इजीकीएल 18:8 - Sunuwar Bible

⁸ मेकोम जेर गेशा चाइक्‍ब मताक्‍ब, मेको मरिम्‍शो पतीक रे ङोन बाक्‍ब नु मुर आन दातेम कुल मकोव़थु ठीक निसाफ पाइब। प्रस्‍थान २२:२४; भजन संग्रह १५:५

इजीकीएल 18:8 ပူးပေါင်းရင်းမြစ်များ

२ सामुएल 22:24

मेको आ ङोंइ‍ती गो दोस मताइ‍ब बाक्‍ती। गो मरिम्‍शो पतीक रे ङोन बाक्‍ती।

नेहेम्‍याह 5:15

आं क्‍येङा ङोंइती ङा आं खोदेंशो पा हुकुम पाइबपुकीमी मुर आन कली ठेयब श्‍येत गेशो बाक्‍तेक्‍म। मेकोपुकीमी नाक्‍त किंत किंत ङा जचा थोव़क, शोब्‍ले, अङगुर शांबु नु ४० चांदी के शेकेल यो लाइश्‍शो बाक्‍तेक्‍म। मिनु मेको आन गेय पाइबपुकीमी यो मुर आन कली साप्‍पा दिप्‍शो बाक्‍तेक्‍म। तन्‍न गो परमप्रभु कली मान पा हिंशा मोदेंशो मपङ। चांदी के शेकेल का ११.५ ग्राम ङा क्‍येट बाक्‍ब।

भजन संग्रह 15:5

सुमी क्‍येट जेर गेशा, चाइक्‍ब मताक्‍बा, सुमी दोस मताइब कली श्‍येत गेचा कली घूस मजाइबा, मोदेंशो मुर गेना हना यो महिम्‍सीथु, परमप्रभु यावे आ बाक्‍तीकेम बाक्‍चा ताइब। प्रस्‍थान २२:२४; ब्‍यवस्‍था २३:२०-२१

प्रस्‍थान 22:25

गेपुकीमी आं मुर आन दाते ङा प्रुङग आन कली क्‍येट जेर गेतीनी हना, गे क्‍येट चेम्‍चा कली चाइक्‍ब ताक्‍ब मुर खोदेंशो मदुमीन। लेवी २५:३६; ब्‍यवस्‍था २३:२०; हितोपदेस २८:८

हितोपदेस 28:8

सुम आ क्‍येट मुर कली शुश चाइक्‍ब ताक्‍चा कली गेबा, मेको आ क्‍येट प्रुङग आन कली शिशी पाइब मुर कली हेक्‍ब।

यसैया 1:17

रिम्‍शो पचा शेंसीन। ठीक निसाफ पतीक मालीन। दिप्‍चा पुंइसीशो आन कली वारच पने। रोम रोइक्‍च आन कली वारच पने। वोंइश बेक्‍शो मीश मुर आन कली वारच पतीन” देंत। येरमीया ७:५-६

यसैया 33:15

सु ठीक पाइबा, रिम्‍शो थुं ङा लोव़ पाइबा, गेयी कि गेयी, दे क्‍येट मताक्‍बा, सुम घूस मजाइ‍बा नु “हुश ख्राक्‍श पोक्‍य” देंमानु, मेको आन लोव़ मटीबा नु मरिम्‍शो पाइब आन पशो काइ तचा मदाक्‍बा। भजन संग्रह १५:-; भजन संग्रह २४:३-४

येरमीया 15:10

आं ममा, मारदे आं कली जरमेनी। गो आं कली रागी नेल्‍लेम सुइ सुइम जिचा पोक्‍शा, गो नु सुइ मदुइनीम। गो मेको आन कली ना जेर गेशो बाक्‍नुङा, ना मेको आन रे जेर ज‍शो बाक्‍नुङा। मो हना यो मुर नेल्‍लेम आं कली सराप पाइनीम। येरमीया २०:१४

