इजीकीएल 16:60 - Sunuwar Bible

⁶⁰ मो हना यो गो इ ठिटी बाक्‍ङे नाक्‍त ङा गे नु पशो कबल मिम्‍नुङ। गो गे नु गेना हना यो लीब कबल पाइनुङ। लेवी २६:४५; होसे २:१७; इजीकीएल ३७:२६; येरमीया ३१:३१-३४

इजीकीएल 16:60 ပူးပေါင်းရင်းမြစ်များ

हिब्रू 12:24

नक कबल खाप्‍ब येसु बाक्‍ब। मिनु येसु आ जारशो हुश यो बाक्‍ब। मेको हुश हाबील आ हुश खोदेंशो ममाइ। हाबील आ हुशेमी “आं कली साइक्‍ब सजाइ गेचा पुंइसमल” देंब। येसु आ हुशेम चहिं “मेको आन पाप नेल्‍ल क्‍याम्‍शा, सजाइ जचा रे प्रोंइतामी” देंब। हिब्रू ९:१५; उत्‍पत्ती ४:१०

हिब्रू 8:10

मेको कबल मार बाक्‍ब देंशा हना, गो आं अरेशो लोव़ मेको आन मिम्‍तीकेम वोइश्‍शा, आन थुंम ब्रेक्‍नुङ। मिनु गो मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम।

इजीकीएल 16:8

गो लेंशा इ नेक्‍था रे पा लङानु, गे ग्‍युंबे पची ना दुम्‍शो बाक्‍ते। मिनु गो आं वा आ सुरमी इ शिश्रा रां सुम्‍ता। गो गे नु कबल का पाता। मिनु गे आं के दुम्‍ते। रूथ ३:९; प्रस्‍थान १९:५

येरमीया 50:5

मेकोपुकीमी ‘सियोन गे लतीक लां ते बाक्‍बा?’ दे हिल्‍लो पाइनीम। मिनु ‘इन गाक्‍शो लांन बाक्‍ब’ देंनीम। मेकोपुकीमी गेना हना यो लीब मप्रेंतीके कबल पा परमप्रभु यावे कली जिम्‍मा गेंसीनीम। येरमीया ३२:४०

यसैया 55:3

इन नोफा दाइश्‍शा, आं गे जाक्‍कीन। नेंशा, ब्रोंइनीनी। गे ब्रोंइशा बाक्‍चा कली आं लोव़ नेनीन। मिनु गो गेपुकी नु गेना हना यो लीब कबल का पाइनुङ। दाऊद कली खोदेंशो पा इन कली यो गेना हना यो दाक्‍नुङ। २सामुएल ७:८-१६; येरमीया ३१:३१-३४; प्रेरित १३:३४

भजन संग्रह 106:45

मिनु मेकोमी मेको आन कली पशो कबल मिम्‍ता बाक्‍त। मिनु मेको आ गेना हना यो शुश दाक्‍तीक ङा शिशी कोंइदीमी बाक्‍त।

लेवी 26:42

गो याकूब, इसहाक नु अब्राहाम नु पशो आं कबल नु मेको रागी कली मिम्‍नुङ। प्रस्‍थान २:२४; २राजा १३:२३

हिब्रू 13:20

नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५

लूका 1:72

‘परमप्रभु यावेमी आंइ किकी पिपी आन कली शिशी पाइनुङ’ दे आ पशो कबल मिम्‍ताक्‍व। उत्‍पत्ती १७:७

होसे 2:15

मेकेर गो मेको कली आ अङगुर रू लेश्‍शा गेनुङ। गो आकोर माइश्‍शो दिंम कली चहिं आस पतीक रागी सेल्‍नुङ। मेकेर मेकोमी आ ठिटी बाक्‍ची ना ङा खोदेंशो नु इजीप्‍त रागी रे जाक्‍शो खोदेंशो पा कुम्‍सो पाइब” देंत। यहोसु ७:२४-२६

येरमीया 2:2

“लावो, परमप्रभु यावेमी यरूसलेम कली मार देंत देंशा हना ‘गे इ ठिटी बाक्‍ची ना आं कली ग्‍युम्‍लीम खोदेंशो पा दाक्‍ताक्‍यी। गे आं कली मारेइ मशोक्‍शो गोरशो रागीमी आं नोले खोइक्‍ती। गो मेको मिम्‍नुङ। होसे २:१६; होसे १३:५

भजन संग्रह 105:8

मेकोमी आ पशो कबल गेना हना यो मिम्‍ब। आ देंशो लोव़ हजार हजार पाला सम्‍म मिम्‍ब। ब्‍यवस्‍था ७:९

२ सामुएल 23:5

मोपा आं खिं परमप्रभु नु बाक्‍ब। मारदे हना मेकोमी गो नु गेना हना यो लीब कबल का पशो बाक्‍ब। मेको नेल्‍ल रिम्‍शो नु ली‍ब। मिनु मेकोमी आं रिम्‍शो दुम्‍शो नु आं दाक्‍शो बारना बारना लपाइक्‍ब।

लेवी 26:45

तन्‍न गो मेको आन कली मिम्‍शा, आन किकी पिपी नु पशो आं कबल मिम्‍नुङ। गो नेल्‍ल रागी ङा मुरपुकीम तचा ङा पा मेको आन परमप्रभु दुम्‍तीके, मेको आन कली इजीप्‍त रागी रे ग्रुंइशा चाक्‍ताक्‍मी। गो परमप्रभु यावे नङ” दे परमप्रभु यावेमी देंत। उत्‍पत्ती १२:७

उत्पत्ती 9:15

मिनु गो गे नु मारेइ मारेइ ब्रोंइशा बाक्‍ब नु कबल पाता, दे मिम्‍नुङ। गो गेनायो ब्रोंइशा बाक्‍ब नेल्‍ल आन कली ब्‍वाक्‍कुमी मसाइक्‍‍नुङमी। यसैया ५४:७-१०

इजीकीएल 34:25

मेकोमी “गो मेकोपुकी नु थुं नाइश्‍शा बाक्‍तीक कबल का पाइनुङ। मिनु गो रागी कली ब्‍वाकी ङा जन्‍तु रे प्रोंइनुङ। मिनु मेकोपुकी महिंथु थुं नाइश्‍शा गोरशो रागी नु ब्‍वाकीम इप्‍चा ताइनीम। इजीकीएल ३७:२६; लेवी २६:६; होसे २:२०

यसैया 14:1

मिनु परमप्रभु यावेमी याकूब कली शिशी पा, इस्राएल कली योव़शा लेंशा मेको आन कली आन रागीमी वोइक्‍ब। मिनु अर्को रागी ङा मुरपुकी याकूब आ खिं ङा मुर नु गारशा बाक्‍नीम। जकरिया १:१७

यसैया 61:8

गो, परमप्रभु यावेमी, ठीक पतीके दाक्‍नुङ। रोइक्‍तीक नु हेंथे पतीक गेय काइ मदाक्‍नुङ। गो मेको आन कली थमा पा आन पशो खोदेंशो पा गेनुङमी। गो मेकोपुकी नु गेना हना यो लीब कबल पाइनुङ। यसैया ५४:१०; यसैया ५५:३