इजीकीएल 2:2 - Sunuwar Bible

² मिनु आं कली लोव़ पवानु, परमप्रभु यावे आ सोक्‍त आं आगाम ओव़शा, आं कली राप्‍पाइक्‍ती। मिनु आं कली लोव़ पशो नेंता।

इजीकीएल 2:2 ပူးပေါင်းရင်းမြစ်များ

नेहेम्‍याह 9:30

गे शुश बर्स सम्‍म मेको आन कली फाल्‍नी बाक्‍त। इन लोव़ पाइबपुकीमी मेको आन कली इन सोक्‍त रे पा शेंपाइक्‍नी बाक्‍त। तन्‍न मेकोपुकीमी नेंचा मबिस्‍समा बाक्‍त। मोपतीके गे मेको आन कली अर्को जात जात ङा मुर आन गुइमी गेनी बाक्‍त। येरमीया ७:२५-२६; येरमीया ४४:४-६

इजीकीएल 11:5

मिनु परमप्रभु यावे आ सोक्‍त आं तार जाक्‍त। मिनु मेकोम आं कली “परमप्रभु यावेमी ‘ए इस्राएल आ खिं ङा मुर, गे मार मिम्‍शो बाक्‍नीनी, गो मेको नेल्‍ल तुइक्‍नुङ।

इजीकीएल 24:3

एको मटीब खिं ङा मुर आन कली, एको कथा नेंपाइक्‍मी। परमप्रभु, परमप्रभु यावेमी मार देंब देंशा हना ‘मी तार ग्‍योंब कादीन। मिनु मेकेर ब्‍वाक्‍कु लुक्‍तीन। इजीकीएल ११:३

इजीकीएल 3:12

मिनु परमप्रभु यावे आ सोक्‍तीम आं कली इर क्‍युक्‍ती। मिनु गो “परमप्रभु यावे आ छेङछेङ ठेयब बाक्‍ब” देंशो नेंता। मिनु गो आं नोले गे ठेयब रेयके पशो नेंता। इजीकीएल १:२८

इजीकीएल 3:14

मिनु सोक्‍तीम आं कली क्‍युक्‍शा लाइक्‍ती। मिनु गो कशो थुं दुम्‍शा, गाइश्‍शा लती। मेना परमप्रभु यावे आ बोल्‍यो गुइम आं कली दिप्‍ती।

इजीकीएल 3:24

मिनु सोक्‍त आं थुंम ओव़त। मिनु मेकोम आं कली राप्‍पाइक्‍ती। मिनु आं कली लोव़ पा “लावो, इ खिं लशा, लाप्‍चो चोक्‍शा बाक्‍को। इजीकीएल २:२

इजीकीएल 36:27

गो आं सोक्‍ती इन आगाम वोइक्‍नुङ। मिनु आं फुल्‍लुम मुशा ब्रेक्‍शो लोव़ नु आं निसाफ पतीक लोव़ होस पा पाइब सेल्‍नुङ। इजीकीएल ३९:२९; यसैया ४४:३; इजीकीएल ३७:२४

दानीएल 8:18

मिनु मेकोमी आं कली लोव़ पवानु, गो खपीमी दिङ गोल्‍शा बाप्‍शा, थशो खोदेंशो दुम्‍ती। मिनु मेकोमी आं कली थिशा, पोक्‍शा राप्‍पाइक्‍ती।

प्रकाश 11:11

मिनु नाक्‍त सां नु आधा नोले परमप्रभु यावे आ ब्रोंइचा गेब सोक्‍त मेको आस बेक्‍शो रांमी ओव़त। मिनु मेको निक्‍शी छुल छाल बोक्‍शा राप्‍ताक्‍स। मिनु रागी रागी ङा मुरपुकीमी मेको आस कली तशा थाम्‍पा हिंतेक्‍म।

न्‍यायाधीस 13:25

मिनु सोराह नु एश्‍ताओल सहर आस दातेमी बाक्‍शो माहानेह-दान सहरमी बाक्‍मेनु, परमप्रभु यावे आ सोक्‍तीमी मेको कली गेय पपाइक्‍चा गोवा बाक्‍त। न्‍यायाधीस ३:९-१०; न्‍यायाधीस ६:३४; न्‍यायाधीस १४:६,९; न्‍यायाधीस १५:१४; गन्‍ती २४:२-४; १सामुएल १०:६,१०; १सामुएल १६:१३; इजीकीएल ११:५

१ सामुएल 16:13

मिनु सामुएलमी तेल बाक्‍शो ग्रोव़ ग्रुंइ‍शा, आ लोक्‍ब आन ङोंइती तेल लुक्‍ता बाक्‍त। मिनु परमप्रभु यावे आ सोक्‍त दाऊद तार जुक्‍ता बाक्‍त। मिनु मेना रे मेको नुन बाक्‍माक्‍त। मिनु सामुएल रामाह ङा लां खोदा बाक्‍त। २सामुएल २:४; २सामुएल ५:३; भजन संग्रह ८९:२१