इजीकीएल 22:11 - Sunuwar Bible

¹¹ मेकेर मुरुम आन नेक्‍था ङा मुर आन मीश नु इप्‍शा ग्रांग्रा दिशो गेय पाइनीम। मिनु का निक्‍शीमी आन चाइमी कली बिथोलो पाइनीम। का निक्‍शीमी आंम आफ आ तमी कली बिथोलो पाइनीम। लेवी १८:२०; लेवी १८:१५; लेवी १८:९

इजीकीएल 22:11 ပူးပေါင်းရင်းမြစ်များ

२ सामुएल 13:1

मेको मो दुम्‍शो इच्‍का बर्स दुम्‍माक्‍त। मिनु दाऊद आ तौ अब्‍सालोम के थम दारशो समी का बाक्‍माक्‍त। मेको आ नें तामार बाक्‍माक्‍त। दाऊद आ अर्को तौ अम्‍नोनम मेको कली दाक्‍ता बाक्‍त। २सामुएल ३:२-३

२ सामुएल 13:11

मिनु मेकोम शोब्‍ले गेवानु, अम्‍नोनम मेको कली ग्‍याइश्‍शा “आं समी पिवो। गो नु इ‍पो” देंमाक्‍त। लेवी १८:९

२ सामुएल 13:14

तन्‍न मेकोम तामार आ लोव़ का यो मनेना बाक्‍त। मिनु मेको कली बोल पा ग्‍याइश्‍शा, मेको नु इम्‍माक्‍त।

येरमीया 29:23

मारदे हना मेको निक्‍शीमी इस्राएलम थम ग्रांग्रा दिशो गेय पशो बाक्‍ताक्‍स। मेको निक्‍शी आस नेक्‍था ङा मुर आन मीश नु इप्‍शो बाक्‍ताक्‍स। मिनु मेकोम आं मअरेशो लोव़ पाम्‍ताक्‍स। गो मेको नेल्‍ल तुइक्‍नुङ। मिनु गो मेको आ सांकछी बाक्‍नुङ” दे परमप्रभु यावेम देंत।

येरमीया 9:2

गोरशो रागीम मुर आन कली बास बाक्‍तीक बाक्‍शो हना, गो आं मुर आन कली प्रोंइशा, मेकेर लशा बाक्‍ङ वा। मिनु मेको आन रे ङोन लङ वा। मारदे हना मेको नेल्‍ल आन नाता ख्रोइश्‍शा अरु नु इप्‍‍नीम। मेको नेल्‍ल मरिम्‍शो हुल का बाक्‍नीम।

इजीकीएल 18:11

मेको आ आफोम मपशो गेय नेल्‍ले मेकोम पाइब, मेकोमी डांडा मेर जाइब, मेको आ नेक्‍था ङा मुर आन मीश नु इप्‍ब।

इजीकीएल 18:6

मेको डांडा मेर मजाइब नु इस्राएल आ खिं ङा मुर आन मूर्ति आन कली पूजा मपाइब, मेको आ नेक्‍था ङा मुर आन मीश नु मइप्‍ब, रां ब्रोल्‍शो मीश मुर नु मइप्‍ब। लेवी १८:१९; लेवी १८:२०

इजीकीएल 33:26

गे इन तरवार कली थमा सुइक्‍नीनी। गेपुकीम मूर्ति पूजा पाइनीनी। गे नेल्‍लेम इन नेक्‍था ङा मुर आन मीश कली ग्रांग्रा दिशो सेल्‍नीनी। मिनु मार, एको रागी इन के दुम्‍बा ङा?’ देनो” देंत। इजीकीएल ११:१४-२१

लेवी 18:15

गे इ चाइमी नु मइपो। मेको इ तौ आ मीश बाक्‍ब। गे मेको नु इप्‍चा मदुम्‍ब।

लेवी 18:20

गे अर्को मुर आ मीश नु इप्‍शा आंम कली ग्रांग्रा मसेलो। २सामुएल ११:४

लेवी 18:6

गेपुकी सुइ आंम नेक्‍था ङा नाता नु मइपीन। मारदे हना गो परमप्रभु यावे नङ।

लेवी 18:9

गे इ दिदी, बहिनी नु मइपो। इ आफ आ तमी बाक्‍त हना यो, इ ममा आ तमी बाक्‍त हना यो नु आंम खिंम जरमेशो बाक्‍त हना यो अर्को रागीम जरमेशो बाक्‍त हना यो, मेको नु इप्‍चा मदुम्‍ब।

लेवी 20:10

सुइ मुर अरु आन मीश नु इप्‍त हना, मेको पाइब निम्‍फा आस कली साइक्‍चा माल्‍ब। प्रस्‍थान २०:१४; २सामुएल ११:४; यूहन्‍ना ८:५

लेवी 20:12

सु आ चाइमी नु इप्‍बा, मेको निम्‍फा आस कली साइक्‍चा माल्‍ब। मेको दूली पा मेको थम मरिम्‍शो बाक्‍ब। मेको साइक्‍चा पुंइसीनीस।

लेवी 20:17

सु मुर आ दिदी बहिनी, आ आंम आ तमी कि आ आफ आ तमी नु इप्‍त हना, मेको थम मुने बाक्‍ब। मेको निम्‍फा आस कली आस मुर आन दाते रे नेल्‍लेम तचा ङा पा साइश्‍शा क्‍याम्‍चा माल्‍ब। मेकोमी आंम आ समी नु इप्‍तीके सजाइ गेचा पुंइसीब।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

१ कोरिन्‍थी 6:9

ठीक मपाइबपुकी परमप्रभु यावे आ राज्‍य ओव़चा मताइनीम दे मतुइक्‍नीनी? दूली ममिम्‍तीने। मरिम्‍शो पाइबपुकीमी दोदेंशो पाइनीम देंशा हना, पात्‍के, तेल्‍लेम पाइनीमी, मूर्ति कली पूजा पाइनीमी, मुर आन मीश लाइक्‍नीमी, वोंइश मुर वोंइश मुर ब्‍वांइ‍सीनीमी, १तिमोथी १:९-११; गलाती ५:१९-२१

गलाती 5:19

आन दला दाक्‍स पा मुर आ थुंमी मिम्‍शो पाइबपुकीमी दोदेंशो गेय पाइनीम देंशा हना, तेल्‍लेम पाइनीमी, ग्रांग्रा दिचा ङा गेय पाइनीमी, हेंथे गाक्‍नीमी, १कोरिन्‍थी ६:९-१०

ब्‍यवस्‍था 22:22

मिनु वोंइश मुर का अरु आन मीश नु इप्‍शो थितेक्‍म हना, मेको निम्‍फा आस कली साइक्‍चा माल्‍नीम। मेको मीश मुर नु बाक्‍शो वोंइश मुर यो साइक्‍चा माल्‍नीम। मिनु मोपा गेपुकीमी इन इस्राएलम पशो मरिम्‍शो क्‍याम्‍चा माल्‍नीनी। लेवी २०:१०; २सामुएल ११:४

ब्‍यवस्‍था 27:22

मिनु “सु मुर आ समी नु इप्‍ब, मेको आ आफ आ तमी बाक्‍त हना यो आ आम आ तमी बाक्‍त हना यो, सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। लेवी १८:९,११

हिब्रू 13:4

गे नेल्‍लेमी “ग्युंबे पशो रिम्‍शो बाक्‍ब” दे मिम्‍तीने। मुर आ मीश नु मुरु आ वोंइश मइम्‍मल। मीश वोंइश आस नाता ख्रोइक्‍ब नु तेल्‍लेम आन कली परमप्रभु यावेमी निसाफ पाइब।