इजीकीएल 19:4 - Sunuwar Bible

⁴ मिनु रागी रागी ङा मुरपुकीम मेको आ पर्बम लोव़ नेंतेक्‍म। मिनु मेकोपुकीम मेको कली बिक्‍तीकेम पिक्‍शा ग्‍याइक्‍ताक्‍म। मिनु मुरपुकीम मेको कली कोंङगुम कीशा, इजीप्‍त रागी लाइक्‍तेक्‍म। २राजा २३:३१-३३; येरमीया २२:११-१२

इजीकीएल 19:4 ပူးပေါင်းရင်းမြစ်များ

२ राजा 23:31

येहो-अहाज पिप दुम्‍मेनु २३ बर्स दुम्‍शो बाक्‍माक्‍त। मेकोम यरूसलेममी महिना सां सासन पवा बाक्‍त। मेको आ ममा आ नें हामुतल बाक्‍माक्‍त। मेको लिब्‍ना ङा येरमीया आ तमी बाक्‍माक्‍त।

२ इतिहास 36:4

मिनु इजीप्‍त ङा पिपम येहो-अहाज आ लोक्‍ब एल्‍याकीम कली यहूदा नु यरूसलेम ङा पिप सेला बाक्‍त। मिनु मेकोमी मेको आ नें फाइश्‍शा येहो-याकीम वोदा बाक्‍त। मिनु नेकोम आ लोक्‍ब येहो-अहाज कली इजीप्‍त रागी लदा बाक्‍त। येरमीया २२:४-१२

२ इतिहास 36:6

मेकोमी आ परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु बेबीलोन ङा पिप नेबुकदनेसरम मेको आ रागी कली लडाइ तोशा, मेको कली कांसा के साङलोम फ्रेंशा बेबीलोन लदा बाक्‍त। येरमीया २२:१८

येरमीया 22:18

मोपतीके परमप्रभु यावेम “यहूदा ङा पिप योसीयाह आ तौ येहो-याकीम आ पर्बम ‘आबी, मुरपुकीमी मेको आ पर्बम रोंका पची ना आं लोक्‍ब, आबी, आ समी मदेंनीम’ मेको आ पर्बम मङाक्‍नीम। मिनु ‘आबी, आं प्रभु, आबी, मान ताइब पिप’ दे मेको आ पर्बम मङाक्‍नीमी। २राजा २३:३४

इजीकीएल 19:3

मिनु मेकोम आ चाइक्‍ब आन दाते ङा का कली कोल्‍पाइश्‍शा, ठेयब सेल्‍तु। मिनु मेको ठेयब बोल्‍यो ठिटा गुप्‍स का दुम्‍त। मेकोम सिखार पचा शेंसाक्‍व। मिनु मुर आन कली ब्‍वाप्‍तु।

इजीकीएल 19:5

मिनु मेको छाउरी गुप्‍सम आ देंशो मदुम्‍शो नु आ मिम्‍शो मगाप्‍शो तशा, आ चाइक्‍ब आन दाते ङा का कली योव़तु। मिनु मेको कली बोल्‍यो ठिटा गुप्‍स का सेल्‍तु। २राजा २४:६,८,९