इजीकीएल 24:13 - Sunuwar Bible

¹³ मिनु गो इ कली इ ग्रांग्रा दिशो गेय रे ग्रुंइशा ग्रांग्रा मदिशो सेल्‍चा माल्‍ता। तन्‍न गे ग्रांग्रा मदिशो मदुमे। मोपतीके गो गेना सम्‍म आं गाइश्‍शो नेल्‍ल इ तार मोइश्‍शा, आं थुं मनाइक्‍पाइक्‍नुङा, मेना सम्‍म गे ग्रांग्रा मदिशो सेल्‍चा मपुंइसीनेवे। इजीकीएल ५:१३

इजीकीएल 24:13 ပူးပေါင်းရင်းမြစ်များ

यसैया 22:14

मुर नेल्‍ल आन परमप्रभु यावेमी आं कली “मेको इन मरिम्‍शो पशो मबेक्‍नी सम्‍म लीब” दे परमप्रभु, मुर नेल्‍ल आन परमप्रभु यावेमी देंत।

येरमीया 13:27

गो पहाडीम नु रू मेर इ पशो ग्रांग्रा दिशो गेय ताता। इ मुरपुकी नु इप्‍शो, इ रेयके पशो नु इ मुने मपथु, तेल्‍लेम दुम्‍शो तशो बाक्‍नुङ। आबी आबी, यरूसलेम गे ग्रांग्रा दिशो दुम्‍नेवे। गेना सम्‍म मोदेंशो बाक्‍नेवे?” देंत।

येरमीया 31:18

परमप्रभु यावेम “गो एफ्राइम आ ङाक्‍शा पुंइशो नेंता” देंत। मिनु एफ्राइममी “गे आं कली शेंताक्‍यीनी। गो इन शेंशो रुप्‍ता। गो मटीब बोहोर खोदेंशो बाक्‍ती। आं कली लेत्‍चा गेयीनी। गो लेत्‍चा ताइनुङ। मारदे हना गे परमप्रभु यावे, गे आं परमप्रभु बाक्‍नीनी।

बिलाप 1:9

मेको आ ग्रांग्रा दितीके आ गुनेमी केम्‍साक्‍व। मेकोमी नोले ङा नाक्‍त ममिम्‍त। मेको आ तशो श्‍येत हिंचा ङा बाक्‍त। आ थुं बारपाइक्‍ब सुइ मबाक्‍म। मेकोमी “परमप्रभु यावे, आं श्‍येत कोव़ङीन। आं जोरी सत्रुमी आं कली ग्रातेक्म।

बिलाप 5:22

गे आंइ कली थमा पा मप्रोंइशो बाक्‍तीनी हना नु आंइ तशा शुश मगाइश्‍शो बाक्‍तीनी हना, मोदेंशो दुम्‍ल” दे पुंइतक।

इजीकीएल 16:42

मिनु आं गाइश्‍शो नु आं रुश पशो, इ रे ङोन नाइक्‍पाइक्‍नुङ। मिनु गो सिक्‍सी पा बाक्‍शा मगाइक्‍नुङ।

इजीकीएल 22:24

मार लोव़ पाप्‍तु देंशा हना “ए मुर, एको रागी कली गे आं गाइक्‍तीक नाक्‍त रेउम मशेक्‍शो, ग्रांग्रा दिशो रागी बाक्‍नेवे।

इजीकीएल 24:11

मेको नोले मेको ग्‍योंब श्‍येत्‍थ सेल्‍शा मी तार कादीन। मिनु मेको होल। मिनु मेको आ तांबा लल दुम्‍ल। मेको आ आगा ङा ग्रांग्रा दिशो नु खिया यशा लल। मिनु मीम नेक्‍गल।

