16 मेकोम सुइ आन कली मरिम्शो मपाइब, मेकोमी जाकटी मताक्ब। मेकोम सुइ के मारेइ मरोइक्ब। तन्न शोव़लु बेक्शो आन कली आ जचा थोव़क गेब। शिश्रा बाक्शो आन कली वा फेक्पाइक्ब।
गे मोशान इन लोक्ब आ वा जाकटी लाइक्तीनी। आन वा रोइश्शा शिश्रा सेल्तीनी। प्रस्थान २२:२५-२६; अय्युब २४:९-१०
गे तूतू दाक्शा, लकचा सोव़शो मुर आन कली ब्वाक्कु मगेनी। मिनु शोव़लु बेक्शो मुर आन कली जचा थोव़क मगेनी। अय्युब ३१:१७; मत्ती २५:४२-४३
गो प्रुङग आन कली आन माल्शो थोव़क मगेशो बाक्ती हना, आन वोंइश बेक्शो मीश मुर आन कली ङाक्पाइश्शो बाक्ती हना, अय्युब २९:१२
गो प्रुङग आन कली वा मफेक्शो ताता हना, नाक्दो फेक्तीक मबाक्शो बाक्त हना,
मेको आन कली आं भेडा आन ऊन रे सेल्शो फेक्तीकेम महोपाइक्तीके मेकोपुकीम आं कली आसीक मगेशो बाक्तेक्म हना,
सु सुमी प्रुङग मुर आन पर्बम सुर्ता पा, वारच पाइनीमी, मेको आन कली परमप्रभु यावेमी आन श्येत रे प्रोंइब। हितोपदेस १४:२१; मत्ती ५:७
हाइश्शो मुरुमी आसीक ताइब। मारदे हना मेकोमी आ जचा थोव़क प्रुङग नु योक्ब। हितोपदेस १९:१७
इ जोरी सत्रु शोव़लु बेक्तेक्म हना, मेको आन कली थुलो। तूतू दाक्तेक्म हना, मेको आन कली ब्वाक्कु तूचा गेवो। रोमी १२:२०
मेकोमी प्रुङग आन कली वारच पाइब। मिनु श्येत जाइब आन कली आन माल्शो गेब।
प्रुङग नु मारेइ मथीब आन कली दिप्ब, मुर आन मार मार रोइक्ब। जाकटी वोइश्शो थोव़क मलेप्ब, मूर्ति आन कली पूजा पाइब नु ग्रांग्रा दिशो गेय पाइब।
मेकोम डांडा मेर मजाइब। इस्राएल आ खिं ङा मुर आन मूर्ति आन कली पूजा मपाइब, मेको आ नेक्था ङा मुर आन मीश नु मइप्ब।
मेकोम सुइ आन कली मदिप्ब, जाकटी वोइश्शो मार मार लेश्शा गेब, मेकोम खुइ मपाइब, शोव़लु बेक्शो आन कली आ जचा थोव़क गेब। मिनु शिश्रा बाक्शो आन कली वा फेक्पाइक्ब। ब्यवस्था २४:१०-१३; यसैया ५८:७
मारदे हना गेपुकीमी गो जचा मतथु बाक्ङानु, जचा गेतीनी। तूतू दाक्ङानु, तूचा गेतीनी। इन मतुइश्शो मुर इन खिं जाक्ङानु, बाक्चा गेतीनी। यसैया ५८:७
फेक्चा मतङानु, फेक्चा गेतीनी। रोइ पङानु, कोव़तीनी। जेल्खानमी चोक्शा वोइय्यीमीनु, ग्रुम्थ जाक्तीनी’ देंब।
गे आगा ङा थोव़क मथीब आन कली गेने। मिनु इन कली नेल्ल रिम्शो दुम्ब।
भोज पवीनु, प्रुङग आन कली कूंजी कुंजे, नु मिक्च मताइब आन कली ब्रेत्तीमी। ब्यवस्था १४:२९