इजीकीएल 23:4 - Sunuwar Bible

⁴ मिनु दिदी आ नें ओहोला नु आ लोक्‍ब आ नें ओहोलीबा बाक्‍त। मेको निक्‍शी आं के दुम्‍शो बाक्‍ताक्‍स। मिनु मेको निक्‍शीमी तमी तौ थिम्‍ताक्‍स। मेको आस नें आ अर्थ मार बाक्‍त देंशा हना, ओहोला सामरीया नु ओहोलीबा यरूसलेम बाक्‍त।

इजीकीएल 23:4 ပူးပေါင်းရင်းမြစ်များ

१ राजा 12:20

मिनु इस्राएली नेल्‍लेमी “येरोबाम लेश्‍शा जाक्‍शो बाक्‍ब” देंशो लोव़ नेंशा, मेको कली ब्रेत्‍थ सोइक्‍तमे बाक्‍त। मिनु मेको कली इस्राएल ङा पिप सेल्‍मे बाक्‍त। यहूदा आ थर ङा मुर ला दाऊद आ खिं ङा मुर आ नोले खोदमे बाक्‍त।

१ राजा 8:29

मिनु नाक्‍दो नाक्‍ती एको खिं कली कोव़ङीन। गे ‘गो एको खिंम बाक्‍नुङ’ देंशो बाक्‍तीनी। मोपतीके इन गेय पाइब आं लोव़ नेनीन। जकरिया १२:४; प्रस्‍थान २:२४

भजन संग्रह 76:2

आ ताम्‍बु सालेम सहरमी बाक्‍ब। आ बाक्‍तीके सियोनमी बाक्‍ब। भजन संग्रह १३२:१३

येरमीया 3:6

योसीयाहम सासन पची ना परमप्रभु यावेमी आं कली “थमा सुइक्‍ने मचाप्‍ब इस्राएलम मार, पवा, मतवी? मेकोमी डांडा नेल्‍ल ङोइश्‍शा, गिगी रवा नेल्‍ल आन पुंम तेल्‍लेम पाप्‍तु। येरमीया २:२०

येरमीया 3:7

मेकोमी मोदेंशो नेल्‍ल पा आं गे लेप्‍ब, दे मिम्‍ताक्‍ङ। तन्‍न मेको मले। मिनु मेको नेल्‍ले जोल पाइब आ लोक्‍ब यहूदाम ताप्‍तु। २कोरिन्‍थी ७:८-९; इजीकीएल २३:२,४१

इजीकीएल 16:20

मिनु गे आं कली थिशो तमी तौ आन कली लाइश्‍शा, मूर्ति आन कली जचा थोव़क सेल्‍शा क्‍योरशा चढ़ेप्‍तीवी। मार इ तेल्‍लेम पशोमीन मगाम ङा? इजीकीएल २०:२६; इजीकीएल २३:३७; ब्‍यवस्‍था १२:३१; २राजा १६:३; येरमीया ७:३१

इजीकीएल 16:40

मेकोपुकीम इ कली ग्रांग्‍ये माग्‍ये पोक्‍ब मुरपुकी चाक्‍नीम। मिनु फुल्‍लु आप्‍नीम। मिनु इ कली आन तरवारम चेक्‍‍शा चोकटा लाम्‍टा सेल्‍नीम। ब्‍यवस्‍था २२:२३-२४

इजीकीएल 16:46

मिनु इ दिदी सामरीया बाक्‍ब। मेको इ उत्तर गे आ तमीपुकी नु बाक्‍शो बाक्‍त। इ लोक्‍ब नु आ तमी चहिं दक्‍खिन गे सोदोम सहरम बाक्‍नीम। मेको आ तमीपुकी नु बाक्‍शो बाक्‍ब।

इजीकीएल 16:8

गो लेंशा इ नेक्‍था रे पा लङानु, गे ग्‍युंबे पची ना दुम्‍शो बाक्‍ते। मिनु गो आं वा आ सुरमी इ शिश्रा रां सुम्‍ता। गो गे नु कबल का पाता। मिनु गे आं के दुम्‍ते। रूथ ३:९; प्रस्‍थान १९:५

इजीकीएल 23:3

मेको निक्‍शी इजीप्‍त रागीम तेल्‍लेम दुम्‍ताक्‍स। मेको निक्‍शी ठिटी दुम्‍सानु, तेल्‍लेम पचा गोम्‍ताक्‍स। मेको रागीम मेको आस कुचु थिम्‍तेक्‍म। मिनु मेको निक्‍शी कन्‍ने बाक्‍सानु, आस दूध थि‍चा पुंइसाक्‍स।

इजीकीएल 23:36

मिनु परमप्रभु यावेमी आं कली “ए मुर, गे ओहोला नु ओहोलीबा आस कली निसाफ पाइनेवे? मो हना मेको निक्‍शी आस पशो ग्रांग्रा दिशो गेय आन पर्बम मेको आस कली तुइक्‍पतो। इजीकीएल २०:४ इजीकीएल २०:४

इजीकीएल 23:44

मारदे हना मेकोपुकी तेल्‍लेम का नु इप्‍शो खोदेंशो पा इप्‍‍तेक्‍म। ओहोला नु ओहोलीबा नु इप्‍शो मुर खोदेंशो पा जाक्‍तेक्‍म।

इजीकीएल 23:5

मिनु ओहोला आं के दुम्‍शा, यो तेल्‍लेम पाप्‍तु। मेकोमी अस्‍सुर ङा लडाइ पाइब आन कली खोइक्‍तु।

होसे 1:3

मिनु होसे लशा दिब्‍लैम आ तमी गोमेर कली ग्‍युंबे पाप्‍तु। मिनु मेको मीशेमी आल कुरशा, तौ का थिप्‍तु।

होसे 2:7

मेकोमी आ दाक्‍शो मुर आन कली माल्‍थ लाइब। तन्‍न मेको आन कली ग्‍याइक्‍ने मचाप्‍ब। मेकोमी आ दाक्‍शो मुर आन कली कोव़ब। तन्‍न मथिप्‍ब। मिनु मेकोमी ‘मुल गो ङोंइती ङा खोदेंशो पा आं वोंइश आ बाक्‍तीक लाइनुङ। मारदे हना गो मुल क्‍येङा मेना ठीक बाक्‍ती’ देंब।

यूहन्‍ना 4:22

गे परमप्रभु यावे कली मतुइक्‍थु ठेयब सेल्‍नीनी। गो चहिं परमप्रभु यावे कली तुइश्‍शा ठेयब सेल्‍नीकी। मारदे हना पाप रे प्रोंइब यहूदी आन दाते रे जाक्‍ब। २राजा १७:२९-४१; यसैया २:३

रोमी 7:4

आं लोक्‍बपुकी, येसु ख्रीस्‍त बेक्‍शोमी परमप्रभु यावे आ अरेशो लोव़ टिने मचाम्‍सीब देंतीक थुं बेक्‍त, दे रुपीन। मुल बेक्‍शो रे सेंचा पुंइसीशो ख्रीस्‍त नु काथा दुम्‍शा, इन पशो रे पा परमप्रभु यावे कली गेय पाइनय।