इजीकीएल 17:5 - Sunuwar Bible

⁵ मिनु नोले मेकोमी रागी ङा वांचेर लाइश्‍शा, रिम्‍शो खपीम ख्रुम्‍तु। मेकोम मेको वांचेर शुश ब्‍वाक्‍कु बाक्‍तीकेम ख्रुम्‍तु।

इजीकीएल 17:5 ပူးပေါင်းရင်းမြစ်များ

२ राजा 24:17

बेबीलोन ङा पिपमी येहो-याकीन आ बकान्‍छा मत्तन्‍याह कली मेको आ पा ङा पिप सेला बाक्‍त। मिनु मेको आ नें सिदकीयाह वोदा बाक्‍त।

यसैया 15:7

मोपतीके मेकोपुकीमी आन लीशो मारेइ मारेइ लाइश्‍शा रवा पाइश्‍शो खो‍ल्‍सा आइक्‍ची हांबु लाइक्‍नीम।

यसैया 44:4

मेकोपुकी घांस खोदेंशो पा शुश बारनीम। ब्‍वाक्‍कु आ नेक्‍था वाशो रवा खोदेंशो दुम्‍नीम।

येरमीया 12:2

गे मेको आन कली ख्रुम्तीनी। मिनु मेकोपुकीमी शाक्‍श थोक्‍शा, बारशा, फल गेनीम। मेको आन लोव़म ला इन नेक्‍था बाक्‍नीम। तन्‍न मेको आन थुंमी इन क्‍येङा ङोन बाक्‍नीम।

येरमीया 37:1

बेबीलोन ङा पिप नेबुकदरेसरमी योसीयाह आ तौ सिदकीयाह कली यहूदा ङा पिप सेल्‍शो बाक्‍त। मिनु येहो-याकीम आ तौ कोन्‍याह आ पा ङा मेकोमी सासन पचा गोप्‍तु। येहो-याकीम आ अर्को नें कोन्‍याह बाक्‍ब। २राजा २४:१७

इजीकीएल 17:13

मिनु मेकोम पिप आ खिं ङा मुर का कली लाइश्‍शा, कसम जपाइश्‍शा, मेको नु कबल का पाप्‍तु। मिनु मेकोमी मेको रागी ङा ठेयब मुर आन कली लाइक्‍तु। २राजा २४:१७; २इतिहास ३६:१३

इजीकीएल 17:4

मेकोमी मेको रवा आ ङर लाइश्‍शा, ग्‍याप्‍तीक लेयतीक रागीम चाक्‍दीत्‍तु। मिनु मेको ग्‍याप्‍ब लेयब आन सहर काम ख्रुम्‍तु। इजीकीएल १६:२९

इजीकीएल 17:6

मिनु मेको वाशा एर ओंथ नेल्‍ल गे ब्राइब लहारा का दुम्‍त। मिनु मेको आ राशी मेको ककाकुली गे लेत्‍तेक्‍म। तन्‍न मेको आ शाक्‍श चहिं आगामीन लीतेक्‍म। मोपा मेको लहारा का दुम्‍त। मिनु मेको आ राशी दाप्‍तेक्‍म। मिनु मेकेर रे शुश सफा ग्रूतेक्‍म। इजीकीएल १९:१०

इजीकीएल 31:4

मिनु मेको कली ब्‍वाक्‍कुम जिश्‍शा कोल्‍पाइक्‍तु। ब्‍वाक्‍कुम मेको कली लाइश्‍शो सेल्‍तु। मेको आ एर ओंथ ङा खोलापुकीम मेको कली जिप्‍पाइक्‍तेक्‍म। मिनु मेको खोलाम दिंम ङा रवा नेल्‍ल आन कली जिप्‍पाइक्‍तु।

इजीकीएल 31:5

मोपा मेको दिंम ङा रवा नेल्‍ल आन क्‍येङा लाइश्‍शो दुम्‍त। शुश ब्‍वाक्‍कु बाक्‍तीके मेको आ राशी शुश दुम्‍तेक्‍म। मिनु शुश ब्‍वाक्‍कु रे मेको कोल्‍त।