इजीकीएल 26:6 - Sunuwar Bible

⁶ मिनु मेको आ एर ओंथ ङा सहर ङा मुर तरवारम साइक्‍चा पुंइसीनीम। मेना मेकोपुकीम गोन परमप्रभु यावे नङ, दे तुइक्‍नीम” देंत।

इजीकीएल 26:6 ပူးပေါင်းရင်းမြစ်များ

येरमीया 49:2

मोपतीके परमप्रभु यावेमी “गो अम्‍मोनी आन रब्‍बाह कली लडाइ ङा तुराही ताप्‍शो नेंपाइक्‍नुङ। मेको श्‍येत्‍थ डांडा खोदेंशो दुम्‍ब। मिनु मेको आ एर ओंथ ङा गाउं मीम क्रोइक्‍चा पुंइसीनीम। मेना इस्राएलमी आ कली रोइक्‍ब आन कली रोइक्‍ब” दे परमप्रभु यावेमी देंत।

इजीकीएल 16:46

मिनु इ दिदी सामरीया बाक्‍ब। मेको इ उत्तर गे आ तमीपुकी नु बाक्‍शो बाक्‍त। इ लोक्‍ब नु आ तमी चहिं दक्‍खिन गे सोदोम सहरम बाक्‍नीम। मेको आ तमीपुकी नु बाक्‍शो बाक्‍ब।

इजीकीएल 16:48

परमप्रभु, परमप्रभु यावेमी “गो आं ब्रोंइशा बाक्‍शो खोदेंशो पा, इ लोक्‍ब सोदोम नु मेको आ तमीपुकीम इ मरिम्‍शो पशो खोदेंशो गेनायो मपाम। मत्ती १०:१५

इजीकीएल 16:53

मिनु गो सोदोम नु आ तमी आन कली रिम्‍शो दुम्‍तीक नाक्‍ती लेश्‍शा गेनुङमी। मिनु सामरीया नु आ तमी आन कली यो मोदेंशो पाइनुङ। मिनु इ रिम्‍शो दुम्‍तीके नाक्‍ती यो लेश्‍शा गेनन। ब्‍यवस्‍था ३०:३

इजीकीएल 25:11

मिनु गो मोआब कली निसाफ पा सजाइ गेनुङ। मेना मेकोपुकीम गोन परमप्रभु यावे नङ, दे तुइक्‍नीम’ देंशो बाक्‍ब” देंत।

इजीकीएल 25:14

गो आं मुर इस्राएल रे पा एदोम कली क्‍येक्‍क लेत्‍नुङ। मिनु मेकोपुकीम आं गाइश्‍शो नु आं चुरशो खोदेंशो पा एदोम कली पाइक्‍नीम। मिनु मेकोपुकीम आं गाइश्‍शो नु चुरशो खोदेंशो पा क्‍येक्‍क लेत्‍नीम। मिनु मेकोपुकीमी परमप्रभु, परमप्रभु यावेमी क्येक्‍क लेश्‍शो बाक्‍ब, दे तुइक्‍नीम” देंत।

इजीकीएल 25:17

गो मेको आन कली आं चुर‍शोम ठेयब सजाइ गेशा थाम्‍पा क्‍येक्‍क लेत्‍नुङमी। मिनु गो मेको आन कली क्‍येक्‍क लेत्‍तुनु, मेकोपुकीम गोन परमप्रभु यावे नङ, दे तुइक्‍नीम, देंशो बाक्‍ब” देंत।

इजीकीएल 25:5

गो रब्‍बाह सहर कली दल‍ओंठ जोतीक नु अम्‍मोन कली क्‍यारश भेडा आन गोठ सेल्‍नुङ। मेना गेपुकीम गोन परमप्रभु यावे नङ, दे तुइक्‍नीनी’ ” देंत।

इजीकीएल 25:7

मोपतीके गो आं गुइ गे इन पर्बम क्‍युक्‍नुङ। मिनु गो इन कली रागी रागी ङा मुर आन गुइम गेनुङ। मिनु गो जात जात ङा मुर आन दाते रे इन नें क्‍याम्‍नुङ। मिनु गो इन कली रागी नेल्‍ल रे क्‍‍याम्‍नुङ। गो इन कली खतम पोक्‍नन्‍नी। मेना गेपुकीम गोन परमप्रभु यावे नङ, दे तुइक्‍नीनी” देंत।

इजीकीएल 26:8

मिनु एर ओंथ ङा सहर ङा मुर नेल्‍ल तरवारम साइक्‍चा पुंइसीनीम। मेको बेबीलोन ङा लडाइ पाइबपुकीमी सहर कली पुम्‍नीम। गारो ङोइक्‍तीक सेल्‍नीम। मिनु तेक्‍तीक कुरशो शुश लडाइ पाइब इ गे बारनीम।