इजीकीएल 20:41 - Sunuwar Bible

⁴¹ गो इन कली रागी रागी ङा मुर आन दाते रे ग्रुंइशा नु इन कली इन ब्रशो रागी रे खुप्‍शा, ब्रोव़शो रिना पाइश्‍शो धूप खोदेंशो पा ब्राइ‍नन्‍नी। मिनु रागी रागी ङा मुर आन ङोंइती आं कली तुइक्‍पांइसीनुङ।

इजीकीएल 20:41 ပူးပေါင်းရင်းမြစ်များ

उत्पत्ती 8:21

मिनु परमप्रभु यावेमी मेको ब्रोव़शो रिना नाम्‍शा, ग्‍येरसे बाक्‍त। आ थुंमी “मुरुम मरिम्‍शो पतीकेम खप कली मुल सराप गेनायो मपाइनुङ। मुर आ थुं मरिम्‍शो बाक्‍त हना यो, गेनायो सराप मपाइनुङ। गो ब्रोंइशा बाक्‍ब नेल्‍ल आन कली साइश्‍शा क्‍याम्‍ताक्‍ङ। मोदेंशो गेनायो लेंशा मपाइनुङ। उत्‍पत्ती ६:५; अय्‍युब १४:४; भजन संग्रह १४:३; मत्ती १५:१९; रोमी ३:२३

२ सामुएल 24:23

पिप, गो इन कली मेको नेल्‍ल गेनुङ। परमप्रभु यावे, इन परमप्रभुम इन चढ़ेशो ब्रवल” देंमाक्‍त।

यसैया 5:16

तन्‍न मुर नेल्‍ल आन परमप्रभु यावे ठीक निसाफ पतीकेम ठेयब बाक्‍ब। मिनु आ का ला बाक्‍शो परमप्रभुम आ ठीक पतीके कोंइब। यसैया २:११,१७

येरमीया 23:3

परमप्रभु यावेमी “गो आं लीशो बगाल नेल्‍ल आन कली इन खेरशो रागी रे खुप्‍शा लेश्‍शा, आन बगालम चाक्‍नुङमी। मिनु मेकोपुकी मेकेर सोशा बोशा शुश दुम्‍नीम।

येरमीया 30:18

परमप्रभु यावेमी “गो याकूब आ ताम्‍बु ङा शोंप लेंशा गेनुङ। मिनु मेको आ बाक्‍तीक रागी कली शिशी पाइनुङ। मेको सहर ङा ब्रेश्‍शो नेल्‍ल आ डांडामी लेंशा सेल्‍सीब। मिनु आ दरवार लेंशा ङोंइती ङा आ बाक्‍तीकेमी सेल्‍सीब।

येरमीया 30:3

आं मुर इस्राएली नु यहूदा ङा मुर आन थुं लेश्‍शा नाइक्‍चा गेतीक नाक्‍त थमा पा जाक्‍ब। मिनु गो मेको आन किकी पिपी आन कली गेशो रागीम लेंशा लाइक्‍नुङमी। मिनु मेकोपुकीमी मेको रागी आंम के सेल्‍नीम” देंत। येरमीया २९:१४

येरमीया 32:37

कोव़ङीन, गो मेको आन कली आं गाइश्‍शो, चुरशो नु ठेयब ग्‍युश्रा बोक्‍तीकेमी तेको रागीम खेरुमी, मेको रागी नेल्‍ल रे ग्रुम्‍पाइक्‍नुङमी। गो मेको आन कली लेंशा एको रागीम लेश्‍शा चाक्‍नुङमी। मिनु मेको आन कली रिम्‍शो पा मारेइ मदुम्‍थु बाक्‍पाइक्‍नुङमी। ब्‍यवस्‍था ३०:३

इजीकीएल 11:17

मोपतीके गे मेको आन कली ‘गो इन कली जात जात ङा मुर आन दाते रे खुप्‍नन्‍नी। मिनु ब्रशा लशो रागी नेल्‍ले रे पा खुप्‍नन्‍नी। मिनु गो इन कली इस्राएल रागी गेनन्‍नी। येरमीया २४:५-६; येरमीया २९:२४

इजीकीएल 20:28

गो कसम जशा मेको आन कली गेनुङ देंशो रागीम चाक्‍तामी। मेकोपुकीम मेकेर लाइश्‍शो डांडा नु शुश सफा पाइश्‍शो रवा ताम्‍तेक्‍म। मेकेर आन मार मार चढ़ेम्‍तेक्‍म। आं कली गाइक्‍पाइक्‍चा कली आन पोक्‍शो मार मार चढ़ेम्‍तेक्‍म। मेकेर आन ब्रोव़शो रिना पाइश्‍शो धूप चोशा, आन तूचा थोव़क चढ़ेतीक चढ़ेम्‍तेक्‍म।

