इजीकीएल 18:22 - Sunuwar Bible

²² मेको आ हेंथे पशो आ पर्बम लेंशा ममिम्‍सीब। मेको आ ठीक पतीकेम ब्रोंइब। यसैया ४३:२५

इजीकीएल 18:22 ပူးပေါင်းရင်းမြစ်များ

१ राजा 17:18

मिनु मेको मीश मुरुम एलीया कली “परमप्रभु आ मुर, गे नु गो इस दातेम मार मरिम्‍शो दुम्‍शो बाक्‍बा? मार, गे आं पाप कोंइशा, आं तौ कली साइक्‍थ जाक्‍नी?” देंमाक्‍त।

२ इतिहास 6:23

गे स्‍वर्ग रे मेको नेंशा, मार पचा माल्‍बा, मेको पने। मिनु इन गेय पाइब आस दातेम निसाफ पने। दोस ताइब कली सजाइ गेने। मिनु दोस मताइब कली प्रोनीन। दोपा ठीक पवा, मेको आ पशो खोदेंशो पा, मेको कली गेने।

भजन संग्रह 103:12

नां दाप्‍तीक रे नां पेरतीक दोशो ङोन बाक्‍बा, मोशोन आंइ मरिम्‍शो पशो नेल्‍ल ङोन तिल्‍शो बाक्‍ब।

भजन संग्रह 19:11

मेकोमी इन गेय पाइब कली होस पा बाक्‍पाइक्‍ब। मेको लोव़ टीबपुकीम ठेयब इनाम ताइनीम।

भजन संग्रह 25:7

गो ठिटा बाक्‍ङा ना आं पशो पाप नु आं मरिम्‍शो पशो प्रेंदीन। परमप्रभु यावे, इन गेना हना यो दाक्‍तीके नु रिम्‍शो पतीकेम आं कली मिम्‍तीन।

भजन संग्रह 51:1

परमप्रभु इन गेना हना यो दाक्‍तीकेमी आं कली शिशी पने। इन शुश शिशीमी आं हेंथे पशो क्‍याम्‍दीन। लूका १८:१७

यसैया 43:25

गो नङ, इ हेंथे पशो क्‍याम्‍नुङ। गो मेको आं पर्बम पाइनुङ। गो इ पाप लेंशा ममिम्‍नुङ। यसैया ४४:२२; येरमीया ३१:३४

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

येरमीया 50:20

मेको नाक्‍ती इस्राएल आ मरिम्‍शो पशो माल्‍शा कोव़शा हना यो, मथिंसीब। यहूदा आ पाप माल्‍शा हना यो, मथिंसीब। मारदे हना गो आं प्रोंइशा वोइश्‍शो लीशो आन कली आन पाप माफ गेतामी। येरमीया ३३:७-८

इजीकीएल 18:24

तन्‍न ठीक पाइब मुरुम आ ठीक पतीक प्रोंइशा, मरिम्‍शो पाप्‍तु हना, आं अरेशो लोव़ मटीबपुकीम खोदेंशो पा ग्रांग्रा दिशो गेय पाप्‍तु हना, मार मेको ब्रोंइबा ङा? मेको आ ङोंइती पशो ठीक गेय मारेइ ममिम्‍सीब। मेको आ मरिम्‍शो पशो नु आ पाप आ पर्बम बेक्‍चा माल्‍ब। इजीकीएल ३:२०

इजीकीएल 33:16

मेको आ पशो तेकोइ पाप ममिम्‍सीब। मेकोमी आं अरेशो लोव़ नु ठीक गेय पाप्‍तु। मेको थमा पा ब्रोंइब।

मीका 7:19

मेकोमी आंइ कली लेंशा शिशी पाइ‍ब। मेकोमी आंइ पाप कली दिम्‍ब। गे आंइ पाप शुश लुक्‍च लशो समुन्‍द्रमी ताइक्‍नीनी।

रोमी 8:1

येसु ख्रीस्‍तमी बाक्‍ब आन कली सजाइ मबाक्‍ब। रोमी ३३:३४

हिब्रू 8:12

मेको आन कली शिशी पा, आन पशो पाप नेल्‍ल क्‍याम्‍शा गेनुङमी। मेको आन मरिम्‍शो पशो गेनायो ममिम्‍नुङ” देंमाक्‍त। येरमीया ३१:३१-३४

१ यूहन्‍ना 3:7

आं आइक्‍च आलपुकी, दूली लोव़ शेंब आन लोव़ मनेनीन। सुम ठीक गेय पाइबा, मेको मुर यो येसु ख्रीस्‍त खोदेंशो पा ठीक पाइब बाक्‍ब। १यूहन्‍ना २:२९