इजीकीएल 22:29 - Sunuwar Bible

²⁹ मिनु मेको रागी ङा मुरपुकीम गेन कि गेन, दे क्‍येट लाइक्‍नीम। मेकोपुकीमी मार मार रोइक्‍नीम। मेकोपुकीम प्रुङग नु मारेइ मथीब आन कली दिप्‍नीम। मिनु अर्को रागी ङा मुर आन कली दला दाक्‍स पाइनीम।

इजीकीएल 22:29 ပူးပေါင်းရင်းမြစ်များ

इजीकीएल 22:7

मिनु मेकेरन आल आन आम आफ तशा महिक्‍नीम। मेकेरन अर्को रागी ङा मुर आन कली दिप्‍‍नीम। मिनु रोम रोइक्‍च नु आन वोंइश बेक्‍शो मीश मुर आन कली मरिम्‍शो पाइनीम। प्रस्‍थान २२:२०-२१

प्रस्‍थान 23:9

मिनु अर्को रागी ङा मुर आन कली मदिपीन। मारदे हना गेपुकी यो इजीप्‍त रागीम अर्को रागी ङा मुर दुम्‍शा, अर्को रागी ङा मुर आन थुं तुइक्‍नीनी। प्रस्‍थान २२:२०

येरमीया 5:31

परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६

यसैया 5:7

मारदे हना मुर नेल्‍ल आन परमप्रभु यावे आ दाक्‍शो अङगुर रू इस्राएल आ खिं ङा मुर नु यहूदा ङा मुरपुकी बाक्‍नीम। मिनु मेकोम ठीक निसाफ पतीके रिम्‍ताक्‍व। तन्‍न दूली निसाफ पाम्‍तेक्‍म। ठीक पतीके रिम्‍ताक्‍व, तन्‍न मरिम्‍शो पतीके ला दुम्‍त।

भजन संग्रह 94:6

मेकोपुकीमी आन वोंइश बेक्‍शो मीश मुर नु अर्को रागी ङा मुर आन कली साइश्‍शो बाक्‍नीम। मिनु रोम रोइक्‍च आन कली यो साइश्‍शो बाक्‍नीम।

लेवी 19:33

गेपुकी नु बाक्‍ब अर्को रागी ङा मुर आन कली मदिपीन। प्रस्‍थान २२:२०

प्रस्‍थान 22:21

अर्को रागी ङा मुर आन कली श्‍येत मगेचा, मदिप्‍चा। मारदे हना गे यो इजीप्‍त रागीमी अर्को रागी ङा मुर दुम्‍शा बाक्‍तीनी। लेवी १९:३३-३४; ब्‍यवस्‍था १०:१८,१९

आमोस 3:10

मेकोपुकी ठीक गेय पस मजोक्‍नीम। हुश ख्राक्‍श पोक्‍शा नु मार मार रोइश्‍शा खुइ पशो आन बोल्‍यो दरवारम खेक्‍शा वोइक्‍नीम” दे परमप्रभु यावेमी देंत।

यसैया 10:2

क्‍येट मथीब आन कली ठीक निसाफ मपाइ‍नीमी, आन मुर आन दाते ङा प्रुङग आन कली ठीक मपाइनीमी, मेकोपुकीम वोंइश बेक्‍शो मीश मुर आन मार मार योल्‍नीमी, रोम रोइक्‍च आन बाक्‍शो नेल्‍ल रोइक्‍नीम।

याकूब 5:4

इन रूम गेय पाइब आन गाल्‍च मुल सम्‍म जोल पा मगेनी। मेको खेत्‍ला आन कली मगेशो गाल्‍चम आ मुर नेल्‍ल आन परमप्रभु यावे नु लोव़ पाप्‍तु। मिनु मेकोमी मेको खेत्‍ला आन पुंइशो लोव़ नेंने थुम्‍तु। ब्‍‍यवस्‍था २४:१४-१५

