इजीकीएल 25:3 - Sunuwar Bible

³ अम्‍मोनी आन कली ‘परमप्रभु यावे आ लोव़ नेनीन। परमप्रभु, परमप्रभु यावेमी इन कली मार देंब देंशा हना, आं बाक्‍तीक ग्रांग्रा दिशो सेल्‍मेनु, इस्राएल रागी मुर मबाक्‍तीके सेल्‍मेनु नु यहूदा आ खिं ङा मुर ग्‍याइश्‍शा लाइक्‍चा पुंइसमानु, गेपुकी ग्‍येरसाक्‍नी। इजीकीएल ३६:२; बिलाप २:१६

इजीकीएल 25:3 ပူးပေါင်းရင်းမြစ်များ

भजन संग्रह 35:21

मेकोपुकीमी ठेयब शोव़ सेल्‍शा, आं पर्बम “आहा आहा, आंइ मिक्‍चीम तचा ताइतक” देंनीम।

हितोपदेस 17:5

सुम प्रुङग आन कली शुक्‍शी पाइबा, मेकोमी आ कली सेल्‍ब, परमप्रभु यावे कली आइक्‍च सेल्‍ब। सु मुर आन कली श्‍येत जशो तशा ग्‍येरसीबा, मेको सजाइ मतथु मब्रोंइब। हितोपदेस १४:३१

बिलाप 1:7

यरूसलेममी ठेयब श्‍येत जतीक नु सुर्ता पतीक नाक्‍ती जाक्‍चा क्‍येङा ङोंइती आंम के बाक्‍शो शोंप नेल्‍ल मिम्‍ब। मेको आ मुर आन जोरी सत्रु आन गुइमी गेचा पुंइसीची ना सुइमी मेको कली वारच मपाम। आ जोरी सत्रुम मेको आ श्‍येत तशा शुक्‍शी पाम्‍तेक्‍म।

बिलाप 4:21

एदोम आ तमी ग्‍येरसो। गे ऊज रागीम बाक्‍नेवे। तन्‍न गे यो मेको श्‍येत ङा कचौरा तूचा माल्‍नेवे। गे दुक्‍नेवे। मिनु शिश्रा सेल्‍सीनेवे। येरमीया ३:६४; भजन संग्रह १३७:७; येरमीया २५:१५,२१

इजीकीएल 21:28

ए मुर, गे चहिं आं लोव़ पावो। गो, परमप्रभु, परमप्रभु यावेमी अम्‍मोनी नु मेको आन शुक्‍शी पशो आ पर्बम मार देंनुङ देंशा हना “साइक्‍चा कली तरवार शोइश्‍शो बाक्‍ब। साइक्‍चा कली शेप्‍शा टल्‍केशो बाक्‍ब। मेको चिला खोदेंशो पा दाप्‍ब बाक्‍ब। इजीकीएल २५:२-७

इजीकीएल 25:6

मारदे हना परमप्रभु यावेमी “गेपुकी इस्राएल रागी आ पर्बम इन गुइ फ्रोक्‍शा, खोइल थाइश्‍शो बाक्‍तीनी। मिनु इन थुंम ईख कुरशो नेल्‍ल ग्रुंइशा ग्‍येरसाक्‍नी।

इजीकीएल 25:8

मिनु परमप्रभु, परमप्रभु यावेमी “मारदे हना मोआब रागीम ‘यहूदा आ खिं दा अर्को जात ङा मुर आन खिं खोदेंशो दुम्‍शो बाक्‍ब। यसैया १५:-; १६:-; येरमीया ४८:-

इजीकीएल 36:2

मिनु परमप्रभु, परमप्रभु यावेमी इन जोरी सत्रुपुकीमी ‘मुल मेको माइत पहाड नेल्‍ल इं के दुम्‍तेक्‍म’ देंतेक्‍म। इजीकीएल २५:३

मीका 7:8

मिनु “आं जोरी सत्रु आं कली शुक्‍शी पा मग्‍येरसीन। गो गोल्‍ती हना यो, बोक्‍नुङ। गो छिङछिङम बाक्‍ती हना यो, परमप्रभु यावे आं छेङछेङ बाक्‍ब। ओबदिया १:१२; भजन संग्रह २७:१

सेफन्‍याह 2:8

मिनु “गो मोआब नु अम्‍मोनी आन शुक्‍शी पशो नेंता। मेकोपुकीमी आं मुर आन कली मरिम्‍शो पाम्‍तेक्‍म। मेको आन रागी कली ‘खतम पोक्‍नीक’ दे हिंच कोंइताक्‍म। येरमीया ४८:-; येरमीया ४९:१-६

न्‍यायाधीस 6:3

इस्राएलीपुकीमी वांचेर शोक्‍गमे चोटीन मिदयान ङा मुरपुकी, अमालेक ङा मुरपुकी नु पूर्ब ङा मुरपुकी जाक्‍शा, इस्राएलीपुकी नु लडाइ पाइबाक्‍मा बाक्‍त। ब्‍यवस्‍था २८:३३