इजीकीएल 21:3 - Sunuwar Bible

³ मिनु इस्राएल ङा खाल्‍पा आन कली परमप्रभु यावेमी मार लोव़ पाप्‍तु देंशा हना ‘गो बारशा, आं तरवार खोत रे शोइश्‍शा, इन दाते ङा ठीक पाइब नु आं अरेशो लोव़ मटीब नेल्‍ल आन कली साइक्‍नुङमी।

इजीकीएल 21:3 ပူးပေါင်းရင်းမြစ်များ

अय्‍युब 9:22

लोव़ नेल्‍ल कान बाक्‍ब। मोपतीके गो मेकोम दोस मताइब नु आ अरेशो मटीब निम्‍फा आस कली खतम सेल्‍ब, देंनुङ। अय्‍युब ८:२०; उपदेसक ९:२-३

भजन संग्रह 17:13

परमप्रभु यावे, बोक्‍कीन। मेको आन कली दोक्‍पतीन। आं कली इन तरवारमी इन अरेशो मटीब मुर रे प्रोंइ‍यीनी। गन्‍ती १०:३५

भजन संग्रह 80:17

इन ग्‍युरा गे बाक्‍ब मुर आ तारी इन गुइ लील। मेको कली थुल्‍शा कोल्‍पाइक्‍तीनी।

भजन संग्रह 83:15

मोपा इन फश गिवारम मेको आन कली खेदा पने। इन फश गिवारम मेको आन कली हिंच कोंइदीन।

प्रस्‍थान 15:9

आंइ जोरी सत्रुमी ‘मेको आन कली खेदा पा, ब्रो ब्रु थित्‍नय। गो ग्‍येरशा, इं ग्राशो थोव़क योक्‍मुइनय। इं तरवार शोइश्‍शा, नेल्‍ल आन कली साइक्‍नय’ देंतेक्‍म।

उपदेसक 9:2

मारदे हना जाम्‍शा लतीक नु मरिम्‍शो दुम्‍तीके मुर नेल्‍ल आन कली दुम्‍ब। ठीक पाइब नु परमप्रभु आ अरेशो मटीब, रिम्‍शो पाइब नु मरिम्‍शो पाइब, ग्रांग्रा मदिशो नु ग्रांग्रा दिशो, चढ़ेतीक चढ़ेब नु मचढ़ेब, पाप पाइब नु मपाइब नु कसम जाइब नु मजाइब, नेल्‍ल नोले खाल का ङा पा जाम्‍शा लाइनीम। उपदेसक २:१४; अय्‍युब ९:२२

यसैया 10:5

आबी, अस्‍सुर रागी, गे आं गाइक्‍तीक ङा कोर्रा, आं गाइक्‍तीके कोक्‍के कुरब दुम्‍ते। यसैया १०:१५

यसैया 34:5

परमप्रभुमी “आं तरवारम सरीङमी गेय थुम्‍शा नोले, गो एदोम तारी लाइनुङ। गो मेकेर ङा मुर आन कली निसाफ पाइनुङ” देंत। ब्‍यवस्‍था ३२:४१-४२; येरमीया ४९:७-२२

यसैया 57:1

ठीक पाइब बेक्‍नीम। सुइमी मेको आन पर्बम सुर्ता मपाइनीम। परमप्रभु यावे कली मप्रोंइथु, दाक्‍बपुकी लाइक्‍चा पुंइसीनीम। मारदे मो पाइनीमी, मेको सुइमी मरुप्‍नीम। ठीक पाइब हिंचा ङा श्‍येत दुम्‍चा क्‍येङा ङोंइती लाइक्‍चा पुंइसीनीम। मीका ७:२

येरमीया 17:27

तन्‍न गेपुकीम आं लोव़ मनेंतीनी हना, नाइक्‍तीक नाक्‍ती आं नाक्‍त बाक्‍ब, दे ममिम्‍ताक्‍नी हना नु नाइक्‍तीक नाक्‍त भारी कुरशा यरूसलेम ङा ठेयब लाप्‍चो आगा ओव़तीनी हना, आं देंशो मबिस्‍साक्‍नी हना, गो यरूसलेम ङा ठेयब लाप्‍चोमी गेनायो मकाप्‍ब मी जेत्‍नुङ। मिनु मेकोमी यरूसलेम ङा दरवार दाक्‍ब” दे परमप्रभु यावेमी देंत। इजीकीएल २०:१२-१३

