इजीकीएल 26:3 - Sunuwar Bible

³ मोपतीके परमप्रभु, परमप्रभु यावेमी “कोव़ङो, ए टायर सहर गो इ कली सजाइ गेनुङ। इ कली समुन्‍द्रम आ छाल पोक्‍शो खोदेंशो पा गो शुश रागी ङा मुर इ पर्बम पोक्‍‍नुङमी।

इजीकीएल 26:3 ပူးပေါင်းရင်းမြစ်များ

भजन संग्रह 107:25

मिनु मेकोमी अरेशा, ठेयब फश गिवार पपाइक्‍तु। मिनु ठेयब समुन्‍द्र आ छाल पोक्‍तु।

यसैया 5:30

मेको नाक्‍ती समुन्‍द्र ङा ब्‍वाक्‍कु ग्रीशो खोदेंशो पा, इस्राएल ङा मुर आन तारी रेयके पाइनीम। सुइम मेकेर कोव़तेक्‍म हना, छिङछिङ नु श्‍येत ला ताइनीम। गोस्‍सुमी छेङछेङ कली सुम्‍ब।

येरमीया 21:13

एको दिंमम बाक्‍बपुकी रोंगु तार सेल्‍शो सहर गो इन कली लडाइ तोइनुङ। गे आंइ कली जाक्‍शा, सुम लडाइ तोइबा ङा? “आंइ ख्रुइक्‍तीके सु ओव़ने चाप्‍बा ङा? आंइ बाक्‍तीकेम सु ओव़ने चाप्‍बा ङा?” देंनीनी।

येरमीया 25:22

टायर नु सीदोन ङा पिप नेल्‍ले, समुन्‍द्र आइक्‍ची हांबु ङा पिप नेल्‍ल आन कली,

येरमीया 50:31

परमप्रभु, मुर नेल्‍ल आन परमप्रभु यावेमी “गो इ कली ठेयब लेश्‍शो दुम्‍तीके काइ मदाक्‍नुङ। इ नाक्‍ती जाक्‍त। इ कली सजाइ गेतीक नाक्‍ती जाक्‍त।

येरमीया 50:42

मेकोपुकी लिब्रा नु तूतीक कुरशो, थम मरिम्‍शो पाइब नु शिशी मपाइक्‍ब बाक्‍नीम। मेको आन रेयके समुन्‍द्र ग्रीशो खोदेंशो बाक्‍ब। मेकोपुकी शारा ङोइश्‍शा जाक्‍नीम। मेको लडाइ तोचा कली आन बाक्‍तीकेम राप्‍नीम। बेबीलोन आ तमी, इ कली लडाइ तोचा कली जाक्‍नीम। येरमीया ६:२३

येरमीया 51:42

समुन्‍द्र ङोइश्‍शा बेबीलोन कली सुम्‍तु। समुन्‍द्र आ ग्रीशो छालम मेको कली सुम्‍तु।

येरमीया 6:23

मेकोपुकी लिब्रा नु तरवार शेशा ठीक दुम्‍शो बाक्‍नीम। मेकोपुकी मरिम्‍शो पाइब नु काइ शिशी मपाइ‍ब बाक्‍नीम। आन रेयके समुन्‍द्र ग्रीशो खोदेंशो बाक्‍ब। मेकोपुकी शारा ङोइश्‍शा सियोन आ तमी, इ कली लडाइ तोचा कली ठीक दुम्‍शो बाक्‍नीम” देंत। येरमीया ५०:४२

इजीकीएल 21:3

मिनु इस्राएल ङा खाल्‍पा आन कली परमप्रभु यावेमी मार लोव़ पाप्‍तु देंशा हना ‘गो बारशा, आं तरवार खोत रे शोइश्‍शा, इन दाते ङा ठीक पाइब नु आं अरेशो लोव़ मटीब नेल्‍ल आन कली साइक्‍नुङमी।

इजीकीएल 26:19

मिनु परमप्रभु, परमप्रभु यावेमी “गो इ कली श्‍येत्‍थ सहर का सेल्‍नुङ। गो इ कली मुर मबाक्‍शो सहर खोदेंशो दुम्‍पाइक्‍नुङ। मिनु गो इ कली समुन्‍द्र ङा ब्‍वाक्‍कुम सुम्‍पाइक्‍नुङ।

