इजीकीएल 20:34 - Sunuwar Bible

³⁴ गो इन कली सक्ति पाइश्‍शो गुइ दिंशा चुरशा इन ब्रशा बाक्‍शो रागी रागी ङा मुर आन दाते रे ग्रुंइशा चाक्‍नन्‍नी। मिनु गे इन ब्रशो रागी रे इन कली ग्रुम्‍पाइक्‍नन्‍नी।

इजीकीएल 20:34 ပူးပေါင်းရင်းမြစ်များ

भजन संग्रह 107:3

मेको आन कली रागी रागी रे खुप्‍ताक्‍मी। पूर्ब, पच्‍छिम, उत्तर, दक्‍खिन नु ब्‍वाक्‍कु बुक्‍तीके रे नु ब्‍वाक्‍कु शाइक्‍तीक रे खुप्‍ताक्‍मी।

यसैया 31:3

इजीप्‍त ङा मुर, मुर ला बाक्‍नीम। मेको परमप्रभु मनम। आन शारा बेक्‍ब बाक्‍नीम। सोक्‍त मनम। परमप्रभु यावेमी आ गुइ दिंदानु, वारच पाइब दाइल पांइसीनीम। मिनु वारच पपांइसीब नेल्‍ले कालेमी बेक्‍नीम।

येरमीया 31:8

नेनीन, गो मेको आन कली उत्तर ङा रागी रे चाक्‍नुङमी। मिनु गो मेको आन कली रागी ङा सुर रे खुप्‍नुङमी। मेकोपुकी आन दातेमी मिक्‍च मताइब, गुइ खोइल मदुक्‍ब, कोव़ज कुरशो मीश मुर नु सुत्‍केरी रोइ पशो मीश मुर यो बाक्‍नीम। मेको आन ठेयब हुल लेश्‍शा एकेर जाक्‍चा माल्‍नीम। यसैया ३५:८-१०; इजीकीएल ३४:१६

येरमीया 32:37

कोव़ङीन, गो मेको आन कली आं गाइश्‍शो, चुरशो नु ठेयब ग्‍युश्रा बोक्‍तीकेमी तेको रागीम खेरुमी, मेको रागी नेल्‍ल रे ग्रुम्‍पाइक्‍नुङमी। गो मेको आन कली लेंशा एको रागीम लेश्‍शा चाक्‍नुङमी। मिनु मेको आन कली रिम्‍शो पा मारेइ मदुम्‍थु बाक्‍पाइक्‍नुङमी। ब्‍यवस्‍था ३०:३

येरमीया 42:18

मुर नेल्‍ल आन परमप्रभु यावे, इस्राएली आन परमप्रभुम “दोपा आं गाइश्‍शो नु चुरशो यरूसलेमम बाक्‍ब मुर आन तार मोंइसे, मोपान गेपुकी इजीप्‍त लाइतीनी हना, आं चुरतीके इन तार मोंइसीब। इन श्‍येत जशो तशा मुर हिंनीम। गेपुकी सराप राइब नु शुक्‍शी पाइक्‍चा पुंइसीब दुम्‍नीनी। गेपुकीम लेंशा एको रागी गेनायो कोव़चा मताइनीनी” देंशो बाक्‍ब। येरमीया २५:९; येरमीया ४४:१२

येरमीया 44:6

मोपतीके गो यहूदा ङा सहर नु यरूसलेम ङा लांम आं शुश गाइश्‍शो नु चुरशो मोइक्‍ता। मिनु मेको सहर ब्रेश्‍शो नु मुर मबाक्‍तीके दुम्‍तेक्‍म। मुलाक्‍ती मोदेंशो बाक्‍ब” देंत।

बिलाप 2:4

परमप्रभुमी सियोन आ जोरी सत्रु खोदेंशो दुम्‍शा, आ लिब्रा की‍तु। आ जोरी सत्रु खोदेंशो दुम्‍त। आंइ दाक्‍शो नेल्‍ल आन कली साइक्‍तु। परमप्रभुमी आ चुरशो मी खोदेंशो पा सियोन आ तमी आ ताम्‍बु तारी मोइक्‍तु।

इजीकीएल 11:17

मोपतीके गे मेको आन कली ‘गो इन कली जात जात ङा मुर आन दाते रे खुप्‍नन्‍नी। मिनु ब्रशा लशो रागी नेल्‍ले रे पा खुप्‍नन्‍नी। मिनु गो इन कली इस्राएल रागी गेनन्‍नी। येरमीया २४:५-६; येरमीया २९:२४

इजीकीएल 20:38

इन दाते ङा आं कली मटीब नु मरिम्‍शो पाइब आन कली तिल्‍नुङमी। गो मेको आन कली अर्को रागी ङा मुर दुम्‍शा बाक्‍शो रागी रे ग्रुंइनुङमी। तन्‍न मेको इस्राएल रागी ओव़चा मताइनीम। मिनु गेपुकीम गो परमप्रभु यावे नङ, दे तुइक्‍नीनी।

इजीकीएल 34:16

गो जाम्‍शो आन कली माल्‍नुङमी। हेंथे गाक्‍शो आन कली माल्‍शा थिश्‍शा चाक्‍नुङमी। गो गार दुम्‍शो आन कली ओख्‍ती ख्रेक्‍नुङमी। मचाप्‍शो आन कली बोल्‍यो सेल्‍नुङमी। तन्‍न गो दोम्‍शो नु सक्ति पाइश्‍शो आन कली साइक्‍नुङमी। गो मेको आन कली ठीक पा योव़नुङमी” देंत।

इजीकीएल 6:14

गो आं गुइ मेको आन पर्बम क्‍युक्‍नुङ। मिनु आन रागी रे श्‍येत्‍थ नु मुर मबाक्‍तीक सेल्‍नुङ। मेको गोरशो रागी रे रिब्‍ला सम्‍म मोदेंशो पाइनुङ। मेना मेकोपुकीमी गो परमप्रभु यावे नङ, दे तुइक्‍नीम” देंत। २राजा २५:२१