येरमीया 21:13

एको दिंमम बाक्‍बपुकी रोंगु तार सेल्‍शो सहर गो इन कली लडाइ तोइनुङ। गे आंइ कली जाक्‍शा, सुम लडाइ तोइबा ङा? “आंइ ख्रुइक्‍तीके सु ओव़ने चाप्‍बा ङा? आंइ बाक्‍तीकेम सु ओव़ने चाप्‍बा ङा?” देंनीनी।

येरमीया 21:14

गो इन कली इन पशो खोदेंशो पा कोव़शा, सजाइ गे‍नन्‍नी। गो इन ब्‍वाकीम मी सुइक्‍नुङ। मिनु मेकोमी इन एर ओंथ बाक्‍शो मारेइ मारेइ नेक्‍ब, दे परमप्रभु यावेमी देंत’ देनो” देंत। गलाती ६:७; इजीकीएल २१:३

येरमीया 50:31

परमप्रभु, मुर नेल्‍ल आन परमप्रभु यावेमी “गो इ कली ठेयब लेश्‍शो दुम्‍तीके काइ मदाक्‍नुङ। इ नाक्‍ती जाक्‍त। इ कली सजाइ गेतीक नाक्‍ती जाक्‍त।

येरमीया 51:20

बेबीलोन, गे लडाइ पचा कली आं तुप्‍‍तीके नु लडाइ पतीक या बाक्‍नेवे। गो इ रे पा रागी रागी ङा मुर आन कली तुप्‍ता‍मी। गो इ रे पा राज्‍य आन कली खतम पोक्‍‍तामी। येरमीया ५०:२३

येरमीया 51:25

परमप्रभु यावेमी “गे मारेइ मारेइ आन कली साइक्‍ब डांडा, गो इ कली काइ मदाक्‍नुङ। गे रागी नेल्‍ल खतम सेल्‍नेवे। गो आं गुइ दिशा, इ कली रोंगु रे उइ तोक्‍नन। मिनु कोक्‍त जेश्‍शो डांडा सेल्‍नन।

इजीकीएल 13:8

मोपतीके परमप्रभु, परमप्रभु यावेमी “गेपुकीम फश लोव़ पा, जोल पा कोंइतीक आ पर्बम लोव़ पतीके, गो इन कली मरिम्‍शो पाइनुङ।

इजीकीएल 14:17

मिनु परमप्रभु, परमप्रभु यावेमी “गो रागी आ पर्बम तरवार सोइश्‍‍शा, मेको तरवार कली ‘मुर नु बी ब्‍यफ, क्‍यारश भेडा नेल्‍ल साइक्‍मी’ देंती हना,

इजीकीएल 14:21

परमप्रभु, परमप्रभु यावेमी “गो यरूसलेमम आं ४ ओटा हिंचा ङा श्‍येत तरवार, अन्‍काल, ब्‍वाकी ङा जन्‍तुपुकी नु मुर बेक्‍तीक रोइ सोइश्‍शा मेकेर ङा मुर नु बी ब्‍यफ, क्‍यारश भेडा आन कली साइक्‍तामी हना, सुइ मब्रोंइम वा। इजीकीएल ५:१७; लेवी २६:१६-२५; येरमीया १५:३; प्रकाश ६:८

इजीकीएल 21:19

मार लोव़ पाप्‍तु देंशा हना “ए मुर, बेबीलोन ङा पिप आ तरवार चाक्‍‍चा कली लां निक्‍शी योव़ङो। मेको लां निक्‍शी रागी का रे जाक्‍चा माल्‍नीस। सहर गे लतीक लां आस ङोंइती लां कोंइतीक का वोतो।

इजीकीएल 24:9

मिनु ‘आबी आबी, मेको हुश ख्राक्‍श पोक्‍ब सहर, गो यो शी शुश तेल्‍नुङ।

इजीकीएल 26:3

मोपतीके परमप्रभु, परमप्रभु यावेमी “कोव़ङो, ए टायर सहर गो इ कली सजाइ गेनुङ। इ कली समुन्‍द्रम आ छाल पोक्‍शो खोदेंशो पा गो शुश रागी ङा मुर इ पर्बम पोक्‍‍नुङमी।

