इजीकीएल 18:18 - Sunuwar Bible

¹⁸ तन्‍न मेको आ आफोम चहिं आ दला दाक्‍स पशा, आ लोक्‍ब आन कली रोइक्‍ताक्‍व। आ मुर आन दातेम मरिम्‍शो पाप्‍तु। मेको आ मरिम्‍शो पशो आ पर्बम बेक्‍ब।

इजीकीएल 18:18 ပူးပေါင်းရင်းမြစ်များ

उपदेसक 5:8

राज्‍य कामी प्रुङग आन कली दिप्‍शो नु मेको आन कली ठीक निसाफ मपशो ताइ‍तीनी हना, छक मलाक्‍कीन। मारदे हना मेको आन क्‍येङा अधिकार पाइश्‍शो का बाक्‍ब। मिनु मेको नेल्‍ल आन क्‍येङा ठेयब अर्को का बाक्‍ब। प्रस्‍थान २३:६

यसैया 3:11

आबी, दोस ताइब कली हिंचा ङा दुम्‍ब। मारदे हना दोपा मरिम्‍शो पवा, मोपा आ मरिम्‍शो पशो ताइब।

इजीकीएल 18:17

मेको मरिम्‍शो पतीक रे ङोन बाक्‍ब, जेर गेशा आ चाइक्‍ब मताक्‍ब। मेकोम आं निसाफ पतीक लोव़ नेल्‍ल पाइब। मिनु आं फुल्‍लुम मुशा ब्रेक्‍शो लोव़ नेल्‍ल खाप्‍ब। मेको मुर आ आफ आ मरिम्‍शो पशो आ पर्बम बेक्‍चा ममाल्‍ब। मेको थमा पा ब्रोंइब।

इजीकीएल 18:19

मो हना यो गेपुकीम मारदे आ आफ आ मरिम्‍शो पशो आ तौम कुरचा ममाल्‍दा? देंनीनी। आ तौम आं अरेशो टिशा, ठीक गेय पशो बाक्‍ब, मेकोम आं फुल्‍लुम मुशा ब्रेक्‍शो लोव़ होस पा टिशो बाक्‍ब। मोपतीके मेको थमा पा ब्रोंइब। प्रस्‍थान २०:५

इजीकीएल 18:20

सुम पाप पाइबा, मेको ला बेक्‍ब। आलमी आ आम आफ आस मरिम्‍शो पशो आ पर्बम श्‍येत जचा ममाल्‍ब। आ आम आफोम यो आस आल आन मरिम्‍शो पशो आ पर्बम श्‍येत जचा ममाल्‍नीस। ठीक पाइब आ ठीक पशो आ कली दुम्‍ब। मिनु परमप्रभु यावे आ अरेशो मटीबमी आ मटिशो आ कलीन दुम्‍ब। २राजा १४:६

इजीकीएल 18:24

तन्‍न ठीक पाइब मुरुम आ ठीक पतीक प्रोंइशा, मरिम्‍शो पाप्‍तु हना, आं अरेशो लोव़ मटीबपुकीम खोदेंशो पा ग्रांग्रा दिशो गेय पाप्‍तु हना, मार मेको ब्रोंइबा ङा? मेको आ ङोंइती पशो ठीक गेय मारेइ ममिम्‍सीब। मेको आ मरिम्‍शो पशो नु आ पाप आ पर्बम बेक्‍चा माल्‍ब। इजीकीएल ३:२०

इजीकीएल 18:26

ठीक पाइब मुरुम आ ठीक पतीक प्रोंइशा मरिम्‍शो पाप्‍तु हना, मेको आ ठीक मपतीकेम बेक्‍ब। मेको आ मरिम्‍शो पशो आ पर्बम बेक्‍चा माल्‍ब।

इजीकीएल 18:4

मारदे हना ब्रोंइशा बाक्‍ब नेल्‍ल आं केन नम, दे तुइक्‍चा माल्‍नीनी। आम आफ नु आल नेल्‍ल आं केन नम। सुम पाप पाइबा, मेको ला बेक्‍ब।

इजीकीएल 3:18

मिनु गो आं अरेशो लोव़ मटीब मुर का कली ‘गे थमा पा इ मटितीके आ पर्बम बेक्‍नेवे’ दे माइक्‍नुङ। मिनु गे मेको कली ब्रोंइचा कली हिंच मकोंइताक्‍वी हना, मेको आं अरेशो मटीब आ मरिम्‍शो पशो आ पर्बम बेक्‍ब। मेको मुर आ हुश आ क्‍येक्‍क इ रे पा ताक्‍नुङ। इजीकीएल १४:१०

यूहन्‍ना 8:21

मिनु येसुमी लेंशा यहूदी आन कली “गो लाइनुङ, गे चहिं आं कली माल्‍नीनी। मिनु मरिम्‍शो पतीकेमी ग्रुम्‍शा बेक्‍नीनी। गे आं लतीकेमी जाक्‍ने मचाप्‍नीनी” देंत। यूहन्‍ना ७:३४-३५; यूहन्‍ना १३:३३

यूहन्‍ना 8:24

मोपतीके गो इन कली ‘गे इन मरिम्‍शो पतीकेमी ग्रुम्‍शा बेक्‍नीनी’ देंती। गेपुकीमी ‘गो मरिम्‍शो गेय रे प्रोंइब ननी’ दे आं कली थमा मसुइक्‍तीनी हना, इन मरिम्‍शो पतीकेमी ग्रुम्‍शा बेक्‍नीनी” देंत। यसैया ४३:१०