इजीकीएल 28:22

परमप्रभु, परमप्रभु यावेमी ‘ए सीदोन, गो इ कली सजाइ गेनुङ। गो इ दातेमी आं सक्ति कोंइनुङ। गो इ दातेमी आं सक्ति कोंइशा, निसाफ पाता हना, मेकोपुकीमी गोन परमप्रभु यावे नङ’ दे तुइक्‍नीम

इजीकीएल 28:25

परमप्रभु, परमप्रभु यावेमी “गो इस्राएल आ खिं ङा मुर आन कली मेको आन ब्रशा बाक्‍शो रागी रागी ङा मुर आन दाते रे ग्रुम्‍पाइक्‍नुङमी। मिनु गो परमप्रभु यावे नङ, दे रागी रागी ङा मुर आन ङोंइती तुइक्‍पांइसीनुङ। मेना मेकोपुकी आं गेय पाइब याकूब कली गेशो रागीम बाक्‍चा ताइनीम।

इजीकीएल 34:11

मिनु परमप्रभु, परमप्रभु यावेमी “मुल गो आंमान आं भेडा आन कली माल्‍थ लाइनुङ। गो मेको आन कली कोव़नुङ। येरमीया २३:२

इजीकीएल 34:19

मार, आं भेडा, इन दिम्‍शो जोतीकेम जोचा माल्‍नीमी? इन खोइलीम हिलो सेल्‍शो ब्‍वाक्‍कु तूचा माल्‍नीमी?” देंत।

इजीकीएल 37:25

मिनु मेकोपुकी आं गेय पाइब याकूब कली गेशो रागीम बाक्‍नीम। मेकेर आन किकी पिपी बाक्‍शो बाक्‍तेक्‍म। मिनु मेकेर मेको आन आल, चच युइ गेना हना यो बाक्‍नीम। मिनु आं गेय पाइब दाऊद गेना हना यो मेको आन कली सासन पाइब दुम्‍ब। लूका १:३२-३३

इजीकीएल 38:16

गे आं मुर इस्राएली नु लडाइ पचा कली रागी कली सुम्‍ब गोस्‍स खोदेंशो पा जाक्‍नेवे। ए गोग, नोले ङा नाक्‍ती गो इ कली आं रागी नु लडाइ पपाइक्‍नुङ। रागी रागी ङा मुरुम आं कली तुइक्‍तमेक्‍ल, दे मोदेंशो पाइनुङ। मेको रागी रागी ङा मुर आन ङोंइती गो का ला परमप्रभु यावे नङ’ दे कोंइनुङ” देंत।

इजीकीएल 38:23

मोपा गो आं ठेयब दुम्‍तीक नु गो आं बाक्‍शो परमप्रभु बाक्‍नुङ, दे कोंइनुङमी। मिनु शुश रागी ङा मुर आन ङोंइती आं कली तुइक्‍पांइसीनुङ। मेना मेकोपुकीम गोन परमप्रभु यावे नङ, दे तुइक्‍नीम” देंत।

इजीकीएल 38:8

शुश नाक्‍त नोले लडाइ पचा कली इन कली ब्रेत्‍नीम। गेपुकीम लडाइम श्‍येत्‍थ दुम्‍शा लेंशा सेल्‍शो रागी कली लडाइ तोइनीनी। मेको मुर शुश रागी रे खुप्‍शा, इस्राएल ङा पहाडम चाक्‍शो बाक्‍नीम। मेकेर शुश बर्स रे मुर मबाक्‍म। मेकोपुकी रागी रागी रे चाक्‍शो बाक्‍तेक्‍म। मिनु मुल मेको नेल्‍ल मारेइ मदुम्‍थु रिम्‍शो पा बाक्‍शो बाक्‍नीम।

इजीकीएल 6:13

मेको आन साइश्‍शो मुर आन मूर्ति आन दाते आन चढ़ेतीक आन एर ओंथ बाक्‍नीम। नेल्‍ल डांडा ङा थानम, नेल्‍ले पहाडम, नेल्‍ल रवा आन पुंम, शुश गिग रवा आन पुंम, नु मूर्ति आन कली धूप चोतीके नेल्‍लेम मोदेंशो बाक्‍ब। १राजा १४:२३

