थाप्‍शा, परमप्रभु यावे आ ङोंइती रे प्रोक्‍शा, डोंगाम ङोंइसे बाक्‍त। भजन संग्रह १३९:७,९,१०

प्रकाश 18:12

आन लेयचा ङा थोव़क मार बाक्‍त देंशा हना, सुन, चांदी, हीरा, मोती, शुश क्‍येट लाइब सुती वा, प्‍याजी रङ ङा वा, रेसम वा, लल वा, ब्रोव़शो रिना पाइश्‍शो शी, हात्ती आन ख्रुइ शुश क्‍येट लाइब शी, कांसा, फलाम नु दारशो फुल्‍लु रे सेल्‍शो थोव़कपुकी बाक्‍तेक्‍म।