इजीकीएल 17:19 - Sunuwar Bible

¹⁹ मोपतीके परमप्रभु, परमप्रभु यावेमी “गो आं ब्रोंइशा बाक्‍शो खोदेंशो पा, मेकोम आ कसम जशो प्रेंशा, आं कबल प्रोंइशो नेल्‍ल मेको आ पियामीन मोइक्‍नुङ।

इजीकीएल 17:19 ပူးပေါင်းရင်းမြစ်များ

१ राजा 2:32

मिनु परमप्रभु यावेमी मेको आ हुश ख्राक्‍श पोक्‍शो मेको आ पियामीन मोइक्‍ब। मारदे हना मेकोमी आं आफ दाऊद आ मतुइक्‍थु आ क्‍येङा ठीक पाइब इस्राएल ङा लडाइ पाइब आन ठेयब मुर निक्‍शी नेर आ तौ आब्‍नेर नु येथेर आ तौ यहूदा ङा ठेयब मुर आमासा आस कली साइश्‍शो बाक्‍त। १राजा २:५

१ राजा 2:33

मेको आस हुश आ दोस गेना हना यो योआब नु मेको आ तौ चच आन पिया तार लील। तन्‍न दाऊद नु मेको आ तौ चच आन तार, मेको आन खिंम नु आन राज्‍यम परमप्रभु यावे आ ङोंइती गेना हना यो थुं नाइश्‍शा बाक्‍तीक दुम्‍ल” देंमाक्‍त।

येरमीया 27:8

तन्‍न तेकोइ रागी तेकोइ राज्‍य नु पिपम बेबीलोन ङा पिप नेबुकदनेसर आ वाइल दुम्‍चा नु मेको आ जुवा आन शुरम वोइक्‍ने मबिस्‍साक्‍म हना, गो मेको रागी ङा मुर आन कली तरवार, अन्‍काल नु मुर बेक्‍तीक रोइम सजाइ गेनुङमी। गो मेको आन कली मसाइक्‍पदुमी सम्‍म मो पाइनुङ’ दे परमप्रभु यावेम देंत।

येरमीया 37:17

मिनु पिप सिदकीयाहम मेको कली ग्रुंइथ सोइक्‍ताक्‍व। मिनु मेको कली दरवारम चाक्‍शा सुइम मतुइक्‍चा ङा पा “मार, परमप्रभु यावे रे पा मारेइ लोव़ बाक्‍मे?” दे हिल्‍लो पाप्‍तु। मिनु येरमीयामी “ओं, बाक्‍ब। गे बेबीलोन ङा पिप आ गुइम गेचा पुंइसीनीनी, देंशो बाक्‍ब” देंत।

येरमीया 5:2

मेकोपुकीमी ‘परमप्रभु यावे ब्रोंइशा बाक्‍शो खोदेंशो पा’ दे कसम जाइनीम। मो हना यो मेकोपुकीमी जोल लोव़ पाइनीम” देंत। येरमीया ४:२

येरमीया 5:9

मार, गो एको आ पर्बम मेको आन कली सजाइ मगेनुङमी ङा? मार, गो ओदेंशो रागी ङा मुर आन कली क्‍येक्‍क मलेत्‍नुङमी?” दे परमप्रभु यावेम देंत। येरमीया ५:२९; येरमीया ९:८

इजीकीएल 16:43

मारदे हना गे इ ठिटी बाक्‍ङे ना ङा नाक्‍त ममिम्‍ती। तन्‍न एको गेय नेल्‍लेमी आं कली गाइक्‍पाइक्‍ती। मोपतीके गो इ पशो इ पियामीन मोइक्‍ता। गे इ अरु ग्रांग्रा दिशो गेय नेल्‍ल प्रोंइशा यो इ पतीक नेल्‍ल मरिम्‍शो सेल्‍शा, इ गेय मतेम्‍दी ङा? गे मूर्ति पूजा पाइब क्‍येङा मरिम्‍शो पाइब मनवे ङा?” देंत।

इजीकीएल 16:59

परमप्रभु, परमप्रभु यावेमी “गे इ पशो खोदेंशो पा गो इ कली पाइनुङ। गे आं कसम जशो ममिम्‍ती। इस पशो कबल यो क्‍याम्‍ताक्‍वी।

इजीकीएल 17:18

मारदे हना मेकोम आ जशो कसम ममिम्‍थु, आ पशो कबल प्रोंइशा, सल्‍ला पा यो, मोदेंशो मरिम्‍शो पतीके मेको ब्रोंइने मचाप्‍ब” देंशो बाक्‍ब।

इजीकीएल 17:20

गो आं ग्‍याइल मेको तार ब्‍वारनुङ। मिनु मेको आं ग्‍याइलीम रेप्‍ब। मिनु गो मेको कली बेबीलोनम चाक्‍नुङ। मिनु मेकोम आं थुं फाइक्‍तीके गो मेको कली निसाफ पाइनुङ। इजीकीएल १२:१३

इजीकीएल 9:10

मोपतीके गो मेको आन कली शिशी मपथु सुइ आन कली ब्रोंइचा मगेनुङ। मेको आन पशो खोदेंशो पा सजाइ गेनुङमी” देंत। इजीकीएल ७:४

ब्‍यवस्‍था 5:11

गे परमप्रभु यावे, इन परमप्रभु आ नें मो मथिने। मारदे हना सुमी परमप्रभु यावे आ नें मोशा थिप्ब, मेकोम पाप पाइब” देंत।