इजीकीएल 17:24 - Sunuwar Bible

²⁴ मिनु रू ङा रवा नेल्‍लेम गो, परमप्रभु यावे नङ, दे तुइक्‍चा माल्‍नीम। गो लाइश्‍शो रवा आन कली आइक्‍च सेल्‍नुङ। आइक्‍च रवा आन कली लाइश्‍शो सेल्‍नुङ। गो गिगी रवा आन कली सोव़पाइक्‍नुङ। मिनु सोव़शो रवा आन कली गिगी दुम्‍पाइक्नुङ। गो, परमप्रभु यावेमी एको लोव़ पाता। मिनु गो एको थमा पा पाइनुङ” देंत।

इजीकीएल 17:24 ပူးပေါင်းရင်းမြစ်များ

अय्‍युब 40:12

ठेयब लेश्‍शो मुर नेल्‍ल आन कली कोव़ङो। मेको आन कली आइक्‍च सेलो। मिनु आं अरेशो लोव़ मटीब आन कली आन राप्‍तीकेमी दिम्‍दीमी।

अय्‍युब 5:11

मेकोम महिक्‍सीशो मुर आन कली ठेयब सेल्‍ब। मिनु रोंका पाइब आन कली लेंशा ग्‍येरपाइक्‍‍ब। भजन संग्रह ७५:८; लूका १:५२

भजन संग्रह 89:38

तन्‍न गे इन तेल लुक्‍शो कली प्रोंइशो बाक्‍तीनी। गे इन तेल लुक्‍शो आ पर्बम शुश गाइक्‍ताक्‍नी।

भजन संग्रह 89:45

मेको आ ब्रोंइतीके नाक्‍त इच्‍का ला सेल्‍तीनी। गे मेको कली मुनेम सुम्‍पाइक्‍तीनी। ठेयब सेंदा पा।

यसैया 22:19

गो इ कली इ गेय रे ग्रुंइशा, आइक्‍च सेल्‍नन।

यसैया 26:5

मारदे हना मेकोमी ठेयब लेश्‍शो मुर ब्रेम्‍पाइक्‍तु। आन सहर कली आइक्‍च सेल्‍शा, खपीम वोइश्‍शा, फुरक नु उइक्‍थ सेल्‍तु।

इजीकीएल 12:25

मारदे हना गो, परमप्रभु यावे आं देंशो लोव़ पशा, खाप्‍नुङ। मेको देश मपाइब रीब पा दुम्‍ब। ए मटीब खिं ङा मुर, इन पालामीन गो आं देंशो लोव़ खाप्‍नुङ’ दे परमप्रभु, परमप्रभु यावेमी देंशो बाक्‍ब” देंत।

इजीकीएल 18:1

परमप्रभु यावेमी आं कली लोव़ पाप्‍तु।

इजीकीएल 21:26

मेको आ पिया रे गुप्‍तीक पुतीन। मेको आ सिरपेच पुतीन। मुल दुम्‍शो खोदेंशो पा, लेंशा मदुम्‍ब। आइक्‍च आन कली ठेयब सेलीन। मिनु ठेयब आन कली आइक्‍च सेलीन। प्रस्‍थान २८:४; लूका १८:१४

इजीकीएल 22:14

गो तेको नाक्‍ती इ कली निसाफ पाइनुङा, मेको नाक्‍ती गे इ सक्ति महिक्‍सीथु बाक्‍बा ङा? मार इ गुइ बोल्‍यो लीनीमी ङा? गो, परमप्रभु यावेमी मेको लोव़ पाता। गो मेको पाइनुङ।

इजीकीएल 24:14

गो, परमप्रभु यावेमी एको लोव़ पाता। गो आं गेय पतीक नाक्‍ती जाक्‍शो बाक्‍ब। गो नोले मशोंइसीनुङ। गो इ कली सुर्ता मपथु, शिशी मपाइक्‍नुङ। इ पशो खोदेंशो पा इ कली निसाफ पाइनुङ’ ” दे परमप्रभु, परमप्रभु यावेमी देंत। येरमीया १३:१४

इजीकीएल 36:36

मेना इन एर ओंथ लीशो रागी ङा मुरपुकीम परमप्रभु यावेमी मेको ब्रेश्‍शो सहर कली लेंशा सेल्‍तु। मिनु श्‍येत्‍थ दुम्‍शो रागीम लेंशा मार मार वापाइक्‍तु, दे तुइक्‍नीम। गो परमप्रभु यावेमी मेको पाता। गो मेको यो पाइनुङ” देंत। इजीकीएल १७:२४; येरमीया १:१०; येरमीया १८:७-८

इजीकीएल 37:14

गो आं सोक्‍त इन कली कुर पाइक्‍नन्‍नी। मिनु गे ब्रोंइनीनी। मिनु गो इन कली आंम इन रूम बाक्‍पाइक्‍नुङ। मिनु गेपुकीम गो परमप्रभु यावेमीन एको लोव़ पाता। मिनु मेको पाइनुङ, दे तुइक्‍नीनी’ देनो” दे परमप्रभु, यावेमी देंत।

दानीएल 5:21

मिनु मुर आन बाक्‍तीके रे खेरचा पुंइसीशा, आ थुं जन्‍तु आन थुं खोदेंशो दुम्‍त। मेको ब्‍वाकी ङा गधा नु बाक्‍शा, ब्‍यफोम खोदेंशो पा घांस ब्‍वशो बाक्‍त। मिनु मेको नाक्‍दो ङा सीतमी जित्‍त। नेल्‍ल क्‍येङा ठेयब परमप्रभु मुर आन राज्‍य कली सासन पाइब बाक्‍ब नु मेको राज्‍य आ दाक्‍शो मुर आन गुइमी गेब, दे तुइक्‍पाइक्‍चा कली मोदेंशो दुम्‍शो बाक्‍त। दानीएल ४:२९

आमोस 9:11

परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७

गन्‍ती 17:8

मिनु मोसा आ दीसा सल्‍ला पशो सन्‍दोस बाक्‍शो ताम्‍बुम लत। मिनु लेवी आ थर ङा मुर, हारून आ कोक्‍केम कोच्‍वा दाप्‍शा, फू बोइश्‍शा देसी बदाम सिश्‍शो मीशो ताप्‍तु।

मत्ती 24:35

सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो लीब। मत्ती ५:१८; यसैया ५१:६

लूका 1:33

मिनु मेको याकूब आ खिं ङा मुर, यहूदी आन पिप दुम्‍शा, हुकुम पाइब। मिनु आ राज्‍य गेनायो मनुप्‍ब” देंमाक्‍त।

लूका 21:33

सरीङ नु रागी नेल्‍ल जाम्‍शा लाइनीम। तन्‍न आं लोव़ चहिं गेनायो मजाम्‍ब।