इजीकीएल 19:11 - Sunuwar Bible

¹¹ मेको आ बोल्‍यो राशी का पिप आन हुकुम पतीक कोक्‍के दुम्‍चा ङा बाक्‍त। मेको शुश राशी आन दातेमी लाइश्‍शो नु कोल्‍शो दुम्‍शा, शुश राशी दाप्‍पाइश्‍शा लत।

इजीकीएल 19:11 ပူးပေါင်းရင်းမြစ်များ

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

१ राजा 5:1

टायर ङा पिप हीराममी सोलोमन आ आफ आ पा ङा पिप दुम्‍शो बाक्‍ब देंशो लोव़ नेना बाक्‍त। मिनु मेकोमी आ गेय पाइब आन कली सोलोमन आ बाक्‍तीक सोइक्‍ता बाक्‍त। मारदे हना मेको गेना हना यो दाऊद आ वारच दुम्‍शा बाक्‍शो बाक्‍माक्‍त। २सामुएल ५:११

एज्रा 4:20

यरूसलेममी सासन पाइब सक्ति पाइश्‍शो पिपपुकी बाक्‍तेक्‍म। मेकोपुकीमी युफ्रेटीस आइक्‍ची हांबु ङा रागी नेल्‍ल अधिकारम वोइश्‍शो बाक्‍तेक्‍म। मिनु मुरपुकीमी पिप कली थाप्‍तीके, आन चेम्‍शो रे थाप्‍तीके नु आन रू ङा थाप्‍तीके नेल्‍ल थाप्‍शो बाक्‍तेक्‍म।

एज्रा 5:11

तन्‍न मेकोपुकीमी ‘गो सरीङ नु रागी ङा परमप्रभु आ गेय पाइब नकी। मिनु शुश बर्स ङोंइती सेल्‍शो खिं लेंशा सेल्‍ना सेल्‍न बाक्‍नीकी। मेको ङोंइती ङा खिं इस्राएल ङा ठेयब पिप कामी सेल्‍‍शो बाक्‍त।

भजन संग्रह 110:2

परमप्रभु यावेमी सियोन रे पा इन सक्ति ङा राज दन्‍ड दिंब। मिनु गे इन जोरी सत्रु आन कली सासन पने” देंत। भजन संग्रह २:६

भजन संग्रह 80:15

इन सक्तिमी ख्रुम्‍शो बोट कली कोव़ङीन। गे इन तौ इन कली कोल्‍पाइक्‍तीनी।

भजन संग्रह 80:17

इन ग्‍युरा गे बाक्‍ब मुर आ तारी इन गुइ लील। मेको कली थुल्‍शा कोल्‍पाइक्‍तीनी।

यसैया 11:1

येस्‍से आ ठुटा रे ठोसा का दाप्‍ब। मेको आ शाक्‍श रे वाशो राशीम फल फुल सिप्‍ब।

इजीकीएल 19:12

तन्‍न मेको गाइश्‍शा चुरशा तुल्‍चा पुंइसाक्‍व। मिनु खपीम ताइक्‍चा पुंइसाक्‍व। मिनु पूर्ब ङा फशेम मेको कली सोव़पाइक्‍तु। मिनु मेको आ गेडा नेल्‍ल हेम्‍तेक्‍म। आ बोल्‍यो राशी सोव़शा, मेको कली मीम नेक्‍तु।

इजीकीएल 19:14

मिनु मेको आ ठेयब राशी रे मी ग्रूत। मिनु मेको आ फल नु आ आइक्‍च राशी नेल्‍ल नेक्‍तु। मोपा मेकेर हुकुम पतीक कोक्‍के दुम्‍चा ङा बोल्‍यो राशी का यो मली। मिनु एको रोंका पतीक कुम्‍सो नेल्‍लेम तुइश्‍शा, पना पन बाक्‍तेक्‍म।

इजीकीएल 21:10

मेको मुर साइक्‍चा कली शेप्‍शो बाक्‍ब। चिला दाप्‍शो खोदेंशो पा टल्‍केपपाइक्‍चा कली शेप्‍शो बाक्‍ब। दोपा ग्‍येरसीने चाप्‍नीनी? आं मुरपुकीम आं सजाइ गेतीके ममिम्‍तेक्‍म।

इजीकीएल 21:13

गे आं गेशो सजाइ ममिम्‍थु, मेको श्‍येत मजाक्‍ब, दे मिम्‍नीनी’ देनो” दे परमप्रभु यावेमी देंत। यसैया १:५

इजीकीएल 31:3

अस्‍सुर रागी कली मिम्‍तीन। मेको लेबानोन ङा लाइश्‍शो रवा खोदेंशो बाक्‍त। मेको आ दारशो राशीम ब्‍वाकी आन कली सुम्‍शो बाक्‍त। मेको आ ङर लाइश्‍शो दुम्‍शा गोस्‍स सम्‍म जाक्‍दीश्‍शो बाक्‍त।

दानीएल 4:11

मिनु मेको रवा थम लाइश्‍शो बाक्‍त। मेको रवा ठेयब नु बोल्‍यो दुम्‍त। आ ङरीमी सरीङ थिप्‍तु। मिनु मेको रवा रागी रागी रे तांइसीबाक्‍त।

लेवी 23:40

ङोंइती ङा नाक्‍ती गेपुकीमी रवा आन रिम्‍शो फल फुल, खजूर रवा आन राशी, शुश सफा पाइश्‍शो रवा आन राशी नु अरु खोलामी बाक्‍शो रवा आन राशी चाक्‍शा, गे परमप्रभु यावे, इन परमप्रभु आ ङोंइती ७ नाक्‍त सम्‍म ग्‍येरसीन। नेहेम्‍याह ८:१४-१६

गन्‍ती 24:17

गो मेको कली ताइनुङ, तन्‍न मुल ममाइ। गो मेको कली कोव़नुङ। तन्‍न आ नेक्‍था रे ममाइ। याकूब रे पा सोरुल का दाप्‍ब। मिनु इस्राएली रे पा पिप का ग्रूब। मिनु मेकोमी मोआब रागी आ सांद रे पा खतम सेल्‍ब। मिनु शेथ आ थर ङा मुर आन कली खतम पोक्‍ब। मत्ती २:२; लूका १:७८; उत्‍पत्ती ४९:१०; २सामुएल ८:२