इजीकीएल 21:7 - Sunuwar Bible

⁷ मिनु मेकोपुकीम इ कली ‘गे मारदे हुकयी पवी’ देंतेक्‍म हना, मेको आन कली ‘लोव़ नेंतीके हुकयी पाता। मुर नेल्‍ल आन थुं बेक्‍शा लाइब। आन गुइ योक्‍ब। आन थुं ग्‍येत्‍थ लुक्‍च दुम्‍ब। मिनु मुर नेल्‍ल आन पोक्‍च बोल मपाइश्‍शो दुम्‍ब। मेको नाक्‍ती जाक्‍ना जाक्‍न बाक्‍ब। मेको थमा पा दुम्‍ब, दे परमप्रभु यावेमी देंशो बाक्‍ब’ दे माइक्‍मी” दे परमप्रभु यावेमी देंत। इजीकीएल ७:१७

इजीकीएल 21:7 ပူးပေါင်းရင်းမြစ်များ

२ सामुएल 17:10

मोदेंशो दुम्‍मेनु, महिंब गुप्‍स खोदेंशो थुं पाइश्‍शो लडाइ पाइब मुर यो हिंनीम। मारदे हना इस्राएली नेल्‍लेमी इन आफ बोल्‍यो लडाइ पाइब मुर बाक्‍ब, दे तुइक्‍नीम। मेको नु बाक्‍ब थम बोल्‍यो बाक्‍नीम, दे तुइक्‍नीम।

२ राजा 21:12

मोपतीके परमप्रभु यावे, इस्राएली आन परमप्रभुमी “गो यरूसलेम नु यहूदाम शुश खतम दुम्‍तीक चाक्‍नुङ। मेको नेंब आन नोफामी ग्रीब। यसैया १९:३

भजन संग्रह 58:7

मेकोपुकी शाइश्‍‍शो ब्‍वाक्‍कु खोदेंशो पा जाम्‍शा, लमल। मेकोपुकीमी लिब्राम ब्रा आप्‍मेनु, मेको आन ब्रा हेंथे लमल।

प्रस्‍थान 15:15

मुल एदोम रागी ङा ठेयब मुरपुकी हिंतेक्‍म। मोआब रागी ङा ठेयब मुरपुकी हिंशा ख्रिंख्रि पाम्‍तेक्‍म। कनान रागीम बाक्‍बपुकीम आन सक्ति साम्‍तेक्‍म।

यसैया 13:7

मोपतीके मुर नेल्‍ल आन थुं लुक्‍च लशा, मारेइ पने मचाप्‍नीम।

यसैया 28:19

मेको गिश खेयप जाक्‍त हना यो, इन कली सुम्‍ब। मारदे हना मेको सुनी कुस कुस जाक्‍ब। नाक्‍दो नाक्‍ती यो जाक्‍ब। मेको लोव़ रुप्‍चा चहिं शुश हिंचा ङा बाक्‍ब।

यसैया 35:3

इन मारेइ पने मचाप्‍ब गुइ बोल्‍यो सेलीन। इन ख्रिंख्रि पाइब पोक्‍च बोल्‍यो सेलीन। हिब्रू १२:१२

यसैया 7:2

मिनु मुरपुकीम दाऊद आ खिं ङा मुर आहाज कली “अराम ङा लडाइ पाइबपुकी एफ्राइम नु गारशा जाक्‍तेक्‍म” दे शेंताक्‍म। मेको नेंशा आहाज नु आ मुर, फशेम रवा हिम्‍शो खोदेंशो पा आन थुं हिम्‍सीमा बाक्‍त।

येरमीया 26:12

मिनु येरमीयामी सरकार आ गेय पाइब नु अरु मुर नेल्‍ल आन कली “परमप्रभु यावेम आं कली एको खिं नु एको सहर आ पर्बम इन नेंशो लोव़ पचा कली सोइश्‍शो बाक्‍ब।

येरमीया 49:23

परमप्रभु यावेमी दमस्‍कस आ पर्बम “हमाथ नु अरपाद वाम ग्‍याम दुम्‍शो बाक्‍नीस। मारदे हना मेको निक्‍शीमी मरिम्‍शो लोव़ नेंताक्‍स। मेको हिंशा आस थुं ग्‍येत्‍थ लुक्‍च दुम्‍शो बाक्‍नीस। मिनु समुन्‍द्र खोदेंशो पा सिक्‍सी पा बाक्‍ने मचाप्‍नीस।

येरमीया 50:43

मिनु बेबीलोन ङा पिपम मेको आन पर्बम लोव़ नेंतु। मिनु आ थुं लुक्‍च लत। मेको सुत्‍केरी रोइ पशो मीश मुर खोदेंशो पा सुर्ता पा हिंत।

येरमीया 8:18

मिनु “गो आं ग्‍येरसीतीक नेल्‍ल जाम्‍त। गो आं थुं खाइक्‍ती। येरमीया ४:१९

बिलाप 5:17

मोपतीके आंइ थुं खाइक्‍त। मिनु आंइ मिक्‍च ब्रा ब्रा दुम्‍त।

इजीकीएल 20:49

मिनु गो “परमप्रभु, परमप्रभु यावे, मेकोपुकीम आं पर्बम ‘मेकोमी कथा ला देंशो बाक्‍ब, ममाइ ङा?’ देंनीम” देंती।

इजीकीएल 21:15

मोपतीके थुं लुक्‍च लाइनीम। मिनु शुश गोल्‍नीम। मेको आन ठेयब लाप्‍चो नेल्‍लेमी हुश ख्राक्‍श पोक्‍चा कली तरवार वोइश्‍शो बाक्‍ती। मेको चिला दाप्‍शो खोदेंशो पा साइक्‍चा कली शेप्‍शो बाक्‍ब।

