इजीकीएल 24:18 - Sunuwar Bible

¹⁸ मोपतीके गो मेको लोव़ सुनी कना मुर आन कली माइक्‍तामी। मिनु मेको नाक्‍दो आं मीश बेक्‍त। मिनु आ दीसा सुनी गो मार माइक्‍चा पुंइसीशो बाक्‍ङा, मेकोन पाता।

इजीकीएल 24:18 ပူးပေါင်းရင်းမြစ်များ

इजीकीएल 12:7

गो मेको आ अरेशो खोदेंशो पाता। मिनु ग्‍याइश्‍शा लाइक्‍चा पुंइसीशो दुम्‍चा कली नाक्‍तीन आं कुम्‍लो फ्रेंशा ग्रुंइताक्‍ङ। मिनु नाक्‍दो गारोम पोव़ला ख्रित्‍ता। मिनु मेको आन तन तना आं कुम्‍लो बलाम कुरशा नाक्‍दो गाक्‍ती।

इजीकीएल 24:16

मार लोव़ पाप्‍तु देंशा हना “ए मुर, गो याम काम इ नेल्‍ल क्‍येङा दाक्‍शो मुर लाइक्‍चा चिक्‍शो बाक्‍नुङ। मो हना यो गे रोंका मपावो। मङाक्‍को। मिनु इ मिक्‍च रे प्रेक्‍कु यो मतोक्‍को।

इजीकीएल 24:17

सिक्‍सी पा बाक्‍शा हुकयी पावो। बेक्‍शो मुर आ पर्बम रोंका मपावो। इ पियाम फेटा रुक्‍सो। खोइलीम जुत्ता लिक्‍सो। इ कुल मसुम्‍सो। मलामी आन जचा थोव़क मजावो” देंत। मीका ३:७; होसे ९:४

इजीकीएल 24:19

मिनु मुरपुकीम आं कली “एको आ अर्थ मार बाक्‍बा? मार गे आंइ कली मशेंनीनी?” देंतेक्‍म।