इजीकीएल 19:7 - Sunuwar Bible

⁷ मेकोम मुर आन बोल्‍यो दरवार प्रेत्‍तु। मिनु मेको आन सहर खतम सेल्‍तु। मेको आ ङोरशो नेंशा, रागी नु मेकेर बाक्‍ब नेल्‍ल हिंतेक्‍म।

इजीकीएल 19:7 ပူးပေါင်းရင်းမြစ်များ

२ राजा 23:33

मिनु फाराओ नेकोमी मेकोम यरूसलेमम सासन मपवल, दे साङलोम फ्रेंशा हमाथ रागी ङा रिब्‍लामी चोक्‍शा वोदा बाक्‍त। मिनु मेकोमी यहूदा कली सहे का टलेन्‍ट चांदी नु टलेन्‍ट का सुन तिरो थाप्‍पदा बाक्‍त। टलेन्‍ट का ३४ किलो बाक्‍ब। इजीकीएल १९:४

हितोपदेस 19:12

पिप आ गाइश्‍शो गुप्‍स आ ग्रीशो खोदेंशो बाक्‍ब। आ दाक्‍तीक चहिं घांस तार दोक्‍शो सुनी ङा सीत खोदेंशो बाक्‍ब। हितोपदेस १६:१४-१५

हितोपदेस 28:3

हुकुम पाइब मुरुमी प्रुङग आन कली दिप्‍तु हना, मेको बाली नाली बिग्रेब ठेयब रेउ खोदेंशो बाक्‍ब।

येरमीया 22:17

तन्‍न इ मिक्‍च नु इ थुंम ठीक पा मचेम्‍शो क्‍येट ला बाक्‍ब। गे दोस मताइब आन हुश शाइक्‍पाइक्‍नेवे। गे मुर आन कली दिप्‍शा हुश ख्राक्‍श पोक्‍नेवे। मरिम्‍शो पचा नु रोइक्‍चा ला दाक्‍नेवे।

इजीकीएल 12:19

मिनु रागी ङा मुर नु यरूसलेम नु इस्राएल रागीम बाक्‍ब मुर आन कली परमप्रभु, परमप्रभु यावेमी ‘मेको आन जचा थोव़क हिंशा जाइनीम। मिनु सुर्ता पा ब्‍वाक्‍कु तूनीम। मारदे हना मेकेर बाक्‍ब आन मरिम्‍शो पतीके, मेको रागी नु मेकेर बाक्‍शो मारेइ मारेइ गोरशो सेल्‍नुङ।

इजीकीएल 19:6

मिनु मेको गुप्‍स आन दातेम एर ओंथ पचा गोप्‍तु। मारदे हना मेको ठेयब नु बोल्‍यो ठिटा गुप्‍स दुम्‍शो बाक्‍त। मिनु मेकोम सिखार पचा शेंसाक्‍व। मिनु मुर आन कली ब्‍वाप्‍तु।

इजीकीएल 19:8

मिनु आ एर ओंथ ङा रागी रागी रे मुरपुकी जाक्‍तेक्‍म। मिनु मेको कली ब्‍वारद दाइक्‍ताक्‍म। मेको कली बिक्‍तीकेम पिक्‍शा ग्‍याइक्‍ताक्‍म।

इजीकीएल 22:25

मेकेर बाक्‍ब पिप आ तौ आन सिखार ग्‍याइश्‍शो ङरर ङरर पाइब गुप्‍स खोदेंशो बाक्‍नीम। मेकोपुकीम मुर आन कली नेक्‍तेक्‍म। शोंप नु शुश क्‍येट लाइब, मार मार रोइक्‍ताक्‍म। मिनु मेको आन दाते ङा शुश मीश मुर आन कली वोंइश बेक्‍शो मीश मुर सेल्‍तेक्‍म। इजीकीएल ३४:३,८; सेफन्‍याह ३:३; भजन संग्रह १४:४

इजीकीएल 30:12

गो नील खोला ङा ब्राशो ब्‍वाक्‍कु सोव़पाइक्‍नुङ। मेको रागी कली मरिम्‍शो पाइब आन गुइम लेयनुङ। गो मेको रागी नु मेकेर बाक्‍शो मारेइ मारेइ आन कली अर्को रागी ङा मुर आन गुइ रे खतम पोक्‍नुङ। गो, परमप्रभु यावेमी एको लोव़ पाता” देंत। यसैया १९:५

इजीकीएल 34:4

गेपुकीम मचाप्‍शो आन कली बोल्‍यो मसेल्‍नी। रोइ पशो आन कली मसापाइक्‍नी। गार दुम्‍शो आन कली आन गारमी ओख्‍ती मख्रेक्‍तीनी। गेपुकीम लां जाम्‍शो आन कली माल्‍थ लशा मलेत्‍तीनी। गे जाम्‍शो आन कली ममाल्‍थु, मरिम्‍शो पा सासन पशो बाक्‍तीनी। जकरिया ११:१५-१६; यूहन्‍ना १०:११

इजीकीएल 45:8

मेको रू चहिं इस्राएलम सासन पाइब आन रू दुम्‍ब। मिनु मुल रे आं सासन पाइबपुकीम आं मुर आन कली दिप्‍चा मदुम्‍नीम। तन्‍न मेकोपुकीम इस्राएल आ खिं ङा मुर आन कली, मेको आन थर थर खोदेंशो पा आन रू आन के दुम्‍ब, दे रोइक्‍चा मताइनीम। इजीकीएल ४६:१८

आमोस 6:8

परमप्रभु यावेमी आ नेंमी कसम जशो बाक्‍ब। मिनु मुर नेल्‍ल आन परमप्रभु यावेमी “गो याकूब आ ठेयब लेश्‍शो तशा ग्रांग्रा दीनुङ। मेको आ बोल्‍यो दरवार आन कली काइ मदाक्‍नुङ। गो एको सहर नु आ मार मार नेल्‍ल आन जोरी सत्रु आन गुइमी गेनुङमी” देंशो बाक्‍ब।

मीका 1:2

मिनु परमप्रभु यावेमी मार कोंइशो नु देंशो बाक्‍त देंशा हना “जात जात ङा मुर, गे नेल्‍लेमी नोफा दाइक्‍तीन। रागी नु मेकेर बाक्‍ब नेल्‍लेमी नेनीन। परमप्रभु, परमप्रभु यावे आ बाक्‍तीके रे पा इन मरिम्‍शो पशो आ पर्बम सांकछी दुम्‍ब।