इजीकीएल 20:9 - Sunuwar Bible

⁹ तन्‍न गो आं नें रागी रागी ङा मुर आन ङोंइती मरिम्‍शो मदुम्‍ल, दे गो इन कली इजीप्‍त रागी रे ग्रुंइताक्‍ङ। इन बाक्‍शो रागी ङा मुर आन कली यो आं नें तुइक्‍पाइक्‍ताक्‍मी। इजीकीएल २०:१४; इजीकीएल ३६:२१-२२; प्रस्‍थान ३२:१२

इजीकीएल 20:9 ပူးပေါင်းရင်းမြစ်များ

भजन संग्रह 106:8

मोदेंशो पाम्‍तेक्‍म हना यो, परमप्रभुमी आ नें आ पर्बम मेको आन कली श्‍येत रे प्रोंइशो बाक्‍त। मोदेंशो पा आ ठेयब सक्ति कोंइशो बाक्‍त।

प्रस्‍थान 32:11

मिनु मोसामी परमप्रभु यावे कली “परमप्रभु यावे, आं परमप्रभु, इन मुर आन पर्बम मारदे गाइक्‍तीनी? गेमी इन ठेयब सक्तिमी मेको आन कली इजीप्‍त रागी रे ग्रुंइताक्‍नी।

प्रस्‍थान 32:12

मो पाइतीनी हना इजीप्‍त रागी ङा मुरपुकीमी ‘परमप्रभुमी मेको आन कली पहाडमी साइश्‍शा, रागी रे क्‍याम्‍चा कली एक रे ग्रुंइताक्‍व’ देंनीम। मोपतीके इन ठेयब गाइक्‍तीक प्रोनीन। इन मुर आन कली मसतीन। ब्‍यवस्‍था ९:२८; यहोसु ७:९

यसैया 48:11

गो आं पर्बम पाइनुङ। मारदे आं नें ग्रांग्रा दिशो सेल्‍चा गेनुङा? आं छेङछेङ नु सक्ति अरु आन कली मगेनुङमी। यसैया ४२:८

इजीकीएल 20:14

मिनु गो रागी ङा मुर आन ङोंइती मेको आन कली इजीप्‍त रागी रे ग्रुंइताक्‍ङ। गो आं नें मेको रागी रागी ङा मुर आन ङोंइती मरिम्‍शो मदुम्‍ल, दे मोदेंशो पाता।

इजीकीएल 20:22

तन्‍न गो आं गुइ तेक्‍ता। मिनु गो रागी ङा मुर आन ङोंइती मेको आन कली इजीप्‍त रागी रे ग्रुंइताक्‍ङ। गो आं नें मेको रागी रागी ङा मुर आन ङोंइती मरिम्‍शो मदुम्‍ल, दे मोदेंशो पाता।

इजीकीएल 39:7

गो आं नें आं मुर इस्राएली आन दातेम तुइक्‍पाइक्‍नुङमी। मिनु आं नें कली मरिम्‍शो सेल्‍चा मगेनुङ। मिनु रागी रागी ङा मुरपुकीम गोन परमप्रभु यावे, इस्राएली आन बाक्‍शो परमप्रभु नङ, दे तुइक्‍नीम।

ब्‍यवस्‍था 9:28

गे मेको आन कली क्‍याम्‍ताक्‍नी हना, आंइ कली ग्रुंइशो रागी ङा मुरपुकीमी “परमप्रभु यावेमी मेको आन कली देंशो रागी चाक्‍दीन्‍ने मचाप्‍तीके, मेको आन कली मदाक्‍तीके गोरशो रागीम साइक्‍चा कली एक रे ग्रुंइशा लाइक्‍तु” देंनीम। गन्‍ती १४:१६

यहोसु 2:10

गे इजीप्‍त रागी रे ग्रूशा पिनीनु, परमप्रभु यावेमी इन ङोंइती लल समुन्‍द्र सोव़पाइक्‍तु। मिनु यर्दन आइक्‍ची हांबु ङा एमोरी आन पिप सीहोन नु ओग आस कली साइश्‍शा खतम सेल्‍शो लोव़ गोपुकीमी नेंतक। प्रस्‍थान १४:२१; गन्‍ती २१:२१-२६

यहोसु 7:9

मारदे हना कनानीपुकी नु एको रागी ङा मुर नेल्‍लेमी एको लोव़ नेंशा, आंइ कली पुम्‍नीम। मिनु आंइ नें रागी रे पा क्‍याम्‍नीम। मिनु गे इन ठेयब नें आ पर्बम मार पाइनीनी?” दे परमप्रभु यावे कली लोव़ पाप्‍तु। प्रस्‍थान ३२:१२

१ सामुएल 12:22

मारदे हना परमप्रभु यावेमी आ ठेयब नें आ पर्बम आ मुर आन कली कोव़शा मप्रोंइब। परमप्रभु यावेमी इन कली आंम आ मुर सेल्‍चा कली ग्‍येरसाक्‍व। प्रस्‍थान १९:६

१ सामुएल 4:8

आबी, मुल गो बेक्‍नय। मो देंशो ङोंइती गेनायो मदुम्‍शो बाक्‍त” देंमा बाक्‍त। “आबी, सुम आंइ कली मेको शुश सक्ति पाइश्‍शो परमप्रभु रे प्रोंइबा? मेकोम इजीप्‍ती आन कली श्‍येत गेशा गोरशो रागीम बेक्‍तीक रोइ पपाइश्‍शा साइश्‍शो बाक्‍त।