लेवी 1:13

मेकोमी मेको आ गा क्‍यी नु खोइली चहिं ब्‍वाक्‍कुम मुरचा माल्‍नीम। मिनु चढ़ेबपुकीमी मेको नेल्‍ल कली चढ़ेतीकेमी चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।

लेवी 1:17

मेकोमी मेको कली मचेक्‍थु, फ्रां आस दाते रे चेत्‍चा माल्‍ब। मिनु चढ़ेबमी चढ़ेतीक ङा मी तार ङा शीम मेको चोचा माल्‍ब। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।

लेवी 1:9

मेकोमी मेको आ गा क्‍यी नु खोइली चहिं ब्‍वाक्‍कुम मुरचा माल्‍नीम। मिनु चढ़ेबपुकीमी मेको नेल्‍ल कली चढ़ेतीकेमी चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब। उत्‍पत्ती ८:२१; प्रस्‍थान २९:१८

लेवी 10:3

मिनु मोसामी हारून कली “परमप्रभु यावेमी देंशो ‘आं नेक्‍था बाक्‍ब आन कली गो नेल्‍ल क्‍येङा ठेयब बाक्‍नुङ’ दे कोंइनुङ। मिनु नेल्‍ल मुर आन ङोंइती गो ठेयब सेल्‍चा पुंइसीनुङ” देंत। मिनु हारून सिक्‍सी पा बाक्‍त।

आमोस 9:14

गो आं मुर इस्राएली आन कली आन मार मार लेश्‍शा गे‍नुङमी। मिनु मेको आन ब्रेश्‍शो सहर कली लेंशा सेल्‍शा, मेकेर बाक्‍नीम। मेकोपुकीम अङगुर ख्रुम्‍शा, अङगुर शांबु तूनीम। मेकोपुकीम फल फुल ख्रुम्‍‍शा, मेको आन फल जाइनीम। ब्‍यवस्‍था ३०:३; यसैया ६५:२१

गन्‍ती 20:13

मोपतीके मेको ब्‍वाक्‍कु कली मेरीबा ङा ब्‍वाक्‍कु देंसीब। मेकेर इस्राएलीपुकीमी परमप्रभु यावे कली जिचा तोम्‍तेक्‍म। मिनु मेकोमी आ सक्ति कोंइताक्‍व। भजन संग्रह ८१:८

लूका 2:14

“नेल्‍ल क्‍येङा इर ङा परमप्रभु यावे नेल्‍ल क्‍येङा ठेयब बाक्‍ब। आ दाक्‍शो मुर आन कली थुं नाइश्‍शा बाक्‍चा गेब” दे कुम्‍सो पामे बाक्‍त। लूका १९:३८; गन्‍ती ६:२६; एफिसी २:१४,१७

२ कोरिन्‍थी 2:14

तन्‍न परमप्रभु यावे कली “गे रिम्‍शो पाइब बाक्‍ननी” दे ठेयब सेल्‍नीकी। मारदे हना ख्रीस्‍त आ नेंमी ग्राना ग्रान लाइनीकी। मोपा शेंना शेंन हिरशा गाक्‍कानु, ब्रोव़शो रिना पाइश्‍शो खोदेंशो पा नेल्‍लेमी ख्रीस्‍त कली तुइक्‍नीमी।

२ कोरिन्‍थी 2:15

मारदे हना गो पाप रे ब्रोंइशा बाक्‍ब नु जाम्‍शा लाइब आन दातेमी गो परमप्रभु यावे आ ङोंइती ख्रीस्‍त आ ब्रोव़शो नाम्‍सीशो बाक्‍नीकी। १कोरिन्‍थी १:१८

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

फिलिप्‍पी 4:18

गो मार मार माल्‍ङा, आं माल्‍शो क्‍येङा शुश ताता। इपाफ्रोडीटसमी इन सोइश्‍शो क्‍येट गेती। मेको ब्रोव़शो रिना पाइश्‍शो परमप्रभु यावे कली चढ़ेशो खोदेंशो बाक्‍ब। परमप्रभु यावे इन मो पशो तशा ग्‍येरसाक्‍व। फिलिप्‍पी २:२५

१ पत्रुस 3:15

तन्‍न इन थुंमी “ख्रीस्‍त ला प्रभु बाक्‍ब” दे मेको कली ठेयब सेलीन। गे गेना हना यो “इन थमा सुइक्‍तीके मार में” दे हिल्‍लो पाइब आन कली लोव़ लेत्‍चा ठीक दुम्‍शा बाक्‍कीन। ब्रेम्‍शो थुंमी रिम्‍शो लोव़ पा लोव़ लेत्‍तीने। १पत्रुस २:२१-१४