इजीकीएल 26:10 - Sunuwar Bible

¹⁰ मेको आन शुश शाराम पोक्‍शो फुरकुम इ कली सुम्‍ब। शारा ङोइक्‍ब नु बग्‍गी आन गुगील आन रेयकेम इ गारो हिम्‍‍पाइक्‍ब। नेबुकदनेसर इ लाप्‍चो रे ओव़मेनु, प्रेश्‍शो गारोम हिरशो सहर खोदेंशो पा ओव़ब।

इजीकीएल 26:10 ပူးပေါင်းရင်းမြစ်များ

येरमीया 39:3

मिनु यरूसलेम ग्राशा, बेबीलोन ङा पिप आ ठेयब मुर नेल्‍ल जाक्‍शा दाते ङा लाप्‍चोमी बाक्‍तेक्‍म। नेरगल-शरेसेर, साम्‍गार-नेबो, सारसेकीम नेल्‍ल क्‍येङा ठेयब निसाफ पाइब नेरगल-शरेसेर नु बेबीलोन ङा पिप आ ठेयब गेय पाइब मुर नेल्‍ल जाक्‍शा बाक्‍तेक्‍म।

येरमीया 4:13

कोव़ङीन, मेको गोस्‍स खोदेंशो पा गाक्‍शो बाक्‍ब। मेको आ बग्‍गी फश गिवार खोदेंशो पा जाक्‍नीम। मेको आ शारा ककाकुली आन क्‍येङा रीब पा दोरनीम। आबी, गो खतम दुम्‍तय’ दे लोव़ पाइनीमी” देंत।

येरमीया 47:3

प्रेक्‍शा दोरशा गाक्‍ब शारा आन खोइली आ रेयके नु जोरी सत्रु आन बग्‍गी आन रेयकेमी आफपुकीम आन आल आन कली वारच पाइक्‍चा कली मलेत्‍नीम। मेको आन गुइ तिक्‍ने मचाप्‍ब दुम्‍शा ग्‍युक्‍शो बाक्‍नीम।

इजीकीएल 23:24

मेकोपुकी गे नु लडाइ पचा कली उत्तर रे पा बग्‍गी नु शुश लडाइ पाइब नु जाक्‍नीम। मेकोपुकीमी ठेयब नु आइक्‍च तेक्‍तीक कुरशा, फलाम के गुक्‍तीक गुक्‍शा, इ कली पुम्‍नीम। मिनु गो इ कली सजाइ गेपाइक्‍चा कली मेको आन गुइम गेनन। मिनु मेकोम आन कानुन कोव़शा इ कली सजाइ गेनीम।

इजीकीएल 26:15

परमप्रभु, परमप्रभु यावेमी टायर सहर कली “लडाइ पा, गार दुम्‍‍शो आन हुकयी पशो इ गोल्‍शो रेयकेम समुन्‍द्र आ नेक्‍था ङा सहर आन कली हिम्‍‍पाइक्‍ब।

इजीकीएल 26:7

मिनु परमप्रभु, परमप्रभु यावेमी “गो उत्तर रे बेबीलोन ङा पिप नेबुकदरेसर कली शारा, बग्‍गी, शारा ङोइक्‍ब लडाइ पाइब नु ठेयब हुल बोल्‍यो लडाइ पाइब, टायर नु लडाइ पपाइक्‍थ चाक्‍नुङ। येरमीया २७:६; दानीएल २:३७

इजीकीएल 26:9

मिनु पिप नेबुकदनेसरमी मुडाम गारो ब्रेप्‍ब आन कली अरेब। मिनु इ लाइश्‍शो खिं आ खापुकीम प्रेत्‍नीम।

इजीकीएल 27:28

मेको इ जहाज चलेब आन वाइ ब्रेश्‍शोम रागी ख्रिंख्रि पाइब।

यहोसु 6:20

मिनु मुरपुकी वाइ ब्रेश्‍शा ग्रीतेक्‍‍म। मिनु चढ़ेबपुकीमी ग्रोव़ ताम्‍ना ताम्‍न बाक्‍तेक्‍म। मुरपुकीमी ग्रोव़ ताप्‍शो नेंशा, शुश ग्री‍तेक्‍म। मिनु मेको गारो ब्रेत्‍त। मिनु मुरपुकी ग्‍येत्‍थ बारशा, मेको सहर आंम के सेल्‍तेक्‍म। हिब्रू ११:३०

यहोसु 6:5

मिनु मेकोपुकीमी शुश रेयके पा ग्रोव़ ताम्‍ना ताम्‍न बाक्‍मानु, इन मुर नेल्‍लेमी मेको रेयके नेन्‍मे नोले, ठेयब सेंदा पा ग्रीचा माल्‍नीम। मोपा ग्रीमानु, मेको सहर ङा गारो नेल्‍ल ब्रेप्‍ब। मिनु मुर नेल्‍ल आंम आंम ङोंइती बारशा, ब्रेश्‍शो गारो ङोइक्‍चा माल्‍नीम” दे परमप्रभुम माइक्‍तु।