इजीकीएल 20:11 - Sunuwar Bible

¹¹ गो मेको आन कली आं फुल्‍लुम मुशा ब्रेक्‍शो लोव़ तुइक्‍पाइक्‍तामी। मिनु आं निसाफ पतीक लोव़ कोंइताक्‍ङमी। सुम मेको टिशा पाइबा, मेको ब्रोंइब। लेवी १८:५; लूका १०:२८

इजीकीएल 20:11 ပူးပေါင်းရင်းမြစ်များ

हितोपदेस 6:23

मारदे हना मेको अरेशो बत्ती नु शेंशो छेङछेङ बाक्‍नीस। ठीक पचा कली हुइक्‍तीके ब्रोंइचा गेब लां बाक्‍ब।

इजीकीएल 18:9

मेकोम आं फुल्‍लुम मुशा ब्रेक्‍शो लोव़ नु आं निसाफ पतीके लोव़ थुं मफाइक्‍थु पाइब। मोदेंशो मुर ठीक पाइब मुर बाक्‍ब। मिनु मेको थमा पा ब्रोंइचा माल्‍ब” दे परमप्रभु, परमप्रभु यावेमी देंशो बाक्‍ब।

इजीकीएल 20:13

तन्‍न इस्राएल आ खिं ङा मुरपुकीमी गोरशो रागीम आं कली मटीयीमी। मेकोपुकीम आं फुल्‍लुम मुशा ब्रेक्‍शो लोव़ नु आं निसाफ पतीक लोव़ मपामे। मेको टिशा पाइब मुर मेको रे ब्रोंइनीम। मेकोपुकीमी आं नाइक्‍तीक नाक्‍त ग्रांग्रा दिशो सेल्‍तेक्‍म। मिनु गो एको गोरशो रागीमीन आं चुरशो मोइश्‍शा मेको आन कली साइक्‍नुङमी, दे मिम्‍ताक्‍ङ। प्रस्‍थान ३२:१०-१२

इजीकीएल 20:21

तन्‍न मेको आलपुकी आं कली मटीब दुम्‍तेक्‍म। मेकोपुकीम आं फुल्‍लुम मुशा ब्रेक्‍शो लोव़म मटीम। मिनु आं निसाफ पतीक लोव़ होस पा मपाम। मेको टिशा पाइब मुर मेको रे ब्रोंइनीम। मेकोपुकीम आं नाइक्‍तीक नाक्‍ती ग्रांग्रा दिशो सेल्‍तेक्‍म। मिनु एको गोरशो रागीमीन आं चुरशो आन तारी मोइश्‍शा, मेको आं गाइश्‍शा पशो गेय कोंइनुङ।

इजीकीएल 33:15

मिनु मेकोम आ जाकटी वोइश्‍शो थोव़क लेत्‍ताक्‍‍व हना, आ रोइश्‍शो थोव़क लेश्‍शा गेप्‍तु हना, ब्रोंइचा कली आं फुल्‍लुम मुशा ब्रेक्‍शो लोव़ पशा, मरिम्‍शो मपाप्‍तु हना, मेको थमा पा ब्रोंइब। मेको मबेक्‍ब। ब्‍यवस्‍था २४:१०-१३; इजीकीएल १८:७; लूका १९:८

इजीकीएल 33:16

मेको आ पशो तेकोइ पाप ममिम्‍सीब। मेकोमी आं अरेशो लोव़ नु ठीक गेय पाप्‍तु। मेको थमा पा ब्रोंइब।

लेवी 18:5

सुमी आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ पाइबा, मेको ब्रोंइचा ताइब। मारदे हना गो परमप्रभु यावे नङ। नेहेम्‍याह ९:२९; इजीकीएल २०:११; रोमी ७:१०; रोमी १०:५; गलाती ३:१२

लूका 10:28

मिनु येसुमी “ठीक देंते। मेको इ देंशो खोदेंशो पाप्‍तीवी हना, गेना हना यो ब्रोंइशा बाक्‍चा ताइनेवे” देंमाक्‍त। लेवी १८:५; मत्ती १९:१७

रोमी 10:5

मिनु मोसामी परमप्रभु यावे आ अरेशो लोव़ पतीक रे ठीक दुम्‍तीके ब्रेक्‍शो बाक्‍ब। “परमप्रभु यावे आ अरेशो लोव़ टीबपुकी मेको लोव़ टितीकेन ब्रोंइनीम” दे ब्रेक्‍शो बाक्‍त देंनीम। लेवी १८:५

रोमी 3:2

अरु आन क्‍येङा शुश तशो बाक्‍तेक्‍म। ङोंइती परमप्रभु यावेमी मेको आन कली आ लोव़ तुइक्‍पाइक्‍चा कली योव़तु। रोमी ९:४; ब्‍यवस्‍था ४:७-८; भजन संग्रह १४७:१९-२०

गलाती 3:12

परमप्रभु यावे आ अरेशो लोव़ येसु ख्रीस्‍त कली थमा सुइक्‍तीक रे मबाक्‍ब। “सुइम परमप्रभु यावे आ अरेशो पशो हना, मेको रे पा ब्रोंइ वा” दे ब्रेक्‍शो बाक्‍ब। लेवी १८:५

ब्‍यवस्‍था 30:19

गो मुलाक्‍ती सरीङ नु रागी कली इन ङोंइती सांकछी वोइक्‍नुङ। गो इन कली ब्रोंइचा नु बेक्‍चा, आसीक नु सराप इन कली कोंइताक्‍ङ। गे नु इन चच युइ ब्रोंइतीक योव़ङीन। ब्‍यवस्‍था ४:२६

ब्‍यवस्‍था 4:1

मिनु मोसामी “मिनु गे इस्राएली नेल्‍ले, गो इन कली परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंनुङ। इन नोफा दाइक्‍तीन। मिनु आ शेंशो पने। मेको पाइतीनी हना, गे ब्रोंइचा ताइनीनी। मिनु गे परमप्रभु यावे, इन किकी पिपी आन परमप्रभुमी इन कली गेशो रागी ओव़चा नु इन के सेल्‍चा ताइनीनी।

ब्‍यवस्‍था 4:5

मिनु परमप्रभु यावे, आं परमप्रभुमी आं कली अरेशो खोदेंशो पा, गो इन कली आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंतान्‍नी। मारदे शेंतान्‍नी देंशा हना, गे जाक्‍शा इन के सेल्‍चा चिक्‍शो रागीमी मेको नेल्‍ल पचा, दे शेंतान्‍नी।

ब्‍यवस्‍था 4:8

मुलाक्‍त गो इन कली परमप्रभु यावे आ अरेशो लोव़ नेल्‍ले नेंपाइक्‍नुङ। मिनु तेको ठेयब जात ङा मुर इं खोदेंशो रिम्‍शो पचा कली फुल्‍लुम मुशा ब्रेक्‍शो लोव़ नु निसाफ पतीक लोव़ नेंचा ताइनीमी। येरमीया ८:८