इजीकीएल 23:3 - Sunuwar Bible

³ मेको निक्‍शी इजीप्‍त रागीम तेल्‍लेम दुम्‍ताक्‍स। मेको निक्‍शी ठिटी दुम्‍सानु, तेल्‍लेम पचा गोम्‍ताक्‍स। मेको रागीम मेको आस कुचु थिम्‍तेक्‍म। मिनु मेको निक्‍शी कन्‍ने बाक्‍सानु, आस दूध थि‍चा पुंइसाक्‍स।

इजीकीएल 23:3 ပူးပေါင်းရင်းမြစ်များ

येरमीया 3:9

इस्राएलमी आ तेल्‍लेम पतीके थम आइक्‍च मिम्‍ताक्‍व। मेकोमी फुल्‍लु नु रवापुकी नु यो लशा तेल्‍ले‍म पा रागी ग्रांग्रा दिशो सेल्‍तु।

इजीकीएल 16:15

मिनु परमप्रभुमी “तन्‍न गे इ दारसम थमा सुइक्‍तीवी। मिनु गे इ नें चेम्‍शा तेल्‍लेम का दुम्‍ते। इ नेक्‍था रे पा लाइब सु बाक्‍तेक्‍म हना यो, गे मेको नु तेल्‍लेम पाप्‍तीवी। येरमीया २:२०

इजीकीएल 16:22

मिनु इ मूर्ति पूजा नु इ तेल्‍लेम पशो नेल्‍लेम ठिटी दुम्‍शो ङा नाक्‍त ममिम्‍ती। मेना गे वा मफेक्‍सीशो शिश्रा नु हुश लुम्‍सीशो बाक्‍ते।

इजीकीएल 20:7

मिनु गो मेको आन कली इन कोव़त दाक्‍शो ग्रांग्रा दित्‍चा ङा थोव़क ताइक्‍तीन। गे आंम कली इजीप्‍त ङा मूर्तिपुकीम ग्रांग्रा दिशो मसेल्‍सीन। गो परमप्रभु यावे, इन परमप्रभु नङ। यहोसु २४:१४,२३

इजीकीएल 20:8

तन्‍न मेकोपुकीमी आं कली मटिथु, आं लोव़ मनेनेम। सुइम आन कोव़त दाक्‍शो ग्रांग्रा दित्‍चा ङा थोव़क मताइक्‍तेक्‍म। सुइमी इजीप्‍त ङा मूर्तिपुकी यो मप्रोनेम। मिनु गे इजीप्‍त रागीम बाक्‍नीनु, आं गाइश्‍शो नेल्‍ले इन तारी मोइक्‍नुङ, दे मिम्‍ताक्‍ङ।

इजीकीएल 23:19

मो हना यो मेकोम इजीप्‍त रागीम ठिटी बाक्‍म ना ङा तेल्‍लेम पशो मिम्‍शा आ तेल्‍लेम पतीके शुश बारपाइक्‍तु।

इजीकीएल 23:21

मो हना यो गे इजीप्‍त रागीम इ कुचु थिशो इ ठिटी ना ङा मरिम्‍शो पशो नाक्‍ती मिम्‍ताक्‍वी” देंत।

इजीकीएल 23:34

मिनु इ लोक्‍ब खोदेंशो दुम्‍नेवे, गे मेको श्‍येत्‍थ मदुम सम्‍म तूनेवे। मिनु मेको कचौरा आ टुक्रा नाक्‍नेवे। मिनु गे इ दूध रेत्‍नेवे। मारदे हना गो एको लोव़ पाता” दे परमप्रभु, परमप्रभु यावेम देंत।

इजीकीएल 23:4

मिनु दिदी आ नें ओहोला नु आ लोक्‍ब आ नें ओहोलीबा बाक्‍त। मेको निक्‍शी आं के दुम्‍शो बाक्‍ताक्‍स। मिनु मेको निक्‍शीमी तमी तौ थिम्‍ताक्‍स। मेको आस नें आ अर्थ मार बाक्‍त देंशा हना, ओहोला सामरीया नु ओहोलीबा यरूसलेम बाक्‍त।

इजीकीएल 23:43

मिनु गोरशो रागी रे जाक्‍शो मुरपुकी मेको तेल्‍लेम पचा रूशो मीश मुर नु इप्‍तेक्‍म।

इजीकीएल 23:8

मेकोम इजीप्‍त रागीम पशो तेल्‍लेम गेय मप्रोन। मारदे हना मेको ठिटी बाक्‍मेनु, मुरपुकी मेको नु इप्‍तेक्‍म। मिनु मेकोपुकीमी आ कुचु थिम्‍तेक्‍म। मिनु आन दाक्‍शो मेको नु पाम्‍तेक्‍म। २राजा १७:४

होसे 1:2

मिनु परमप्रभु यावेमी होसे नु लोव़ पचा गोप्‍तु। मेकोमी होसे कली “लावो, मिनु तेल्‍लेम मीश मुर कली ग्‍युंबे पावो। मिनु मेको नु आल थिवो। मारदे हना एको रागी परमप्रभु यावे कली प्रोंइ‍शा, तेल्‍लेम खोदेंशो दुम्‍शो बाक्‍ब” देंत। होसे ३:१; ब्‍यवस्‍था २३:१८

होसे 2:15

मेकेर गो मेको कली आ अङगुर रू लेश्‍शा गेनुङ। गो आकोर माइश्‍शो दिंम कली चहिं आस पतीक रागी सेल्‍नुङ। मेकेर मेकोमी आ ठिटी बाक्‍ची ना ङा खोदेंशो नु इजीप्‍त रागी रे जाक्‍शो खोदेंशो पा कुम्‍सो पाइब” देंत। यहोसु ७:२४-२६

लेवी 17:7

मेकोपुकीमी मोपा वोल कली चढ़ेशा, आंम कली तेल्‍लेम खोदेंशो सेल्‍ने मचाप्‍नीम। एकोम परमप्रभु यावे आ अरेशो लोव़ नेल्‍ल आन पाला सम्‍म गेना हना यो कली अरेतीके बाक्‍ब’ दे‍‍नो” देंत। ब्‍यवस्‍था १७:१७

ब्‍यवस्‍था 29:16

गो दोपा इजीप्‍त रागीम बाक्‍या, तुइक्‍नीनी। गोपुकी रागी रागीम गाक्‍शा, दोपा जाक्‍या, दे यो तुइक्‍नीनी।

यहोसु 24:14

मिनु यहोसुमी “मोपतीके मुल परमप्रभु यावे कली मान पा हिंशा, मेको कली थमा पा मप्रोंइथु, गेय पने। इन किकी पिपीमी खोला आइक्‍ची हांबु नु इजीप्‍त रागीमी पूजा पशो देवी देवता आन कली ताइक्‍तीन। परमप्रभु यावे कली ठेयब सेलीन। यहोसु २४:२; प्रस्‍थान ३२:-

प्रकाश 11:8

मेको आस बेक्‍शो रां चहिं ठेयब सहर ङा लांमी लीताक्‍से। मेको ठेयब सहर आ ख्रुइश्‍शो नें चहिं सोदोम नु इजीप्‍त माइश्‍शो बाक्‍त। मेको ठेयब सहरमी मुरपुकीमी मेको आस प्रभु कली शीम कांटी थोक्‍शा साइश्‍शो बाक्‍तेक्‍म।