इजीकीएल 21:6

मोपतीके ए मुर, हुकयी पावो। जिक्‍शो थुंम थम श्‍येत जशा, मेको आन ङोंइती हुकयी पावो।

इजीकीएल 21:8

परमप्रभु यावेमी आं कली लोव़ पाप्‍तु।

इजीकीएल 22:14

गो तेको नाक्‍ती इ कली निसाफ पाइनुङा, मेको नाक्‍ती गे इ सक्ति महिक्‍सीथु बाक्‍बा ङा? मार इ गुइ बोल्‍यो लीनीमी ङा? गो, परमप्रभु यावेमी मेको लोव़ पाता। गो मेको पाइनुङ।

इजीकीएल 24:19

मिनु मुरपुकीम आं कली “एको आ अर्थ मार बाक्‍बा? मार गे आंइ कली मशेंनीनी?” देंतेक्‍म।

इजीकीएल 6:2

मार लोव़ पाप्‍तु देंशा हना “ए मुर, गे इस्राएल ङा पहाड गे कोव़शा, मेको आन पर्बम नोले दुम्‍ब लोव़ पावो। इजीकीएल ३६:१; मीका ६:१

इजीकीएल 7:17

मुर आन गुइ नेल्‍ल सक्ति मपाइश्‍शो दुम्‍नीम। आन पोक्‍च बोल मपाइश्‍शो दुम्‍नीम। यसैया १३:७

इजीकीएल 7:26

हिंचा ङा श्‍येत क्‍येङा हिंचा ङा श्‍येत जाक्‍ब। हिंचा ङा लोव़ क्‍येङा हिंचा ङा लोव़ नेंसीब। मेकोपुकीम परमप्रभु यावे आ लोव़ पाइबपुकी रे ‘मुल मार दुम्‍बा’ दे तुइक्‍चा माल्‍नीम। चढ़ेबपुकीमी मुर आन कली मशेंनीम। खाल्‍पा आन अर्ती गेतीक जाम्‍शा लने थुम्‍शो बाक्‍ब।

दानीएल 5:6

मिनु मेको तशा, पिप आ कुल लल गिग दुम्‍शा, शुश हिंत। आ खोइल ख्रिंख्रि पा आ पोक्‍च थोक्‍सीशा, खोइल ललाक लुलुक दुम्‍त।

लेवी 26:36

मिनु गो इन जोरी सत्रु आन रागीम बाक्‍शो लीशो मुर आन थुं लुक्‍च लपाइक्‍नुङ। मिनु सफा दोक्‍शो रेयके नेंशा यो, आन जोरी सत्रुम खेदा पशो खोदेंशो पा प्रोक्‍नीम। मिनु मोशा दाइल पा थित्‍नीम।

नहुम 2:10

मेको सहर मारेइ मारेइ रोइश्‍शा श्‍येत्‍थ नु खतम पोक्‍चा पुंइसीशो बाक्‍ब। मिनु मुर आन थुं लुक्‍च लाइब, आन पोक्‍च ख्रिंख्रि पाइनीम। मिनु आन ची यो ख्रिंख्रि पशो बाक्‍नीम। मेको आन कुल बेक्‍शो मुर आन कुल खोदेंशो दुम्‍नीम।

लूका 21:26

मुरपुकी सरीङ नु रागी कोव़शा, हिंशा थाइनीम। मारदे हना सरीङ ङा सक्ति हिम्‍सीनीम।

ब्‍यवस्‍था 20:8

मिनु मेको ठेयब मुरपुकीमी लेंशा मुर आन कली ‘इन दातेमी सुइम हिंब नु आ थुं लुक्‍च लाइब बाक्‍त हना, मेको आ खिं लेश्‍शा लचा माल्‍ब। मेकेर बाक्‍त हना, आ लोक्‍ब आन थुं यो ग्‍येत्‍थ लुक्‍च लपाइक्‍ब’ देंचा माल्‍नीम। न्‍यायाधीस ७:३

हिब्रू 12:12

मोपतीके श्‍येत जाइतीनी हना यो, लांमी गाक्‍शा दशो खोदेंशो मदुमीन, इन गुइ खोइल सेस दुम्‍शा गाक्‍कीन।

यहोसु 5:1

मिनु यर्दन आइक्‍ची हांबु पच्‍छिम गे ङा एमोरी आन पिप नेल्‍ल नु ठेयब समुन्‍द्र आ नेक्‍था ङा कनानी आन पिप नेल्‍लेमी “परमप्रभु यावेमी इस्राएली आन ङोंइती यर्दन खोला मशोक्‍सीमा सम्‍म सोव़पाइक्‍तु” दे नेंशा, मेकोपुकी इस्राएली आन कली तशा, साप्‍पा हिंशा आन थुं लुक्‍च लत। यहोसु ३:१६; यहोसु २:२४

यहोसु 7:5

मिनु ऐ ङा मुरपुकीमी ३६ जना इस्राएली आन कली साइक्‍तेक्‍म। मेकोपुकीमी सहर ङा ठेयब लाप्‍चो रे शेबारीम ङा लुक्‍च लतीक लां सम्‍म खेदा पा, मेको आन कली साइक्‍तेक्‍म। मिनु इस्राएली आन थुं लुक्‍च लशा, शुश हिंतेक्‍म।

१ पत्रुस 4:7

रागी नु रागीमी बाक्‍शो मारेइ मारेइ नुप्‍चा चिक्‍शो बाक्‍तेक्‍म। मोपतीके इन गेय पचा ङोंइती मिम्‍शा नु आंम रां कली अरेशा प्रार्थना पने। १कोरिन्‍थी १०:११; १यूहन्‍ना २:१८