इजीकीएल 26:11 - Sunuwar Bible

¹¹ मेको आ शारा आन गेंचम इ सहर ङा लां नेल्‍ल दिम्‍शा ताइश्‍शा पाइनीम। मिनु मेकोमी इ मुर आन कली तरवारम साइक्‍ब। मिनु इ बोल्‍यो थाम खपीम गोल्‍नीम।

इजीकीएल 26:11 ပူးပေါင်းရင်းမြစ်များ

यसैया 26:5

मारदे हना मेकोमी ठेयब लेश्‍शो मुर ब्रेम्‍पाइक्‍तु। आन सहर कली आइक्‍च सेल्‍शा, खपीम वोइश्‍शा, फुरक नु उइक्‍थ सेल्‍तु।

यसैया 5:28

मेको आन ब्रा हेश्‍शो बाक्‍नीम। आन लिब्रा आप्‍चा कली खुक्‍शो बाक्‍नीम। आन शारा मी आ झिल्‍का खोदेंशो बाक्‍नीम। आन बग्‍गी आन गुगील फश गिवार खोदेंशो बाक्‍नीम।

येरमीया 43:13

मेकोमी इजीप्‍त ङा हेल्‍योपोलीस सहरम बाक्‍शो नां आ मूर्ति बाक्‍शो थामपुकी प्रेप्‍ब। मिनु इजीप्‍त ङा देवी देवता आन खिंम मी सुइक्‍ब’ देंशो बाक्‍ब” देंत।

येरमीया 51:27

मिनु परमप्रभु यावेमी “गे रागीम छेदर का ख्रुक्‍कीन। रागी रागी आन दातेमी तुराही तपीन। मेको नु लडाइ पचा कली रागी रागी ङा मुर आन कली ठीक सेलीन। राज्‍य आन कली बेबीलोन नु लडाइ पचा कली पोक्‍कीन। आरारात, मिन्‍नी नु अश्‍केनजमी बेबीलोन नु लडाइ पाइब आन ठेयब मुर का योव़ङीन। सल्‍हा आन हुल खोदेंशो पा शुश शारा चाक्‍कीन। यसैया १३:३ उत्‍पत्ती १०:३

हबकुक 1:8

मेको आन शारा जोइ आन क्‍येङा रीब पा दोरब बाक्‍नीम। मिनु नाक्‍दो ग्रूब फर खोदेंशो पा साइक्‍ब बाक्‍नीम। मेको आन शारा बारनीम। मेको आन शारा ङोइक्‍ब ङोन रागी रे जाक्‍नीम। ककाकुली खोदेंशो पा बेरशा, रीब पा सिखार ग्‍याइक्‍नीम। सेफन्‍याह ३:३