इजीकीएल 27:26

मिनु इ कली शाक्‍बपुकीमी इ कली समुन्‍द्र आ दातेम लाइक्‍तेक्‍म। तन्‍न पूर्ब ङा फशेम इ कली समुन्‍द्र आ दातेमीन खतम पोक्‍तु।

इजीकीएल 28:22

परमप्रभु, परमप्रभु यावेमी ‘ए सीदोन, गो इ कली सजाइ गेनुङ। गो इ दातेमी आं सक्ति कोंइनुङ। गो इ दातेमी आं सक्ति कोंइशा, निसाफ पाता हना, मेकोपुकीमी गोन परमप्रभु यावे नङ’ दे तुइक्‍नीम

इजीकीएल 29:10

मोपतीके गो इ पर्बम नु इ खोला आन पर्बम बोक्‍नुङ। मिनु गो मिग्‍दोल रे स्‍येने सम्‍म नु एथीयोपीया रागी आ सांद सम्‍म इजीप्‍त रागी कली गोरशो नु मुर मबाक्‍तीके सेल्‍नुङ। इजीकीएल ३०:६

इजीकीएल 38:3

मिनु परमप्रभु, परमप्रभु यावेमी मेको कली ‘ए मेशेक नु तूबल ङा सासन पाइब गोग, गो इ कली लोव़ का पाइनुङ।

इजीकीएल 5:8

गो इ कली आंमा सजाइ गेनुङ। गो रागी रागी ङा मुर आन ङोंइती इ कली निसाफ पाइनुङ।

मीका 4:11

मुल शुश रागी रागी ङा मुर इ पर्बम दूली पा बोक्‍शा ‘सियोन ग्रांग्रा दिशो दुम्‍‍ल। गो मेको कली कोव़ना कोव़न बाक्‍चा तांइसेक्‍ल’ देंनीम” देंत।

नहुम 2:12

गुप्‍स खोदेंशो ठेयब मुरुमी आ तमी तौ आन कली शुश मार मार खुप्‍शो बाक्‍त। आ मीश कली मारेइ मारेइ चाक्‍शो बाक्‍त। आ दरवार शोंपोम प्रिंशो बाक्‍त। आ पुक्‍खी मार मार साइश्‍शा चाक्‍शा प्रिंशो बाक्‍ब।

नहुम 3:5

मिनु मुर नेल्‍ल आन परमप्रभु यावेमी “गो इ कली काइ मदाक्‍थु, इ पर्बम बोक्‍ती। गो इ गुने इ कुल सम्‍म क्‍युक्‍नुङ। मिनु रागी रागी ङा मुर आन कली इ भेत्रे रां कोंइनुङमी। राज्‍य राज्‍य ङा मुर आन कली इ मुने दोक्‍तीक कोंइनुङमी। यसैया ४७:३

जकरिया 14:2

गो रागी रागी ङा मुर नेल्‍ल आन कली यरूसलेम नु लडाइ पपाइक्‍चा कली पुक्‍नुङमी। मिनु सहर मेको आन के दुम्‍ब। मेको आन खिं ङा मारेइ मारेइ रोइक्‍नीम। मिनु मीश मुर आन कली बिथोलो पाइनी‍म। सहर ङा उइक्‍थ मुर ग्‍याइश्‍शा लाइक्‍चा पुंइसीनीम। ली‍शो मेको सहर उइ बाक्‍नीम।

जकरिया 9:4

तन्‍न परमप्रभुमी मेको आ बाक्‍शो मारेइ मारेइ रोइक्‍ब। मेको आ शोंप नेल्‍ल समुन्‍द्रमी ताइश्‍शा गेब। मिनु मेको मीम ग्रोइश्‍शा, खतम दुम्‍नीम।

लूका 21:25

मिनु सरीङ नु रागीमी चिन्‍ड तांइसीनीम। सरीङमी नां, तास्‍ला नु सोरुल मार मार तांइसीब। रागीम समुन्‍द्रमी ठेयब ब्‍वाक्‍कु ब्रुइश्‍शा, मुर नेल्‍ल आन कली हिंपाइक्‍ब। प्रकाश ६:१२-१३