इजीकीएल 18:13 - Sunuwar Bible

¹³ मेकोम आ चाइक्‍ब ताक्‍शा ला जेर गेब, मार मोदेंशो मुर ब्रोंइचा ताइ‍बा ङा? मेको ब्रोंइचा मताइब। मोदेंशो ग्रांग्रा दिशो गेय नेल्‍ल पतीके, मेको थमा पा बेक्‍चान माल्‍ब। मेको आ हुश आ दोस मेको आंमा राइब।

इजीकीएल 18:13 ပူးပေါင်းရင်းမြစ်များ

१ राजा 2:37

सहर प्रोंइशा, किद्रोन खोल्‍सा शोक्‍साक्‍वे हना, गे थमा पा साइक्‍चा पुंइसीनेवे। मो पाप्‍तीवी हना, इ हुश आ दोस इ पियामीन मोंइसीब” दे मदा बाक्‍त।

अय्‍युब 34:11

मेकोमी मुर आन कली मेको आन पशो खोदेंशो पा पाइब। मार पाइनीमी, मेकोन ताइनीमी।

प्रस्‍थान 22:25

गेपुकीमी आं मुर आन दाते ङा प्रुङग आन कली क्‍येट जेर गेतीनी हना, गे क्‍येट चेम्‍चा कली चाइक्‍ब ताक्‍ब मुर खोदेंशो मदुमीन। लेवी २५:३६; ब्‍यवस्‍था २३:२०; हितोपदेस २८:८

इजीकीएल 18:17

मेको मरिम्‍शो पतीक रे ङोन बाक्‍ब, जेर गेशा आ चाइक्‍ब मताक्‍ब। मेकोम आं निसाफ पतीक लोव़ नेल्‍ल पाइब। मिनु आं फुल्‍लुम मुशा ब्रेक्‍शो लोव़ नेल्‍ल खाप्‍ब। मेको मुर आ आफ आ मरिम्‍शो पशो आ पर्बम बेक्‍चा ममाल्‍ब। मेको थमा पा ब्रोंइब।

इजीकीएल 18:24

तन्‍न ठीक पाइब मुरुम आ ठीक पतीक प्रोंइशा, मरिम्‍शो पाप्‍तु हना, आं अरेशो लोव़ मटीबपुकीम खोदेंशो पा ग्रांग्रा दिशो गेय पाप्‍तु हना, मार मेको ब्रोंइबा ङा? मेको आ ङोंइती पशो ठीक गेय मारेइ ममिम्‍सीब। मेको आ मरिम्‍शो पशो नु आ पाप आ पर्बम बेक्‍चा माल्‍ब। इजीकीएल ३:२०

इजीकीएल 18:28

मारदे हना मेकोम मिम्‍शा, आ पशो मरिम्‍शो नेल्‍ल रे लेत्‍त हना, मेको थमा पा ब्रोंइब। मेको बेक्‍चा ममाल्‍ब।

इजीकीएल 18:32

मारदे हना गो सुइ मुर बेक्‍शोम मग्‍येरसीनुङ। मरिम्‍शो पतीक रे लेश्‍शा, ब्रोंइशा बाक्‍कीन” दे परमप्रभु, परमप्रभु यावेमी देंत।

इजीकीएल 18:8

मेकोम जेर गेशा चाइक्‍ब मताक्‍ब, मेको मरिम्‍शो पतीक रे ङोन बाक्‍ब नु मुर आन दातेम कुल मकोव़थु ठीक निसाफ पाइब। प्रस्‍थान २२:२४; भजन संग्रह १५:५

इजीकीएल 3:18

मिनु गो आं अरेशो लोव़ मटीब मुर का कली ‘गे थमा पा इ मटितीके आ पर्बम बेक्‍नेवे’ दे माइक्‍नुङ। मिनु गे मेको कली ब्रोंइचा कली हिंच मकोंइताक्‍वी हना, मेको आं अरेशो मटीब आ मरिम्‍शो पशो आ पर्बम बेक्‍ब। मेको मुर आ हुश आ क्‍येक्‍क इ रे पा ताक्‍नुङ। इजीकीएल १४:१०

इजीकीएल 33:8

मिनु गो आं अरेशो मटीब मुर आन कली ‘ए आं अरेशो मटीब मुरपुकी गे थमा पा बेक्‍नीनी’ देंनुङ, मिनु गे मेको आं अरेशो लोव़ मटीब मुर आन कली ‘इन मरिम्‍शो पशो प्रोनीन’ दे महिंपाइक्‍तीवी हना, मेको मरिम्‍शो पाइब मुर आन मरिम्‍शो पशो आ पर्बम बेक्‍नीम। तन्‍न गो मेको आन हुश आ क्‍येक्‍क इ रे पा ताक्‍नुङ।

लेवी 20:27

सु इन दातेमी वोंइश मुर कि मीश मुर बेक्‍शो मुर रे लोव़ पाइबा कि लिंक्‍यु कोव़नीम, मेको आन कली साइक्‍चा माल्‍ब। मेको आन कली फुल्‍लु आप्‍शा साइक्‍चा माल्‍ब। मेको साइक्‍चा पुंइसीनीम’ दे इस्राएली आन कली शेंदो” दे परमप्रभु यावेमी मोसा कली देंत। प्रस्‍थान २२:१७

लेवी 20:9

सुमी आ आंम आफ आस कली सराप पाइक्‍बा, मेको मुर कली साइक्‍चा माल्‍ब। आ आंम आफ आस कली सराप पाइक्‍तीके साइक्‍चा पुंइसीब। प्रस्‍थान २१:१७

प्रेरित 18:6

मिनु यहूदीपुकीमी आ शेंशो थमा मसुइक्‍थु शुक्‍शी पामेनु, पावलमी आ फेक्‍शो वा ङा फुरकु थुर थुर पा मेको आन कली “गे बेक्‍शा जाम्‍शा लाइतीनी हना, आं कली मारेइ देंचा मताइनीनी। मुल ङा मेरे यहूदी इन कली शेंचा प्रोंइशा, अर्को रागी ङा मुर आन कली शेंथ गाक्‍नुङ” दे मेको आन कली प्रोंइशा गाक्‍माक्‍त। प्रेरित १३:५१; नेहेम्‍याह ५:१५; प्रेरित २०:२६