इजीकीएल 18:30 - Sunuwar Bible30 मोपतीके ए इस्राएल आ खिं ङा मुर, गो नेल्ल इन कली इन पशो कोव़शा निसाफ पाइनुङ। मिनु इन हेंथे पशो नेल्ल रे लेतीन। मो मपाइतीनी हना, इन मरिम्शो पशोम इन कली साइक्ब। အခန်းကိုကြည့်ပါ။ |
इजीकीएल 18:30
44 ပူးပေါင်းရင်းမြစ်များ
गो इन कली आं गेय नु आं लोव़ पाइब आन कली सोइक्ना सोइक्न बाक्ती। मेकोपुकीमी इन कली ‘गे नेल्ल इन मरिम्शो लां रे लेतीन। मिनु इन मरिम्शो गेय रिम्शो सेलीन। मिनु देवी देवता आन कली पूजा पचा नु आन नोले खोइक्चा प्रोनीन। मिनु गे इन किकी पिपी आन कली गेशो रागीम बाक्चा ताइनीनी’ देंती। तन्न गेपुकीम आं देंशो लोव़ मनेंनी नु मटिनी। मत्ती २३:३७
मोपतीके गे मेको आन कली परमप्रभु, परमप्रभु यावेमी “गो आ ब्रोंइशा बाक्शो खोदेंशो पा आं अरेशो लोव़ मटीब मुर बेक्मानु मग्येरसीनुङ। तन्न मेकोपुकीम आं अरेशो लोव़ टिशा ब्रोंइमल। गे इन मरिम्शो लां रे लेतीन। ए इस्राएल आ खिं ङा मुरपुकी, गे मारदे बेक्चा दाक्नीनी? ब्यवस्था ३२:४०; यसैया ५५:७; योएल २:१२-१३
साइ ङा आं लोव़ पाइबपुकीमी इन किकी पिपी आन कली लोव़ पाम्तेक्म। मेकोपुकीमी मुर नेल्ल आन परमप्रभु यावेमी इन कली मार लोव़ पाप्तु देंशा हना इन मरिम्शो लां रे नु इन मरिम्शो पतीके रे परमप्रभु आ लां गे लेतीन, दे लोव़ पाम्तेक्म। तन्न इन किकी पिपीमी आं लोव़ मनेंथु मटीम। गेपुकी मेको आन खोदेंशो मपने। येरमीया ३:१२; इजीकीएल ३३:११
दमस्कसमी जाक्दीश्शा, लोव़ शेंचा गोव़ता। मिनु यरूसलेममी, यहूदीया रागी हिरशा गाक्ती। अर्को रागी ङा मुर आन रागी रागी हिरशा गाक्ती। मोपा गाक्ङानु, मुर आन कली ‘पाप पचा प्रोंइशा, इन थुं परमप्रभु यावे गे हिरदीने। मिनु परमप्रभु कली शिरशो गेय पा इन थुं थमा पा हिरशो बाक्त, दे कोंइदीने’ दे शेंना शेंन गाक्ती।
गो ठेयब बुश नित्तीके आ ङोंइती ठेयब नु आइक्च बेक्शो मुरपुकी राप्शो तातामी। किताबपुकी प्राक्शो बाक्तेक्म। मिनु गो अर्को किताब का यो प्राक्शो ताता। मेको ब्रोंइतीक किताब बाक्त। मिनु मेको ठेयब बुश नित्तीके आ ङोंइती राप्शो बेक्शो मुर आन निसाफ पचा पुंइसीनीम। दोपा निसाफ पचा पुंइसीनीम देंशा हना, मेकोपुकीमी रागीमी बाक्मानु, मार मार पामे, मेको किताबमी ब्रेक्शो पढेशा, निसाफ पचा पुंइसीनीम। यूहन्ना ५:२८-२९; दानीएल ७:१०
ကြော်ငြာတွေ