इजीकीएल 23:34 - Sunuwar Bible

³⁴ मिनु इ लोक्‍ब खोदेंशो दुम्‍नेवे, गे मेको श्‍येत्‍थ मदुम सम्‍म तूनेवे। मिनु मेको कचौरा आ टुक्रा नाक्‍नेवे। मिनु गे इ दूध रेत्‍नेवे। मारदे हना गो एको लोव़ पाता” दे परमप्रभु, परमप्रभु यावेम देंत।

इजीकीएल 23:34 ပူးပေါင်းရင်းမြစ်များ

भजन संग्रह 75:8

परमप्रभु यावे आ गुइमी बोटको का बाक्‍ब। मेकेर मार मार सुप्‍शो बोग्‍यो बोक्‍शो अङगुर शांबु बाक्‍ब। परमप्रभुमी मेको तूचा गेब। मिनु रागी रागी ङा आ अरेशो मटीबपुकीमी मेको तूचा माल्‍नीम। भजन संग्रह ६०:५; येरमीया २५:१५-१६

भजन संग्रह 75:9

तन्‍न गो चहिं मुर आन दातेमी शुश ग्‍येरसीशो लोव़ पाइनुङ। गो याकूब आ परमप्रभु कली ठेयब सेल्‍शा, कुम्‍सो पाइनुङ।

यसैया 51:17

यरूसलेम बोक्‍को। परमप्रभु यावे इ पर्बम गाइश्‍शा, श्‍येत तूचा गेप्‍तु। गे दिङ दाङ गोल्‍पाइक्‍ब कचौरा तूशा श्‍येत्‍थ सेल्‍तीवी। भजन संग्रह ६०:५; भजन संग्रह ७५:९; येरमीया १३:१२-१३; प्रकाश १६:१९

इजीकीएल 22:14

गो तेको नाक्‍ती इ कली निसाफ पाइनुङा, मेको नाक्‍ती गे इ सक्ति महिक्‍सीथु बाक्‍बा ङा? मार इ गुइ बोल्‍यो लीनीमी ङा? गो, परमप्रभु यावेमी मेको लोव़ पाता। गो मेको पाइनुङ।

इजीकीएल 23:3

मेको निक्‍शी इजीप्‍त रागीम तेल्‍लेम दुम्‍ताक्‍स। मेको निक्‍शी ठिटी दुम्‍सानु, तेल्‍लेम पचा गोम्‍ताक्‍स। मेको रागीम मेको आस कुचु थिम्‍तेक्‍म। मिनु मेको निक्‍शी कन्‍ने बाक्‍सानु, आस दूध थि‍चा पुंइसाक्‍स।

इजीकीएल 23:8

मेकोम इजीप्‍त रागीम पशो तेल्‍लेम गेय मप्रोन। मारदे हना मेको ठिटी बाक्‍मेनु, मुरपुकी मेको नु इप्‍तेक्‍म। मिनु मेकोपुकीमी आ कुचु थिम्‍तेक्‍म। मिनु आन दाक्‍शो मेको नु पाम्‍तेक्‍म। २राजा १७:४

प्रकाश 18:7

मिनु आंम कली गिश ठेयब सेला, मिश श्‍येत गेशा, सुर्ता नु रोंका पपतीन। मिनु मेकोमी आ थुंमी चहिं ‘गो पिपीम नङ। गो वोंइश बेक्‍शो मीश मुर मनङ। मोपतीके गो सुर्ता गेनायो मपाइनुङ’ देंब। यसैया ४७:७-९