इजीकीएल 11:12

मेना गेपुकीम गो परमप्रभु यावे नङ, दे तुइक्‍नीनी। गेपुकीम आं फुल्‍लु मुशा ब्रेक्‍शो लोव़ मटिनी। आं निसाफ पतीक लोव़ यो मटिनी। तन्‍न गे इन एर ओंथ बाक्‍ब रागी रागी ङा मुर आन पतीक लोव़ पाइ‍तीनी’ ” दे परमप्रभु यावेमी देंत।

इजीकीएल 18:13

मेकोम आ चाइक्‍ब ताक्‍शा ला जेर गेब, मार मोदेंशो मुर ब्रोंइचा ताइ‍बा ङा? मेको ब्रोंइचा मताइब। मोदेंशो ग्रांग्रा दिशो गेय नेल्‍ल पतीके, मेको थमा पा बेक्‍चान माल्‍ब। मेको आ हुश आ दोस मेको आंमा राइब।

इजीकीएल 18:17

मेको मरिम्‍शो पतीक रे ङोन बाक्‍ब, जेर गेशा आ चाइक्‍ब मताक्‍ब। मेकोम आं निसाफ पतीक लोव़ नेल्‍ल पाइब। मिनु आं फुल्‍लुम मुशा ब्रेक्‍शो लोव़ नेल्‍ल खाप्‍ब। मेको मुर आ आफ आ मरिम्‍शो पशो आ पर्बम बेक्‍चा ममाल्‍ब। मेको थमा पा ब्रोंइब।

इजीकीएल 22:12

मेकेर मुरपुकीम मुर साइक्‍चा कली घूस ताक्‍नीम। गे मुर आन कली जेर गेशा आ चाइक्‍ब के यो चाइक्‍ब ताक्‍नेवे। आंम नेक्‍था ङा मुर आन कली दिप्‍शा आंम कली रिम्‍शो दुम्‍तीक गेय पाइनेवे। गे आं कली प्रेंताक्‍यी” ’ दे परमप्रभु, परमप्रभु यावेमी” देंत। प्रस्‍थान २२:२४

लेवी 19:15

गे जोल पाइब सांकछी मदुमीन। ठेयब मुर बाक्‍त हना यो, आइक्‍च मुर बाक्‍त हना यो, मुर आन कुल मकोव़थु, ठीक निसाफ पने। प्रस्‍थान २३:३,६; ब्‍यवस्‍था १६:१९,२०

लेवी 19:35

गेपुकीमी पुक्‍नीनु, नाक्‍तीनीनु नु थाप्‍तीनीनु जोल मपने।

जकरिया 8:16

गेपुकीमी मार पचा माल्‍नीनी देंशा हना, गे इन दातेमी थमा लोव़ ला पमुने। इन ठेयब लाप्‍चोमी जिचा मबोक्‍चा ङा पा थमा नु ठीक निसाफ पने। एफिसी ४:२५

जकरिया 8:19

मिनु मेकोमी मार देंत देंशा हना “४ महिना ङा माइजा बाक्‍तीक, ५, ७ नु १० महिना ङा माइजा बाक्‍तीके, मुल रे यहूदा ङा मुर ग्येरशा सोम्शा पतीक नाक्‍त दुम्‍चा माल्‍नीम। मेको ग्‍येरशा बाक्‍तीक चाड दुम्‍चा माल्‍नीम। मोपतीके गे थमा लोव़ पचा नु थुं नाइक्‍चा दाक्‍तीन” दे मुर नेल्‍ल आन परमप्रभु यावेमी देंत। जकरिया ७:३,५

ब्‍यवस्‍था 23:21

मिनु गेपुकीमी परमप्रभु यावे, इन परमप्रभु नु कसम जनीनु, मेको खाप्‍शा, थाप्‍चा कली मरिम्‍दीन। मारदे हना परमप्रभु यावे, इन परमप्रभुमी कसम खाप्‍शो कोव़चा दाक्‍ब। मो मपाइतीनी हना, गे पाप राइनीनी। गन्‍ती ३०:३