इजीकीएल 20:3 - Sunuwar Bible

³ मेकोमी “ए मुर, इस्राएल ङा खाल्‍पा आन कली लोव़ पावो। गो, परमप्रभु, परमप्रभु यावेमी, मारदे गेपुकी आं कली हिल्‍लो पथ जाक्‍नी? गो आं ब्रोंइशा बाक्‍शो खोदेंशो पा, इन कली लोव़ मलेत्‍नुङ। इजीकीएल १४:३

इजीकीएल 20:3 ပူးပေါင်းရင်းမြစ်များ

हितोपदेस 15:8

परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दी‍ब। तन्‍न रिम्‍शो थुं पाइश्‍शो मुर आन पुंइशो नेंशा ग्‍येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४

हितोपदेस 21:27

परमप्रभु यावे आ अरेशो मटीब आन चढ़ेशो ग्रांग्रा दि‍शो बाक्‍ब। मेकोमी मरिम्‍शो मिम्‍शा चढ़ेशो शुश ग्रांग्रा बाक्‍ब। हितोपदेस १५:८

हितोपदेस 28:9

सुमी परमप्रभु यावे आ अरेशो लोव़ नेंशा मटीबा, मेको आ परमप्रभु कली पुंइतीक लोव़ यो ग्रांग्रा दिशो बाक्‍ब। हितोपदेस १५:८

यसैया 1:12

गे आं ङोंइती जाक्‍शा, मोदेंशो चढ़ेचा, दे सुम देंम? आं लाङगा मथेक्‍तीन।

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

यसैया 58:2

मेकोपुकी मटीब बाक्‍तेक्‍म हना यो, आं कली नाक्‍त किंत किंत माल्‍नीम। आं लां तुइक्‍चा दाक्‍नीम। मेकोपुकी ठीक पाइब रागी ङा मुर खोदेंशो दुम्‍शा, आन परमप्रभु, आं ठीक पतीक लोव़ मप्रोंइशो खोदेंशो बाक्‍नीम। मिनु आं कली ठीक निसाफ पुंइनीम। परमप्रभु आ नेक्‍था जाक्‍चा दाक्‍नीम। यसैया २९:१३-१४

इजीकीएल 14:1

इस्राएल ङा खाल्‍पा का निक्‍शी जाक्‍शा, आं ङोंइती निस्‍साक्‍म। इजीकीएल २०:१

इजीकीएल 20:2

मेना परमप्रभु यावेमी आं कली लोव़ पाप्‍तु।

इजीकीएल 20:31

गेपुकीम मेको आन कली चढ़ेनीनी। गे इन आल आन कली चोशा चढ़ेनीनी। मिनु मुलाक्‍ती सम्‍म यो गे इन मूर्ति पूजा पतीकेम आंम इन कली ग्रांग्रा दिशो सेल्‍सीशो बाक्‍नीनी। ए इस्राएल आ खिं ङा मुरपुकी, गो ब्रोंइशा बाक्‍शो खोदेंशो पा, गे आं कली हिल्‍लो पचा मताइनीनी” दे परमप्रभु, परमप्रभु यावेमी देंत।

इजीकीएल 33:30

मेकोम “ए मुर, इ पर्बम बुक्‍शो मुरपुकी काथा बुक्‍शा, गारो नु खिं ङा लाप्‍चोम राप्‍शा ‘जाक्‍कीन परमप्रभु यावे आ लोव़ मार बाक्‍मे नेंय’ देंमुइनीम।

आमोस 8:12

मुरपुकी परमप्रभु यावे आ लोव़ माल्‍शा, समुन्‍द्र का रे अर्को समुन्‍द्र सम्‍म लाइनीम। उत्तर रे पूर्ब सम्‍म लाइनीम। मेकोपुकी एर ओंथ गाक्‍शा, परमप्रभु यावे आ लोव़ माल्‍नीमी। तन्‍न मथित्‍नीम।

मीका 3:7

कोंइतीक ताइबपुकी शिशी मताइनीम। टुना मुना पाइबपुकी मुने दोक्‍नीम। मेको आन शोव़ सुम्‍सीचा माल्‍नीम। मारदे हना परमप्रभुमी मेको आन कली लोव़ मलेप्‍ब। आमोस ८:१२

मत्ती 3:7

मिनु यूहन्‍नामी फरिसी नु सदुकी शुश जाक्‍शो तशा, मेको आन कली “गे बुस्‍स आ खलकपुकी, सुमी परमप्रभु यावे आ सजाइ रे ब्रोंइचा तांइसीब, दे शेंदीनी?फरिसी रिती थीती सेल्‍शा, रिम्‍शो पचा कली कोव़ब यो बाक्‍शो बाक्‍तेक्‍म। सदुकी यहूदी आन सरकार ङा हुल ‘मुर मसेंसीनीम’ दे थमा सुइक्‍ब बाक्‍शो बाक्‍तेक्‍म। मत्ती २३:३३

लूका 3:7

मिनु शुश मुर यूहन्‍ना आ बाक्‍तीकेमी ब्‍वाक्‍कुम ख्रुम्‍शा ग्रुंइपांइसीचा कली जाक्‍मा बाक्‍त। मिनु यूहन्‍नामी मेको आन कली “गे बुस्‍स आ खलकपुकी, परमप्रभु यावे आ सजाइ रे ब्रोंइचा ताइनीनी, दे सुम शेंदा?

यूहन्‍ना 4:24

परमप्रभु यावे सोक्‍त बाक्‍ब। मिनु सुम मेको कली ठेयब सेल्‍नीमी, मेकोपुकीमी आ सोक्‍त पतीकेमी थमा पा ठेयब सेल्‍चा माल्‍नीम” देंत। २कोरिन्‍थी ३:१७; रोमी १२:१

१ सामुएल 28:6

मिनु सावलम परमप्रभु यावे कली हिल्‍लो पवा बाक्‍त। तन्‍न परमप्रभु यावेम ङोमुम, ऊरीम नु परमप्रभु यावे आ लोव़ पाइब आन रे लोव़ मलेत्‍ता बाक्‍त। १सामुएल १४:४१; प्रस्‍थान २८:३०