इजीकीएल 5:12

इ दातेमी, भाग सांम भाग का मुर बेक्‍तीक रोइम नु अन्‍कालम बेक्‍नीम। मिनु अर्को भाग तरवारम बेक्‍नीम। मिनु नोले ङा भाग फशेम ते ते फ्राइनुङमी। मिनु गो मेको आन कली तरवारम खेदा पाइनुङमी। इजीकीएल ५:२

इजीकीएल 5:13

मिनु गो गाइक्‍ना गाइक्‍न, मेको आन कली आं चुरशो कोंइशा, आं थुं नाइक्‍पाइक्‍नुङ। मिनु गो, परमप्रभु यावेमी आं रुश पतीकेमी मेको आन कली लोव़ पाता, दे तुइक्‍नीम। इजीकीएल १६:४२

इजीकीएल 8:18

मोपतीके गो मेको आन कली आं गाइक्‍तीकेम गेय पाइ‍नुङ। गो मेको आन कली शिशी मपथु, सुइ आन कली ब्रोंइचा मगेनुङ। मेकोपुकीम ठेयब सेंदा पा पुंइशा ग्रीतेक्‍म हना यो, मेको आन लोव़ मनेंनुङ” देंत। इजीकीएल ७:४; यसैया १:१५

होसे 7:1

“गो इस्राएल ङा मुर आन कली सापाइक्‍चा मिम्‍ताक्‍ङ हना, एफ्राइम आ मरिम्‍शो पशो नु सामरीया आ पाप तांइसीब। मेकोपुकी जोल पना पन बाक्‍नीम। खुइपुकी खिं ओव़शा खुइ पाइनीम। रोइक्‍बपुकीम लांमी मुर आन कली रोइक्‍नीम। योएल ४:१

लेवी 13:55

मेको मुरशो नोले चढ़ेबम मेको कली रिम्‍शो पा कोव़चा माल्‍ब। मिनु मेको बुंखी आ लुम्‍सीशो रङ मफांइसीशो बाक्‍त हना यो, मेको ग्रांग्रा दिशो बाक्‍ब। मेको बुंखी आ तार गे बाक्‍त हना यो, आगा गे बाक्‍त हना यो, मेको कली मीम चोचा माल्‍ब।

लेवी 14:43

मिनु फुल्‍लु ग्रुंइशा, अर्को फुल्‍लु प्रोव़शा, खप खोतेर पा ग्रुंइशा, अर्को खप सिल्‍शा यो, मेको बुंखी लेंशा ग्रूत हना,

सेफन्‍याह 3:2

मेकोमी सुइ आन देंशो मटीब। रिम्‍शो पचा कली हुइश्‍शो लोव़ मनेंब। मेकोमी परमप्रभु यावे कली थमा मसुइक्‍थु, आ परमप्रभु आ नेक्‍था मजाक्‍ब।

सेफन्‍याह 3:7

मो पङा नोले मेको सहर ङा मुरपुकी आं कली तशा मान पा हिंनीम। आं देंशो पाइनीम, दे मिम्‍ताङ। तन्‍न मेकोपुकीमी ङोंइती क्‍येङा मरिम्‍शो गेय पाम्‍तेक्‍म” देंत।

जकरिया 6:8

मिनु नोले मेकोमी ठेयब सेंदा पा आं कली “कोव़ङो, मेको उत्तर रागी गे लाइबमी आं सोक्‍त नाइक्‍पाइक्‍तेक्‍म” देंत।

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

प्रकाश 22:11

सु सुमी पाप पाइनीमी, मेको पामेक्‍ल। सु सु ग्रांग्रा दिचा ङा बाक्‍मा, मेको मोदेंन बाक्‍मल। सु सु चहिं ठीक पाइब बाक्‍नीमी, मेको ठीक पा बाक्‍मल। सु सु प्रभु आ मुर बाक्‍मा, मेको मोदेंशोन बाक्‍मल” दे परमप्रभु यावे आ स्‍वर्ग ङा गेय पाइबमी देंत। दानीएल १२:१०