इजीकीएल 29:10

मोपतीके गो इ पर्बम नु इ खोला आन पर्बम बोक्‍नुङ। मिनु गो मिग्‍दोल रे स्‍येने सम्‍म नु एथीयोपीया रागी आ सांद सम्‍म इजीप्‍त रागी कली गोरशो नु मुर मबाक्‍तीके सेल्‍नुङ। इजीकीएल ३०:६

इजीकीएल 5:12

इ दातेमी, भाग सांम भाग का मुर बेक्‍तीक रोइम नु अन्‍कालम बेक्‍नीम। मिनु अर्को भाग तरवारम बेक्‍नीम। मिनु नोले ङा भाग फशेम ते ते फ्राइनुङमी। मिनु गो मेको आन कली तरवारम खेदा पाइनुङमी। इजीकीएल ५:२

इजीकीएल 5:8

गो इ कली आंमा सजाइ गेनुङ। गो रागी रागी ङा मुर आन ङोंइती इ कली निसाफ पाइनुङ।

लेवी 26:25

गो इन कली लडाइ तोपाइक्‍नुङ। मिनु आं कबल प्रोंइशो आ पर्बम क्‍येक्‍क लेत्‍नुङ। गेपुकी आंम आंमा सहरम बुक्‍तीनी हना, गो मेकेर यो इन दातेम बेक्‍पाइक्‍ब रोइ सोइक्‍नुङ। मिनु इन जोरी सत्रु आन गुइम दुम्‍नीनी। यसैया १:२०,२४

लेवी 26:33

गो इन कली रागी रागी ङा मुर आन दातेमी ब्रपाइक्‍नुङ। मिनु लडाइ तोपाइश्‍शा, इन कली खेदा पपाइक्‍नुङ। मिनु इन रागी श्‍येत्‍थ नु इन सहरपुकी गोरशो सेल्‍नुङ।

आमोस 5:6

परमप्रभु यावे कली मालीने। मिनु ब्रोंइचा ताइनीनी। मो मपाइतीनी हना, मेको मी खोदेंशो पा गाइश्‍शा योसेफ आ खिंम मी सुइक्‍ब। बेथेल कली खतम पोक्‍ब। मेको मी कली काप्‍ब सुइ मबाक्‍नीम। आमोस ६:१२; यसैया ५:२०

आमोस 7:4

मिनु परमप्रभु यावेमी आं कली मार कोंइताक्‍यी देंशा हना परमप्रभु यावेमी आं कली ब्रशो मी का कोंइताक्‍यी। मिनु मेको मीम ठेयब समुन्‍द्र कली सोव़पाइक्‍तु। मिनु रागी कली यो नेक्‍तु। उत्‍पत्ती ७:११

नहुम 2:13

मिनु मुर नेल्‍ल आन परमप्रभु यावेमी “गो इ कली काइ मदाक्‍थु, इ पर्बम बोक्‍ती। गो इ बग्‍गी चोशा गेनन। मिनु गुप्‍स आ चाइक्‍ब खोदेंशो इ तमी तौ तरवारमी साइक्‍चा पुंइसीनीम। इ रोइश्‍शो, इ साइश्‍शो रागी रे ग्रुंइनुङ। मिनु इ लोव़ कुरब मुर आन सेंदा मनेंसीब” देंशो बाक्‍ब।

नहुम 3:5

मिनु मुर नेल्‍ल आन परमप्रभु यावेमी “गो इ कली काइ मदाक्‍थु, इ पर्बम बोक्‍ती। गो इ गुने इ कुल सम्‍म क्‍युक्‍नुङ। मिनु रागी रागी ङा मुर आन कली इ भेत्रे रां कोंइनुङमी। राज्‍य राज्‍य ङा मुर आन कली इ मुने दोक्‍तीक कोंइनुङमी। यसैया ४७:३

सेफन्‍याह 2:12

गे एथीयोपीया ङा मुर यो आं तरवारमी साइक्‍चा पुंइसीनीनी” दे परमप्रभु यावेमी देंत। इजीकीएल ३०:९

जकरिया 13:7

मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१