इजीकीएल 24:7 - Sunuwar Bible

⁷ मारदे हना मेको आ हुश शाइक्‍पाइश्‍शो मेको आ दातेमीन बाक्‍ब। मेकोम मेको हुश श्‍येत्‍थ फुल्‍लु तार शाइक्‍पाइश्‍शो बाक्‍त। मिनु खपीम मसुम्‍शो बाक्‍त।

इजीकीएल 24:7 ပူးပေါင်းရင်းမြစ်များ

१ राजा 21:19

गे मेको कली परमप्रभु यावेमी ‘मार, गे मुर का कली साइश्‍शा, मेको आ रू इ के मसेली ङा?’ दें‍त, मतो। मिनु मेको कली परमप्रभु यावेमी ‘नाबोथ आ हुश कुचुमम तुक्‍तीकेमीन इ हुश यो कुचुमम तुक्‍नीम’ दें‍त, मतो” देंमाक्‍त। १राजा २२:३८

अय्‍युब 16:18

ए खप, आं हुश मसुमो। आं पुंइशो लोव़ गेनायो मनांइसेक्‍ल। उत्‍पत्ती ४:१०; इजीकीएल २४:७-८

यसैया 26:21

मारदे हना परमप्रभु यावे आ बाक्‍तीके रे जाक्‍ब। मिनु रागीम बाक्‍ब मरिम्‍शो पाइब आन कली सजाइ गेब। मिनु रागी तार देम्‍शो हुश नु साइश्‍शो मुर नेल्‍ल मख्रुइक्‍थु कोंइब” दे कुम्‍सो पाइनीम। उत्‍पत्ती ४:१०-११; प्रकाश १८:२४

यसैया 3:9

मेको आन कुलमी आन मरिम्‍शो पशो तुइक्‍पाइक्‍ब। सोदोम ङा मुर खोदेंशो पा मेकोपुकीम आन पाप मख्रुइक्‍थु शोव़नीम। आबी, मेकोपुकीमी आंम कली ग्‍याइश्‍शा लाइक्‍चा पुंइसीब सेल्‍सीनीम। उत्‍पत्ती १९:५-९

येरमीया 2:34

इ फेक्‍शो वाम दोस मताइब नु प्रुङग आन हुश लुम्‍सीशो बाक्‍ब। मिनु गेमी मेको आन कली खिं प्रोल्‍शा खिं ओव़शो मथिदी। मेको मोदेंशो नेल्‍ल दुम्‍ना दुम्‍न यो, येरमीया २६:२०-२३; प्रस्‍थान २३:७

येरमीया 6:15

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेङानु, मेको खतम दुम्‍नीम” दे परमप्रभु यावेमी देंत।

इजीकीएल 22:4

गे हुश शाइक्‍पाइश्‍शा, दोस तशो बाक्‍नेवे। गे इ सेल्‍शो देवी देवता रे पा ग्रांग्रा दिशो दुम्‍‍नेवे। इ निसाफ नाक्‍त जाक्‍त। मिनु इ बर्स नुप्‍शो बाक्‍नीम। मोपतीके गो इ कली रागी रागी ङा मुर आन दातेम शिशी मताइब नु शुक्‍शी पाइक्‍तीक मुर सेल्‍त‍न। २राजा २१:१६; इजीकीएल ५:१५

इजीकीएल 23:45

तन्‍न ठीक निसाफ पाइबम मेको आस कली ‘नाता ख्रोइक्‍ब, हुश ख्राक्‍श पोक्‍शो आ पर्बम दोस ताइनीस’ मारदे हना मेकोम हेंथे पा आस गुइम मुर साइश्‍शो हुश बाक्‍ब” देंत। इजीकीएल १६:३८,४०

लेवी 17:13

मिनु सुइ इस्राएलीपुकी नु गेपुकी नु बाक्‍ब अर्को रागी ङा मुर सिखार ग्‍यारशा, ग्‍याइश्‍शा मारेइ साइक्‍तीनी हना, मेको आ हुश नेल्‍ल जारशा, खपीम सुम्‍चा माल्‍ब।

सेफन्‍याह 1:17

गो मुर आन कली शुश श्‍येत गे‍नुङ। मिनु मेको मिक्‍च मताइब खोदेंशो पा गाक्‍नीम। मारदे हना मेकोपुकीम परमप्रभु यावे आ ङोंइती पाप पाम्‍तेक्‍म। मेको आन हुश फुरक खोदेंशो नु श्‍ये ख्री खोदेंशो पा ताइक्‍नीम।

ब्‍यवस्‍था 12:16

तन्‍न हुश चहिं मब्‍वने। मेको ब्‍वाक्‍कु खोदेंशो पा खपीम ताइक्‍तीन। लेवी ३:१७; लेवी १७:११

ब्‍यवस्‍था 12:24

मेको ब्‍वचा मदुम्‍ब। मेको कली ब्‍वाक्‍कु खोदेंशो पा खपीम ताइक्‍चा माल्‍नीनी।