मत्ती 25:43

इन मतुइश्‍शो मुर इन खिंमी जाक्‍ङानु, बाक्‍चा मगेयीनी। फेक्‍चा मतङानु, फेक्‍चा मगेयीनी। रोइ पङानु, जेल्‍खानमी चोक्‍शा वोइय्‍यीमीनु, ग्रुम्‍थ मजाक्‍नी’ देंब।

मीका 3:3

गेपुकीमी आं मुर आन श्‍ये ब्‍वाइतीनी। मेको आन कुशुल उक्‍तीनी। मिनु रुश टुक्रा टुक्रा पा जिक्‍तीनी। मिनु बोसुम क्‍येतीक श्‍ये खोदेंशो पा मेको आन कली टुक्रा टुक्रा पा चेक्‍‍तीनी” देंती। भजन संग्रह १४:४

मीका 2:2

मेकोपुकीम रिम्‍शो रू तशा वाल्‍शा, रोइक्‍नीम। रिम्‍शो खिं रोइक्‍नीम। मोपा मेकोपुकीमी मुर आन खिं नु आन थेरशो रू आंम के सेल्‍नीम। ब्‍यवस्‍था ५:२१; हितोपदेस २४:१५; यसैया ५:८

इजीकीएल 18:12

प्रुङग नु मारेइ मथीब आन कली दिप्‍ब, मुर आन मार मार रोइक्‍ब। जाकटी वोइश्‍शो थोव़क मलेप्‍ब, मूर्ति आन कली पूजा पाइब नु ग्रांग्रा दिशो गेय पाइब।

येरमीया 6:13

परमप्रभु यावेमी “नेल्‍ल क्‍येङा आइक्‍च मुर रे नेल्‍ल क्‍येङा ठेयब सम्‍म ठीक पा मचेम्‍शो क्‍येट तचा कली शिंम दुम्‍शो बाक्‍नीम। परमप्रभु यावे आ लोव़ पाइब रे चढ़ेब सम्‍म नेल्‍ल जोल पाइब दुम्‍शो बाक्‍नीम। येरमीया ८:१०-१२; इजीकीएल १३:१०-१६; १थिस्‍सलोनिकी ५:३

भजन संग्रह 62:10

मुर आन कली दिप्‍शा “रिम्‍शो दुम्‍नुङ” दे ममिम्‍तीन। खुइ पशो मार मार तशा, ठेयब मलेतीन। इन शोंप शुश दुम्‍त हना यो, मेको कली थमा मसुतीन। मत्ती १९:२२; लूका १२:१५-२१; १तिमोथी ६:९,१७

इजीकीएल 9:9

मिनु मेकोमी आं कली “इस्राएल नु यहूदा ङा मुर आन खिं ङा मुर आन दोस थम ठेयब बाक्‍ब। रागी नेल्‍ल हुश ख्राक्‍शेम ब्रीशो बाक्‍ब। मिनु सहर दूली पतीकेम ब्रीशो बाक्‍ब। मारदे हना मेकोपुकीम ‘परमप्रभु यावेमी एको रागी प्रोंइशो बाक्‍ब। मिनु परमप्रभु यावेमी मारेइ मताइब’ देंनीम। इजीकीएल ८:१२

लेवी 19:13

गे आंम नेक्‍था ङा मुर आन कली श्‍येत गेशा, मदिपीन। मिनु मेको आन मार मार मरोइक्‍तीन। गाल्‍च ताक्‍शा गेय पाइब आन क्‍येट काब नाक्‍दो यो इन खिंम वोइक्‍चा मदुम्‍ब। ब्‍यवस्‍था २४:१४-१५; येरमीया २२:१३; याकूब ५:४

मीका 6:12

मेको आ शोंप पाइश्‍शो मुरपुकी हुश ख्राक्‍श पोक्‍तीकेम ब्रीशो बाक्‍नीम। मेको सहर ङा मुरपुकी जोल पाइनीम। मेको आन शोव़ जोल पतीकेमी ब्रीशो बाक्‍ब।